Экс-міністр абароны СССР Дзмітрый Язаў

Лукашэнка выказаў спачуванні з нагоды смерці маршала Язава

10
(абноўлена 16:37 26.02.2020)
Апошні маршал Савецкага Саюза Дзмітрый Язаў памёр у аўторак 25 лютага ў Маскве на 96-м годзе жыцця.

МІНСК, 26 лют - Sputnik. Прэзідэнт Беларусі Аляксандр Лукашэнка выказаў спачуванні родным і блізкім апошняга маршала Савецкага Саюза Дзмітрыя Язава, паведамілі ў прэс-службе кіраўніка дзяржавы.

Прэзідэнт адзначыў, што Дзмітрый Язаў быў сапраўды гераічнай і легендарнай асобай, а яго баявы, прафесійны і жыццёвы шлях з'яўляецца яркім прыкладам чалавечай годнасці, цвёрдасці волі і стойкасці характару.

"Самаахвярна адданы абавязку і Радзіме, Дзмітрый Цімафеевіч з гонарам вытрымаў суровыя выпрабаванні Вялікай Айчыннай вайны. Як праўдзівы прадстаўнік пакалення пераможцаў усе свае сілы ён аддаваў выхаванню маладых патрыётаў, з хваляваннем ставіўся да вялікага подзвігу савецкага народа", - падкрэсліў Лукашэнка.

Беларускі лідар выказаў перакананасць у тым, што светлая памяць пра Дзмітрыя Язава назаўсёды захаваецца ў сэрцах беларусаў.

Апошні маршал СССР

Маршал Савецкага Саюза Дзмітрый Язаў памёр 25 лютага ў Маскве. Ён пайшоў з жыцця ў 95 гадоў, а да гэтага доўга і сур'ёзна хварэў.

Ваенная кар'ера Дзмітрыя Язава пачалася ў 1941-м, калі ён, не скончыўшы школу, пайшоў добраахвотнікам у войска, прыпісаўшы сабе адзін год. Службе ў войску ён аддаў 53 гады і стаў апошнім, каму было прысвоена званне Маршала Савецкага Саюза. Язаў таксама стаў апошнім міністрам абароны СССР.

Апошнія ўзнагароды Язаў атрымаў зусім нядаўна. Так, 4 лютага бягучага года кіраўнік Мінабароны РФ Сяргей Шайгу ўручыў маршалу ордэн "За заслугі перад Айчынай" III ступені і юбілейны медаль, прысвечаны 75-годдзю Перамогі.

10
Тэги:
Аляксандр Лукашэнка, спачуванні, Смерць публічных людзей, Расія
Прэзідэнт Расіі Уладзімір Пуцін

Пуцін выказаў надзею, што Расія не вернецца да абмежаванняў з-за COVID-19

4
(абноўлена 16:27 24.09.2020)
Пры гэтым прэзідэнт Расіі заклікаў кіраўнікоў рэгіёнаў больш адказна падыходзіць да эпідэміялагічнай сітуацыі ў краіне.

МАСКВА, 24 вер - Sputnik. Расслабляцца у сітуацыі з каронавірусам нельга, вяртацца да абмежавальных мер у Расіі вельмі б не хацелася, заявіў прэзідэнт краіны Уладзімір Пуцін у чацвер падчас відэаканферэнцыі з кіраўнікамі суб'ектаў РФ.

Каб прадухіліць распаўсюджванне каронавіруснай інфекцыі, Расія з 27 сакавіка прыпыніла міжнародныя авіязносіны. Толькі ў мінулую нядзелю ўрад РФ апублікаваў распараджэнне па зняцці абмежаванняў на ўезд для грамадзян Беларусі. У сувязі з гэтым расійскія і беларускія авіякампаніі заявілі аб аднаўленні рэйсаў паміж краінамі. Падчас анлайн-перамоваў з кіраўнікамі рэгіёнаў расійскі прэзідэнт у чарговы раз закрануў важнасць кантраляваць сітуацыю з каронавірусам, каб пасля не ўводзіць падобныя абмежаванні.

