Акцыя ў памяць аб воінах-інтэрнацыяналістах, архіўнае фота

Лукашэнка назваў задачу Беларусі, звяртаючыся да воінаў-інтэрнацыяналістаў

22
(абноўлена 13:54 15.02.2020)
Кіраўнік дзяржавы звярнуў увагу на актуальнасць урокаў вайны ў Афганістане і заявіў, што беларусы памятаюць і смуткуюць аб земляках, якія загінулі там.

МІНСК, 15 лют - Sputnik. Галоўнай задачай Беларусі застаецца захаванне і ўмацаванне незалежнасці, заявіў прэзідэнта рэспублікі Аляксандр Лукашэнка, паведамілі ў прэс-службе беларускага лідара.

15 лютага ў Беларусі адзначаецца Дзень памяці воінаў-інтэрнацыяналістаў.

"Разам з бацькамі, жонкамі, дзецьмі салдат і афіцэраў, якія загінулі ў далёкім Афганістане, мы памятаем і смуткуем аб сваіх земляках. Ганарымся мужнасцю і стойкасцю беларусаў, якія, праявіўшы гераізм і захаваўшы вернасць прысязе, сумленна выканалі свой воінскі абавязак", - гаворыцца ў звароце кіраўніка дзяржавы.

Прэзідэнт падкрэсліў, што ўдзел абмежаванага кантынгенту савецкіх войскаў у баявых дзеяннях у Афганістане паказаў, якімі маштабнымі могуць быць геапалітычныя амбіцыі асобных краін і наколькі высокая каштоўнасць міру і бяспекі.

"Гэтыя ўрокі актуальныя і цяпер, калі ва ўмовах разрастання міжнароднага тэрарызму і экстрэмізму адной з галоўных задач для нашай маладой суверэннай краіны застаецца захаванне і ўмацаванне незалежнасці", - сказаў Лукашэнка.

Прэзідэнт выказаў упэўненасць, што воіны-інтэрнацыяналісты будуць і надалей прыкладам адвагі і гонару для маладога пакалення абаронцаў Радзімы.

Ваенны канфлікт у Афганістане доўжыўся з 1979 па 1989 год, праз яго прайшлі больш за 28 тысяч беларусаў, з якіх звыш 770 загінулі.

22
Тэги:
Аляксандр Лукашэнка, Беларусь, Дзень памяці воінаў-інтэрнацыяналістаў
Праверка на каронавірус

Місія СААЗ прыедзе ў Беларусь 7 красавіка для ацэнкі сітуацыі з COVID-19

17
(абноўлена 08:33 04.04.2020)
Міністэрства аховы здароўя запэўніў СААЗ у тым, што ў Беларусі місіі акажуць поўную падтрымку і зробяць усё неабходнае, каб яна прайшла паспяхова.

МІНСК, 4 кра - Sputnik. Місія Сусветнай арганізацыі аховы здароўя прыбудзе ў Беларусь у аўторак 7 красавіка для ацэнкі сітуацыі, якая складваецца ў рэспубліцы ў сувязі з распаўсюджваннем каронавіруса новага тыпу, паведамілі ў пятніцу ў эфіры тэлеканала "Беларусь 1".

Пра тое, што Беларусь запросіць спецыялістаў СААЗ для праверкі працы сістэмы аховы здароўя, стала вядома 31 сакавіка - такое даручэнне даў прэзідэнт краіны Аляксандр Лукашэнка. У пятніцу 3 красавіка ў Міністэрстве аховы здароўя рэспублікі заявілі, што гэтае пытанне знаходзіцца на заключнай стадыі рашэння.

Паводле інфармацыі тэлеканала, ужо дасягнута дамоўленасць аб наведванні рэспублікі спецыялістамі СААЗ - яны прыбудуць 7 красавіка.

"Былі мабілізаваны ўсе сілы для таго, каб арганізаваць такую місію ў самыя кароткія тэрміны. Мы атрымалі поўнае разуменне з боку міністэрства ў тым, што будзе неабходна місіі", - заявіў у эфіры тэлеканала кіраўнік краінавага офіса Сусветнай арганізацыі аховы здароўя (СААЗ) у Беларусі Батыр Бердыклычаў.

Ён таксама адзначыў, што Міністэрства аховы здароўя запэўніла СААЗ у тым, што ў Беларусі місіі акажуць поўную падтрымку і зробяць усё неабходнае, каб яна прайшла паспяхова.

