МЗС распавёў аб працы па вяртанні дадому беларускіх грамадзян

© Sputnik / Илья Питалев / Перайсці ў медыябанкПасажыры ў аэрапорце "Дамадзедава", архіўнае фота
Пасажыры ў аэрапорце Дамадзедава, архіўнае фота - Sputnik Беларусь
Падпісацца
У знешнепалітычным ведамстве адзначылі, што пры магчымасці не адмаўляюць у дапамозе людзям з іншых краін.

МІНСК, 23 сак - Sputnik. Некалькім тысячам грамадзян Беларусі ў бліжэйшы час можа спатрэбіцца дапамога ў вяртанні на радзіму, пра гэта заявілі ў беларускім МЗС.

Паводле дадзеных замежнапалітычнага ведамства, сумесна з зацікаўленымі дзяржорганамі і "Белавія" ўжо была аказана дапамога больш чым 3400 нашым суайчыннікам.

Эвакуацыя грамадзян

У ведамстве адзначылі, што большасць вострых пытанняў удалося вырашыць. Адпраўка беларускіх турыстаў з Егіпта наладжана, таксама вяртаюцца грамадзяне з Чарнагорыі. Прапрацоўваецца і эвакуацыя з Марока.

Кітайскія ўрачы - Sputnik Беларусь
Выпрабаванні вакцыны супраць каронавіруса на людзях пачаліся ў Кітаі

Канструктыўна вырашаюцца сітуацыі па такім краінам, як Літва, Польшча і Украіна.

У МЗС адзначылі, што праблемнай застаецца сітуацыя па Індыі, у прыватнасці, з беларусамі, якія знаходзяцца на Гоа, якія былі дастаўлены туды расійскімі авіяперавозчыкамі.

"Для вырашэння пытання быў праведзены шэраг рабочых мерапрыемстваў на ўзроўні вышэйшага кіраўніцтва міністэрства транспарту, а таксама па лініі Федэральнага агенцтва паветранага транспарту Расіі", - гаворыцца ў паведамленні.

У цяперашні час разглядаюцца розныя варыянты, у тым ліку вылет дадатковых бартоў. У ведамстве выказалі надзею на тое, што ў самыя бліжэйшыя дні рашэнне пытання будзе знойдзена.

Дамовіліся з Расіяй

Сумесна з расійскім бокам дастаўляюцца беларускія грамадзяне з Тайланда, у транзітную схему вяртання праз Расію ўключаны аэрапорт "Пулкава". Знойдзены дадатковыя варыянты для вяртання дадому беларусаў, якія прыбываюць у аэрапорт "Унукава". У прыватнасці, магчымы іх вылет з аэрапортаў "Дамадзедава" і "Шарамеццева", а таксама наземны выезд.

Хуткая дапамога, прыёмнае аддзяленне тэрапіі - Sputnik Беларусь
СААЗ падтрымлівае дзеянні Мінздароўя Беларусі па раннім выяўленні віруса

"Працуем сумесна з расійскім бокам па канчатковым узгадненні алгарытмаў у мэтах пачатку іх практычнай рэалізацыі", - гаворыцца ў паведамленні.

У МЗС адзначылі, што ўрадам Расіі было прынята новае распараджэнне, якое дае магчымасць вяртацца на радзіму грамадзянам СНД (у тым ліку і Беларусі) "арганізаваным наземным транзітам". Зараз праводзіцца работа па максімальна хуткім вызначэнні механізмаў і схемы рэалізацыі такога транзіту.

Цяперашняя сітуацыя ў свеце ўспрымаецца як агульны выклік, акцэнтавалі ў ведамстве, і пры магчымасці грамадзянам іншых краін у дапамозе таксама не адмаўляюць.

Раней прэзідэнт Беларусі Аляксандр Лукашэнка раскрытыкаваў беларускіх турыстаў, якія паляцелі на адпачынак, не прымаючы да ўвагі складаную сітуацыю ва ўсім свеце, якая склалася з-за пандэміі COVID-19.

Стужка навiн
0