"Варта толькі расслабіцца - і сітуацыя можа памяняцца. Не хацелася б вельмі, вельмі б не хацелася зноў вяртацца да тых абмежавальных мер, якія мы ўводзілі вясной гэтага года", - сказаў Пуцін.

Ён нагадаў кіраўнікам рэгіёнаў, што яны надзелены асаблівымі паўнамоцтвамі і адказнасцю па забеспячэнні эпідэміялагічнай бяспекі, па абароне жыцця і здароўя людзей.

"У нас цяпер надыходзіць восеньская пара, калі і праблема грыпу, ВРВІ, так званых бытавых інфекцый, займае вельмі сур'ёзнае месца ў нашай працы. Трэба забяспечыць бяспеку людзей. Далёка не завершаная праца, звязаная з барацьбой з кавідам, з эпідэміяй. Таму нам ні у якiм разе нельга дапусціць, каб адна праблема наклалася на іншую", - сказаў Пуцін.

Прэзідэнт даручыў распрацаваць зыходзячы з сітуацыі ў кожным канкрэтным рэгіёне праграму комплексных мер па зберажэнню людзей старэйшага пакалення і тых, хто ўваходзіць групу рызыкі захворвання COVID-19 у сілу розных абставінаў, у тым ліку і хранічных захворванняў.

Пуцін заклікаў мясцовыя ўлады працаваць з насельніцтвам ненадакучліва, тлумачыць складанасць сённяшняй сітуацыі, звяртацца да людзей з просьбай выконваць пэўныя правілы, у тым ліку і масачны рэжым.

"Вядома, гэта не заўсёды камфортна для людзей. Але хварэць горш, таму гэтую працу трэба праводзіць, паслядоўна сістэмна. Акуратна, але ў вышэйшай ступені прафесійна", - удакладніў кіраўнік краіны.

Таксама Пуцін адзначыў неабходнасць аднаўлення нармальнага дзелавога рытму, па падтрымцы галін прамысловасці, АПК, малога, сярэдняга бізнесу, аднаўленню занятасці, даходаў людзей. Ён паведаміў, што з улікам эпідэміі цяпер рыхтуюцца ўдакладненні па пэўных параметрах працы ўладаў, у тым ліку на маючым адбыцца пасяджэнні прэзідыума Дзяржсавета разам з рэгіёнамі будуць абмяркоўвацца планы па рэалізацыі нацыянальных праектаў.

4
Тэги:
Расія, Уладзімір Пуцін
Медыцынскі работнік бярэ ў пацыенткі аналіз на каронавірус

Плюс 294 заражаных за суткі: Мінздароўя агучыла новую статыстыку па COVID-19

3
(абноўлена 14:30 24.09.2020)
Ад ускладненняў, выкліканых каронавіруснай інфекцыяй, з учорашняга дня ў Беларусі памерлі шэсць пацыентаў.

МІНСК, 24 вер - Sputnik. Колькасць тых, хто захварэў на каронавірус у Беларусі перавысіла 76,6 тысяч чалавек, пра гэта паведамілі ў міністэрстве аховы здароўя рэспублікі.

"Зарэгістраваныя 76 тысяч 651 чалавек з станоўчым тэстам на COVID-19. За ўвесь перыяд распаўсюджвання інфекцыі на тэрыторыі краіны памерлі 802 пацыента з шэрагам хранічных захворванняў, з выяўленай каронавіруснай інфекцыяй", - агучылі лічбы ў ведамстве.

Адпаведна, за мінулыя суткі на каронавірус у рэспубліцы захварэлі 294 чалавекі. Колькасць ахвяр інфекцыі з учорашняга дня вырасла на шэсць чалавек.

Пры гэтым, паводле афіцыйных дадзеных Міністэрства аховы здароўя на 24 верасня, у Беларусі паправіліся і выпісаныя 73 тысячы 733 пацыента, у якіх раней быў пацверджаны дыягназ COVID-19. Гэта значыць, за мінулыя суткі гэта колькасць павялічылася на 169 чалавек.

Усяго з лютага бягучага года беларускія лабараторыі правялі 1 мільён 776 тысяч 271 тэст на каронавірус.

3
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19