Продаж некаторых лекаў забароняць у Беларусі з 1 сакавіка

Продаж некаторых лекаў забароняць у Беларусі з 1 сакавіка

26
(абноўлена 08:43 26.02.2020)
Пад дзеянне забароны трапляюць прэпараты, прызначаныя для правядзення экстракарпаральнага апладнення.

МІНСК, 26 лют - Sputnik. Некаторыя лекавыя прэпараты будзе забаронена прадаваць на тэрыторыі Рэспублікі Беларусь з 1 сакавіка, паведамілі ў Міністэрстве антыманапольнага рэгулявання і гандлю краіны.

Гэта звязана з забаронай на рэалізацыю медпрэпаратаў, гранічныя адпускныя цэны вытворцаў на якія не зарэгістраваныя. Пад дзеянне забароны трапляюць прэпараты, прызначаныя для правядзення экстракарпаральнага апладнення (міжнародныя непатэнтаваныя найменні - менатрапін (чалавечы менапаузальны ганадатрапін), фолітрапін-альфа, фолітрапин-бэта, цэтрарэлікс), а таксама лекавыя сродкі, уключаныя ў пералік асноўных лекавых сродкаў, якія адносяцца да тэрапеўтычнай падгрупы анатама-тэрапеўтычна-хімічнай класіфікацыйнай сістэмы лекавых сродкаў C01 - C10.

Гэта норма прадугледжана ўказам прэзідэнта Беларусі ад 22 жніўня 2018 года №345, якім было вызначана, што ў Беларусі неабходна ў абавязковым парадку рэгістраваць гранічныя адпускныя цэны вытворцаў на некаторыя лекавыя прэпараты.

Дзеянне гэтага дакумента распаўсюджваецца на 41 міжнароднае непатэнтаванае найменне медпрэпаратаў, сярод іх вылучаецца некалькі катэгорый, для кожнай прадугледжаны тэрміны забароны, калі вытворцы не зарэгіструюць гранічныя адпускныя цэны на іх. Як нагадалі ў міністэрстве, для лекавых сродкаў, якія адносяцца да тэрапеўтычнай падгрупы анатама-тэрапеўтычна-хімічнай класіфікацыйнай сістэмы лекавых сродкаў A02 - B01, такі тэрмін настане 1 мая 2020 года.

26
Тэги:
Беларусь, Лекі
У аптэках без праблем можна набыць марлевыя маскі, дэзінфікуючыя вадкасці і аксалінавую мазь

МАРГ абмежаваў надбаўкі на маскі і антысептыкі

4
(абноўлена 09:52 07.04.2020)
Пастанова Міністэрства антыманапольнага рэгулявання і гандлю ўступае ў сілу ўжо сёння і будзе дзейнічаць 90 дзён.

МІНСК, 7 кра - Sputnik. Міністэрства антыманапольнага рэгулявання і гандлю (МАРГ) ўвяло абмежаванні на надбаўкі на маскі і дэзінфікуючыя сродкі, адпаведная пастанова апублікавана ў аўторак.

Аб пашырэнні пераліку тавараў, кошты на якiя рэгулююцца МАРГ, стала вядома напярэдадні: на фоне павышанага попыту і нядобрасумленных паводзін некаторых прадаўцоў у спіс трапілі маскі і антысептыкі.

Згодна з пастановай МАРГ, апублікаванай сёння, гранічны нарматыў рэнтабельнасці, які выкарыстоўваецца для вызначэння прыбытку і які падлягае ўключэнню ў адпускныя цэны, усталяваны ў памеры 10%.

Устаноўлена і максімальная надбаўка імпарцёра на маскі і дэзінфікуючыя сродкі - 10%. Гранічная гандлёвая надбаўка з улікам аптовай надбаўкі да адпускной цане - 15%.

Пастанова ўступіла ў сілу пасля апублікавання і будзе дзейнічаць на працягу 90 дзён.

Нагадаем, на фоне распаўсюджвання каронавіруса і рэзкага росту попыту на маскі і антысептыкі некаторыя прадаўцы прыкметна завысілі кошты на такія тавары.

4
Тэги:
Міністэрства антыманапольнага рэгулявання і гандлю Беларусі (МАРГ), каронавірус
Ахоўныя маскі

У Купалаўскім тэатры будуць шыць ахоўныя маскі

1
(абноўлена 09:43 07.04.2020)
Ахоўныя маскі для твару купалаўцы перададуць на патрэбы 10-й гарадской клінічнай бальніцы Мінска.

МІНСК, 7 кра - Sputnik. Пашывачны цэх Купалаўскага тэатра вырабіў 500 ахоўных масак для твару, паведамілі Sputnik у прэс-службе тэатра.

Дадзены праект атрымаў назву "Нетэатральная маска". У бліжэйшы час плануецца вырабіць яшчэ большую колькасць масак і перадаць іх на патрэбы 10-й гарадской клінічнай бальніцы Мінска.

Выраб масак арганізаваны за кошт па-за бюджэтных сродкаў тэатра і пры спонсарскай падтрымцы партнёраў тэатра. Усе жадаючыя – юрыдычныя асобы, гледачы і проста аматары тэатральнага мастацтва – могуць падтрымаць рэалізацыю гэтай ідэі пра ахвяраванні.

У прэс-службе распавялі, што падмурак для праекта стаў вопыт калег з іншых краін – Тэатра імя Наталлі Сац і Дзяржаўнага акадэмічнага тэатра танца з Казахстана, тэатра імя Юліюша Астэрвы з Польшчы, Опернага тэатра ў Бургасе з Балгарыі і іншых.

Чытайце таксама:

1
Тэги:
Купалаўскі тэатр, каронавірус
Тэмы:
Купалаўскі тэатр: гісторыя і сучаснасць
Прафесар Маскоўскай духоўнай акадэміі Аляксей Осіпаў

Багаслоў Осіпаў растлумачыў, што рабіць вернікам з наведваннем храмаў

0
(абноўлена 11:59 07.04.2020)
Многія з настаўнікаў Царквы жылі ў пустынях і пустэльніцтве, што не перашкодзіла ім стаць святымі - меркаванне ганаровага прафесара Маскоўскай духоўнай акадэміі Аляксея Осіпава.
Богослов Осипов разъяснил, что делать верующим с посещением храмов

Набліжаецца Страсны тыдзень Вялікага посту, за якім рушыць услед Вялікдзень. Для хрысціян гэта безумоўная падстава наведаць храм, што ў дадзеным становішчы эпідэміі каронавіруса вельмі непажадана. Як быць у такой няпростай сітуацыі, тлумачыць вядомы расійскі багаслоў, ганаровы прафесар Маскоўскай духоўнай акадэміі Аляксей Осіпаў.

"Некаторыя кажуць, што не хадзіць у храм, значыць адрачыся ад веры. У такім выпадку ўсе нашы пустэльнікі, усе вялікія прападобныя Сысоі, Антоніі і Макарыі - адступнікі? Там, у пустынях, якія храмы былі?! З Вялікім постам усе манахі сыходзілі ў пустыні. Таму справа не ў храме, а ў тым, каб мы хоць трошкі пачалі маліцца і рабіць добрыя справы. Пабудзьце дома, памаліцеся", - раіць прафесар.

Каментар вядомага расійскага багаслова Аляксея Осіпава слухайце ў аўдыёзапісы на радыё Sputnik Беларусь.

Чытайце таксама:

0
Тэги:
Страсны тыдзень, Вялікдзень
Тэмы:
Сустракаем Вялікдзень