Па дадзеных на пятніцу, у Беларусі зарэгістраваны 351 выпадак каронавіруса COVID-19. Паводле інфармацыі Міністэрства аховы здароўя, больш за ўсё захварэлых зафіксавана ў Мінску - 190. У Віцебскай вобласці, якая апынулася ў цэнтры ўвагі грамадскасці ў сувязі з сітуацыяй, зафіксавана куды менш - 89 выпадкаў. Трэцяя па колькасці выпадкаў - Мінская вобласць, тут іх паўсотні.

17
Тэги:
каронавірус, Беларусь, Сусветная арганізацыя аховы здароўя (СААЗ)
Тэмы:
Успышка каронавіруса з Уханя
Тканкавыя маскі шырокага прызначэння

Кітай накіруе ў Беларусь яшчэ тры барты з меддапамогай

44
(абноўлена 17:09 03.04.2020)
Гуманітарная дапамога з КНР будзе прыбываць у нашу рэспубліку траншамі: мяркуецца, што наступны будзе ў 20 разоў большы за папярэдні.

МІНСК, 3 кра - Sputnik. Тры барты з медыцынскай гуманітарнай дапамогай будуць накіраваныя ў Беларусь з Кітая, пра гэта намеснік міністра аховы здароўя Беларусі Барыс Андрасюк паведаміў у пятніцу.

Гуманітарная дапамога з КНР будзе прыбываць у Беларусь траншамі: першы ўжо дастаўлены, на яго борце было больш за дзве тысячы тэстаў на каронавірус, а таксама ахоўныя касцюмы для медыкаў, прыборы для дыягностыкі і не толькі.

У цяперашні час, паведаміў намеснік міністра, пасольства збірае наступны транш. "Трэці транш будуць дасылаць кітайскія заводы, чацвёрты - гарады-пабрацімы. Гэта будзе яшчэ тры вялікіх борта", - паведаміў Андрасюк, яго цытуе БелТА.

Мяркуецца, што наступны транш будзе ў 20 разоў большы за папярэдні.

Адзначаецца таксама, што гуманітарную дапамогу медыкам гатовыя аказваць і беларусы, якія пражываюць за мяжой: па словах намесніка міністра, многія суайчыннікі "з розных краін Еўропы, Азіі адгукнуліся і збіраюць дапамогу".

44
Тэги:
гуманітарная дапамога, Беларусь, Кітай

Людзі, вы дзе? Звяры і птушкі шнараць па пустых гарадах

0
(абноўлена 08:36 04.04.2020)
  • Марская птушка плыве па чыстай вадзе ля гандолы ў канале Венецыі
  • Касяк рыб у чыстых водах Венецыі
  • Пума на вуліцы горада Санц'яга ў Чылі
  • Адзінокі паўлін у Дубаі
  • Мядзведзь каля жылога дома ў Каліфорніі
  • Дзікі алень блукае па пустой вуліцы ў партовым горадзе Трынкамалі ў Шры-Ланцы
  • Пешаходы і алені на вуліцы горада Нара
  • Алень пераходзіць дарогу ў горадзе Нара
  • Казлы на адной з вуліц горада Лландідна ва Уэльсе, Вялікабрытанія
  • Казлы на адной з вуліц горада Лландідна ва Уэльсе, Вялікабрытанія
  • Казлы на адной з вуліц горада Лландідна ва Уэльсе, Вялікабрытанія
  • Казёл побач з таблічкай зарэзервавана на адной з вуліц горада Лландідна ва Уэльсе, Вялікабрытанія
  • Качкі шпацыруюць каля парыжскага тэатра Камеды Франсэз у Пале-Раяль
  • Малпа перасякае дарогу каля Прэзідэнцкага палаца ў Нью-Дэлі, Індыя
  • Нашэсце дзікіх малпаў назіралі жыхары Лопбуры, Тайланд. Яны сабраліся перад старажытным кхмерскім храмам Пранг Сам Ёт
  • Малпы каля машыны ў Лопбуры, Тайланд
  • Нашэсце малпаў назіралі жыхары Лопбуры, Тайланд
  • Сотні птушак на перуанскім пляжы Агуа-Дульсе ў Ліме
  • Вавёрка на пустой вуліцы ў Мехіка спакойна пераходзіць дарогу
  • Бяздомны сабака сядзіць на пустой вуліцы каля закрытага кафэ ў Прышціне
  • Пацук на пустой вуліцы ў Новым Арлеане
  • Мужчына ў масцы ідзе сярод галубоў у цэнтры Мілана, Італія
  • У Балівіі жыхарам сталіцы дазваляецца выходзіць на вуліцу толькі па пакупкі
  • Краснохвостый ястраб балюе ў Цэнтральным парку Манхэтэна, у апусцелым і маўклівым падчас каранціну Нью-Ёрку.
На вуліцах апусцелых з-за каронавіруса гарадоў раз-пораз з'яўляюцца дзікія звяры, якім выпала ўбачыць свет без людзей.

