Цэнтр садзейнічання мігрантам

МУС Беларусі растлумачыла сваю пазіцыю наконт замежнікаў-бежанцаў

16
(абноўлена 16:16 21.01.2020)
Беларускія міграцыйныя падраздзяленні не будуць абмяжоўваць колькасць замежнікаў, якія могуць папрасіць аб статусе бежанца ў краіне.

МІНСК, 21 сту - Sputnik. Міністэрства ўнутраных спраў Беларусі не плануе абмяжоўваць колькасць замежнікаў, якія збіраюць падаваць хадайніцтвы аб прызнанні іх бежанцамі ў краіне, адзначылі ў ведамстве.

Гэты каментар МУС дало ў сувязі з трактоўкай СМІ пастановы МУС №353 ад 2019/12/31 "Аб устанаўленні размеркавальных квот рэгістрацыі хадайніцтваў на 2020 год".

"Усталёўваючы размеркавальныя квоты рэгістрацыі хадайніцтваў аб абароне, МУС не ставіць мэту абмежаваць колькасць замежнікаў, хадайніцтвы аб абароне якіх могуць быць прыняты да разгляду ўпаўнаважанымі органамі РБ на працягу года", - гаворыцца ў каментары МУС, размешчаным на сайце ведамства ў аўторак.

Гэта робіцца выключна для размеркавання нагрузкі па прыёме і разглядзе хадайніцтваў аб абароне паміж падраздзяленнямі па грамадзянстве і міграцыі ГУУС Мінгарвыканкама і УУС аблвыканкамаў, растлумачылі ў міністэрстве.

Там таксама адзначылі, што памяншэнне ліку квот на 2020 год звязана са зніжэннем у 2019 годзе колькасці замежнікаў, якія папрасілі аб статусе бежанца ў Беларусі. Па звестках ведамства, у 2018 годзе іх было 895 чалавек, а ў 2019 годзе толькі 654 чалавекі.

Як растлумачылі ў дэпартаменце па грамадзянстве і міграцыі МУС, нават калі скончацца выдзеленыя квоты на прыём ад замежнікаў заяў на статус бежанца, міграцыйныя структуры ведамства не перастануць прымаць да разгляду хадайніцтвы аб абароне замежнікаў.

Хто звяртаецца

Па стане на 1 чэрвеня 331 замежнік звярнуўся ў органы ўнутраных спраў з хадайніцтвам аб наданні статусу бежанца або дадатковай абароны, 92% з іх складаюць украінцы.

У сярэднім у Беларусь за статусам бежанца звяртаецца ад 600 да 900 замежнікаў. Як адзначылі ў дэпартаменце па грамадзянстве і міграцыі, грамадзяне Украіны ў цяперашні час складаюць амаль 90% ад ліку тых, хто звярнуўся ў Беларусь за статусам бежанца. Такая тэндэнцыя захоўваецца ў апошнія пяць гадоў. У астатнім геаграфія краін, грамадзяне якіх звяртаюцца ў Беларусь па гэтым пытанні не мяняецца - гэта каля 20 дзяржаў.

"Гэта грамадзяне Сірыі, Расіі, Емена, Афганістана, Палестыны, Арменіі", - удакладнілі ў дэпартаменце.

"Усім замежнікам, у дачыненні да якіх прыняты станоўчыя рашэнні, прадастаўлена дадатковая абарона. Значны працэнт станоўчых рашэнняў па хадайніцтвах аб абароне абумоўлены тым, што ў справаздачны перыяд большую частку хадайніцтваў складаюць замежнікі, якія прыбылі з рэгіёнаў, ахопленых ўзброенымі канфліктамі", - сказалі ў дэпартаменце.

Там таксама падкрэслілі, што з улікам захавання нестабільнай абстаноўкі ў шэрагу дзяржаў, з якіх у Беларусь прыбываюць вымушаныя мігранты, мяркуецца, што колькасць асоб, якія шукаюць прытулак у нашай краіне, у бліжэйшыя гады істотна не зменіцца.

16
Тэги:
МУС РБ, Бежанцы, Беларусь

Грамадства