Мужчыну замераць тэмпературу

Мінздароўя патлумачыла, калі трэба здаваць аналіз на COVID-19

40
(абноўлена 17:03 03.03.2020)
Пункты плота біяматэрыяла для абследавання арганізаваны на мяжы, у некаторых паліклініках і бальніцах.

МІНСК, 3 сак - Sputnik. Міністэрства аховы здароўя Беларусі расказала аб тым, як і калі трэба праходзіць абследаванне на каронавірусную інфекцыю.

Першы выпадак каронавіруса быў зафіксаваны ў Беларусі ў мінулую пятніцу. Да панядзелка стала вядома аб яшчэ двух выпадках. Шмат хто пачаў задавацца пытаннем: як можна праверыцца на каронавірус?

"У краіне арганізаваны пункты забора біяматэрыяла (мазок) для абследавання пэўнага кантынгенту пацыентаў на каронавірусную інфекцыю: у пунктах пропуску пры перасячэнні Дзяржаўнай мяжы Рэспублікі Беларусь (на базе санітарна-каранцінных пунктаў), у інфекцыйных бальніцах (аддзяленнях), у асобных паліклініках (на базе кабінетаў інфекцыйных захворванняў)", - паведамілі ў прэс-службе Міністэрства аховы здароўя.

Як адзначылі ў прэс-службе ведамства, у пунктах пропуску на мяжы матэрыял забіраюць у асоб, якія (у перыяд да двух тыдняў) прыбылі з эпідэмічна неспрыяльных па каронавірусе краін. Сёння такімі лічацца Кітай, Іран, Італія і Паўднёвая Карэя. Пры вяртанні ў Беларусь прапануецца запоўніць адпаведную анкету - інфармацыя дапаможа арганізаваць медназіранне і неабходныя мерапрыемствы. Потым звесткі перадаюцца ў паліклінікі па месцы знаходжання.

"У пунктах забора біяматэрыяла (мазка) на базе інфекцыйных бальніц, асобных паліклінік і кабінетах інфекцыйных захворванняў праводзіцца абследаванне дадзеных грамадзян. Тут таксама можа быць прапанавана запаўненне падрабязнай анкеты, калі грамадзянін не запаўняў дадзеную анкету на мяжы", - дадалі ў Міністэрстве аховы здароўя.

У ведамстве падкрэслілі: асобы, якія мелі цесны кантакт з хворымі на каронавірус (кантакт першага ўзроўню), павінны быць ізаляваныя, ім праводзяцца лабараторныя абследаванні.

"Кантакты 2-га ўзроўню" (тыя асобы, верагоднасць заражэння якіх вельмі нізкая: кантакт быў не працяглы ці не блізкі) знаходзяцца пад медыцынскім наглядам, іх лабараторнае абследаванне немэтазгодна", - растлумачылі ў міністэрстве.

У выпадку тэмпературы, кашлю і іншых сімптомаў ВРЗ грамадзянам, якія вярнуліся з небяспечных па каронавірусе дзяржаў і кантактам другога ўзроўня трэба выклікаць "хуткую" і паведаміць як пра сімптомы, так і пра наведванне названых краін. Ці ж паведаміць пра тое, што з'яўляецеся кантактам другога ўзроўню.

"З улікам эпідэміялагічнага становішча, усе астатнія грамадзяне праходзяць лабараторныя абследавання на каронавірусную інфекцыю COVID-19 - толькі пры наяўнасці паказанняў і па накіраванні ўрача" - заключылі ў Міністэрстве аховы здароўя.

Спіс устаноў аховы здароўя, дзе можна прайсці абследаванне на каронавірус, даступны на сайце Міністэрства аховы здароўя.

40
Тэги:
Беларусь, каронавірус, Міністэрства аховы здароўя Рэспублікі Беларусь
Тэмы:
Каронавірус COVID-19 (788)
Цягнік і электрычка БЧ. Архіўнае фота

Новы цягнік звяжа Гомель, Магілёў і Віцебск

9
(абноўлена 15:31 23.09.2020)
Цягнік пакуль вырашылі пусціць часова і хадзіць ён будзе толькі два разы на тыдзень: па панядзелках і нядзелях.

МІНСК, 23 вер - Sputnik. Беларуская чыгунка пусціла новы цягнік па маршруце Гомель - Віцебск, паведамляецца на сайце БЧ.

Састаў пусцілі часова: ён будзе хадзіць з 27 верасня па 26 кастрычніка. Яго маршрут пралягае праз тры абласныя цэнтры - Гомель, Магілёў і Віцебск. Таксама прадугледжаны прыпынкі ў Буда-Кашалёве, Жлобіне, Рагачове, Быхаве, Шклове і Оршы.

"Цягнік №697/698 будзе адпраўляцца з Гомеля па нядзелях у 17:16 і прыбываць у Віцебск у 23:26. У адваротным кірунку з Віцебска цягнік адправіцца ўжо пасля паўночы - ў 1:00 панядзелка і у 7:36 прыбудзе на станцыю Гомель", - распавялі падрабязнасці на чыгунцы.