Аднак наўрад ці гэта можна назваць урачыстасцю прыроды. Так, паветра і вада пачысцелі, і гэта адна з нешматлікіх пазітыўных навін апошніх месяцаў. Але дзікім жывёлам у гарадах прыходзіцца нялёгка без чалавека. Многія дзесяцігоддзі яны прывыклі жыць побач з людзьмі, якія падкормліваюць іх, ствараюць пэўныя ўмовы для існавання. З карантынам для іх усё змянілася.

Глядзіце таксама:

  • Без панікі! Заставайцеся дома: да чаго яшчэ заклікае рэклама па ўсім свеце
  • Як вулічныя мастакі адрэагавалі на каронавірус - фота
0
  • Марская птушка плыве па чыстай вадзе ля гандолы ў канале Венецыі
    © AFP 2020 / ANDREA PATTARO

    Пачалося ўсё з Венецыі. Прачнуўшыся раніцай праз тры тыдні каранціну, італьянцы са здзіўленнем выявілі, што вада ў каналах стала чыстай і над ёй лётаюць марскія птушкі.

  • Касяк рыб у чыстых водах Венецыі
    © REUTERS / Marco Capovilla

    У чыстых водах Венецыі з'явіліся касякі рыбак.

  • Пума на вуліцы горада Санц'яга ў Чылі
    © AFP 2020 / Andres Pina / ATON CHILE

    А ў апусцелы горад Санц'яга ў Чылі ўбегла пума. Яна спусцілася з бліжэйшых гор у пошуках ежы.

  • Адзінокі паўлін у Дубаі
    © AFP 2020 / KARIM SAHIB

    Адзінокі паўлін быў заўважаны на вуліцы ля крамаў, закрытых падчас пандэміі каронавіруса COVID-19, у Дубаі.

  • Мядзведзь каля жылога дома ў Каліфорніі
    © AP / KTTV FOX 11

    Вялізнага мядзведзя каля жылога дома раніцай у Каліфорніі заўважылі паліцэйскія.

  • Дзікі алень блукае па пустой вуліцы ў партовым горадзе Трынкамалі ў Шры-Ланцы
    © AFP 2020 / STR

    Людзі, вы дзе? Дзікі алень, якога раней падкормлівалі мясцовыя, блукае па пустой вуліцы ў партовым горадзе Трынкамалі ў Шры-Ланцы.

  • Пешаходы і алені на вуліцы горада Нара
    © AP / Jae C. Hong

    На вуліцах без транспарту і цягнікоў у японскім горадзе Нара алені папросту далучыліся да пешаходаў.

  • Алень пераходзіць дарогу ў горадзе Нара
    © AP / Jae C. Hong

    Гэта не пастаноўка на Эбі-Роўд. Больш за тысячу аленяў вольна адчуваюць сябе ў старажытнай сталіцы Японіі без турыстаў.

  • Казлы на адной з вуліц горада Лландідна ва Уэльсе, Вялікабрытанія
    © AP / PA / Pete Byrne

    Апусцелы з-за каронавіруса горад горада Лландідна ва Уэльсе захапілі дзікія казлы.

  • Казлы на адной з вуліц горада Лландідна ва Уэльсе, Вялікабрытанія
    © AP / PA / Pete Byrne

    Трохі разгубіліся на перакрыжаванні.

  • Казлы на адной з вуліц горада Лландідна ва Уэльсе, Вялікабрытанія
    © REUTERS / Carl Recine

    І пайшлі на тэрыторыю царквы, дзе трава зелянейшая.