Паведамляецца, што новы цягнік будзе хадзіць па панядзелках і нядзелях. Кошт квітка ў плацкартным вагоне ад Гомеля да Віцебска складзе 10,96 рубля, а ў купэйным - 15,20.

9
Тэги:
Беларуская чыгунка
Жыхары Буэнас-Айрэса ў парку

ААН: спад у сусветнай эканоміцы з-за пандэміі COVID перавысіць 4%

8
(абноўлена 15:25 23.09.2020)
Найбольш адчувальным будзе падзенне аб'ёмаў вытворчасці ў развітых краінах, а вось у эканамічным і сацыяльным планах пацерпяць дзяржавы, што развіваюцца.

МІНСК, 23 вер - Sputnik. Спад у сусветнай эканоміцы ў сувязі з пандэміяй каронавіруса перавысіць 4% у бягучым годзе. Такі прагноз утрымліваецца ў дакладзе Канферэнцыі ААН па гандлі і развіцці (ЮНКТАД).

Аналітыкі прыводзяць у дакладзе і іншыя важнейшыя паказчыкі: унутраная актыўнасць зніжана практычна паўсюдна, гэта не можа не адбівацца на эканоміцы.

"Сусветнs гандаль у бягучым годзе скароціцца прыкладна на адну пятую, прамыя замежныя інвестыцыі - да 40%, а грашовыя пераклады - больш чым на 100 мільярдаў долараў", - перакананыя спецыялісты ЮНКТАД ААН.

На думку экспертаў, найбольш адчувальным будзе падзенне аб'ёмаў вытворчасці ў развітых краінах. А вось у эканамічным і сацыяльным планах пацерпяць краіны, якія развіваюцца з высокім узроўнем "нефармальнай эканомікі", у якіх асноўнымі крыніцамі замежных сродкаў з'яўляюцца сыравінныя рэсурсы і турызм.

ААН прагназуе, што ў такіх краінах 90-120 мільёнаў чалавек сутыкнуцца з крайняй галечай, а каля яшчэ 300 мільёнаў - з праблемай "адсутнасці харчовай бяспекі".

Устойлівае аднаўленне сусветнай эканомікі пасля пандэміі магчыма толькі ў выпадку цеснага ўзаемадзеяння краін, перакананыя эксперты: павінна быць ажыццёўлена мэтанакіраваная бюджэтная экспансія пад кіраўніцтвам дзяржаў з развітой эканомікай.

8
Тэги:
ААН, каронавірус
Тэмы:
Каронавірус COVID-19 (788)
Прэс-сакратар прэзідэнта РФ Дзмітрый Пяскоў

Пяскоў: Пуцін раней ужо павіншаваў Лукашэнку з перамогай на выбарах

6
У Крамлі адзначылі, што прэзідэнт Расіі віншаваў свайго беларускага калегу з перамогай на выбарах і па тэлефоне, і ў ходзе нядаўняга рабочага візіту Лукашэнкі ў Сочы.

МІНСК, 24 вер - Sputnik. Прэзідэнт Расіі Уладзімір Пуцін раней ужо віншаваў прэзідэнта Беларусі Аляксандра Лукашэнку з перамогай на выбарах, таму асобнага віншавання з інаўгурацыяй не было, пра гэта заявіў прэс-сакратар кіраўніка РФ Дзмітрый Пяскоў.

"Віншаванне ўжо было", - цытуе яго РІА "Новости".

Пяскоў нагадаў, што Пуцін віншаваў свайго беларускага калегу з перамогай на выбарах спачатку па тэлефоне, а потым ужо асабіста падчас нядаўняга рабочага візіту Лукашэнкі ў Сочы.

Акрамя таго, 10 жніўня Уладзімир Пуцін накіраваў Аляксандру Лукашэнку віншавальную тэлеграму ў сувязі з яго перамогай на прэзідэнцкіх выбарах. У той жа дзень прэм'ер-міністр Расіі Міхаіл Мішусцін у тэлефоннай размове з кіраўніком урада Беларусі Раманам Галоўчанкам перадаў віншаванні прэзідэнту рэспублікі.

Нагадаем, 23 верасня прэзідэнт Беларусі Аляксандр Лукашэнка ўступіў на пасаду прэзідэнта, цырымонія інаўгурацыі прайшла ў Палацы Незалежнасці. Высокія госці былі запрошаны ў рэзідэнцыю беларускага прэзідэнта ў апошні момант. На цырымоніі прысутнічалі дэпутаты парламента, чыноўнікі, а таксама прадстаўнікі дзяржаўных СМІ і грамадскасці.

6
Тэги:
Уладзімір Пуцін, Дзмітрый Пяскоў, інаўгурацыя, Беларусь, Аляксандр Лукашэнка