  • Казёл побач з таблічкай зарэзервавана на адной з вуліц горада Лландідна ва Уэльсе, Вялікабрытанія
    © REUTERS / Carl Recine

    Месца было зарэзервавана прападобныс Эндру, але нажаль, казёл чытаць не ўмее.

  • Качкі шпацыруюць каля парыжскага тэатра Камеды Франсэз у Пале-Раяль
    © AFP 2020 / HASSAN AYADI

    Качкі шпацыруюць каля парыжскага тэатра Камеды Франсэз у Пале-Раяль, што само па сабе смешна.

  • Малпа перасякае дарогу каля Прэзідэнцкага палаца ў Нью-Дэлі, Індыя
    © REUTERS / Anushree Fadnavis

    Малпа перасякае дарогу каля Прэзідэнцкага палаца ў Нью-Дэлі, Індыя.

  • Нашэсце дзікіх малпаў назіралі жыхары Лопбуры, Тайланд. Яны сабраліся перад старажытным кхмерскім храмам Пранг Сам Ёт
    © REUTERS / SOE ZEYA TUN

    Нашэсце дзікіх малпаў назіралі жыхары Лопбуры, Тайланд. Яны сабраліся перад старажытным кхмерскім храмам Пранг Сам Ёт.

  • Малпы каля машыны ў Лопбуры, Тайланд
    © REUTERS / Soe Zeya Tun

    Малпы каля машыны ў Лопбуры, Тайланд, паводзяць сябе так, як быццам побач няма ні машын, ні людзей.

  • Нашэсце малпаў назіралі жыхары Лопбуры, Тайланд
    © REUTERS / SOE ZEYA TUN

    Наогул, макакі збіраюцца тут і калі поўна турыстаў, у якіх яны крадуць ежу. Але цяпер, галодныя, яны сталі яшчэ больш агрэсіўнымі.

  • Сотні птушак на перуанскім пляжы Агуа-Дульсе ў Ліме
    © AP / Martin Mejia

    Сотні птушак на перуанскім пляжы Агуа-Дульсе ў Ліме, які звычайна запоўнены адпачывальнікамі.

  • Вавёрка на пустой вуліцы ў Мехіка спакойна пераходзіць дарогу
    © AFP 2020 / PEDRO PARDO

    Вавёрка на пустой вуліцы ў Мехіка спакойна пераходзіць дарогу.

  • Бяздомны сабака сядзіць на пустой вуліцы каля закрытага кафэ ў Прышціне
    © AFP 2020 / ARMEND NIMANI

    Мы ў адказе за тых, каго прыручылі. Бяздомны сабака сядзіць на пустой вуліцы каля закрытага кафэ ў Прышціне падчас каменданцкай гадзіны, прызначанай урадам Косава з 5-й вечара да 5-й раніцы, у рамках прафілактычных мер супраць распаўсюджвання COVID-19.

  • Пацук на пустой вуліцы ў Новым Арлеане
    © AP / Gerald Herbert

    Пацук на Бурбон-стрыт у Новым Арлеане, звычайна тут поўна турыстаў і гулякаў. Гарадскім службам даводзіцца размяшчаць пасткі для грызуноў, якія ў пошуках ежы выйшлі са сваіх хованак на вуліцы.

  • Мужчына ў масцы ідзе сярод галубоў у цэнтры Мілана, Італія
    © REUTERS / Anushree Fadnavis

    Мужчына ў масцы ў цэнтры Мілана. Згаладалыя галубы літаральна пераследуюць рэдкіх пешаходаў у гарадах, закрытых на каранцін.

  • У Балівіі жыхарам сталіцы дазваляецца выходзіць на вуліцу толькі па пакупкі
    © AP / Juan Karita

    Дзяўчына ў Ла-Пасе кінула птушкам рыс і спяшаецца хутчэй адысці ад галоднай зграі. У Балівіі жыхарам сталіцы дазваляецца выходзіць на вуліцу толькі па пакупкі.

  • Краснохвостый ястраб балюе ў Цэнтральным парку Манхэтэна, у апусцелым і маўклівым падчас каранціну Нью-Ёрку.
    © REUTERS / MIKE SEGAR

    Краснохвостый ястраб балюе ў Цэнтральным парку Манхэтэна, у апусцелым і маўклівым падчас каранціну Нью-Ёрку.

Тэги:
Жывёлы, каронавірус
Тэмы:
Успышка каронавіруса з Уханя