Інфекцыйная бальніца Мінска

Беларусы могуць дапамагчы бальніцам у барацьбе з каронавірусам

26
(абноўлена 08:58 25.03.2020)
Сабраныя грошы размяркуюць паміж бальніц - яны пойдуць на закупку абсталявання, ахоўных сродкаў і лекаў.

МІНСК, 25 сак - Sputnik. Міністэрства аховы здароўя Беларусі адкрыла дабрачынны рахунак для дапамогі медыцынскім установам на фоне распаўсюджвання каронавіруснай інфекцыі COVID-19, паведамілі ў прэс-службе ведамства.

"У Міністэрстве аховы здароўя прынята рашэнне па адкрыцці дабрачыннага рахунку на такія мэты, як - правядзенне санітарна-супрацьэпідэмічных мерапрыемстваў і садзейнічанне дзейнасці ў галіне аховы здароўя насельніцтва ў рамках работы па выяўленні і лячэнні пацыентаў з COVID-19", - паведамілі ў міністэрстве.

Сабраныя грошы будуць размеркаваны паміж бальніцамі ў адпаведнасці з іх патрэбамі. Сродкі пойдуць на куплю абсталявання для лабараторнай дыягностыкі COVID-19, дыягнастычных набораў, ахоўных сродкаў, лекавых прэпаратаў, а таксама на аказанне дапамогі хворым.

Паводле апошніх звестак, у Беларусі выяўлены 81 выпадак заражэння каронавірусам, у тым ліку ўжо выпісаныя або рыхтуюцца да выпіскі 22 пацыента.

26
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Успышка каронавіруса з Уханя (214)
Урач з прабіркай для аналізу на каронавірус

СААЗ перадала Беларусі шэсць тысяч тэстаў на каронавірус

3
(абноўлена 09:07 03.04.2020)
Перададзеныя наборы тэстаў - нямецкай вытворчасці, яны ўжо дастаўлены ў лабараторыю РНПЦ эпідэміялогіі і мікрабіялогіі.

МІНСК, 3 кра - Sputnik. Сусветная арганізацыя аховы здароўя (СААЗ) перадала Беларусі наборы для правядзення шасці тысяч тэстаў на каронавірус, паведамілі ў прадстаўніцтве ААН у рэспубліцы.

Наборы тэстаў для вызначэння наяўнасці COVID-19 выраблены ў Германіі. "Усе тэсты ўжо знаходзяцца ў лабараторыі РНПЦ эпідэміялогіі і мікрабіялогіі", - паведамілі ў ААН.

У арганізацыі нагадалі, што пакуль вакцына ад каронавіруса не знойдзена, найважнейшай мерай барацьбы з ім, разам з захаваннем сацыяльнай дыстанцыі, застаецца тэсціраванне. Гендырэктар СААЗ Тэдрас Адханом Гебрэесус ужо не раз заклікаў улады ўсіх краін свету надаваць больш увагі тэсціраванню людзей. На дадзены момант СААЗ ужо накіравала больш за паўтара мільёнаў набораў для тэстаў у 120 дзяржаў.

3
Тэги:
Беларусь, каронавірус
Тэмы:
Успышка каронавіруса з Уханя (214)
Калідор ў бальніцы, куды могуць выйсці людзі, якія знаходзяцца на каранціне

Міністэрства аховы здароўя: на лячэнні з каронавірусам 254 чалавекі

20
(абноўлена 16:44 02.04.2020)
Пад медыцынскім наглядам як кантакты першага і другога ўзроўню знаходзяцца 9 299 чалавек. З іх 1 943 чалавекі - у бальніцах.

МІНСК, 2 кра - Sputnik. Зараз у бальніцах лячэнне ад каронавіруса праходзяць 254 чалавекі, паведаміла ў чацвер Міністэрства аховы здароўя Беларусі.

У ведамстве адзначылі, што ў большасці з іх стан лёгкай або сярэдняй ступені цяжкасці. На апараце штучнай вентыляцыі лёгкіх знаходзяцца 11 чалавек, іх стан ацэньваецца як стабільны.

Па стане на чацвер з бальніц выпісаны 46 пацыентаў.

Акрамя таго, зарэгістравана 4 выпадкі смерці пацыентаў ва ўзросце, у якіх былі шматлікія хранічныя захворванні, якія, па папярэдніх дадзеных, былі ўскладненыя каронавіруснай інфекцыяй.

Такім чынам, на 2 красавіка ў Беларусі пацверджаныя 304 выпадкі інфікавання COVID-19.

20
Тэги:
Беларусь, каронавірус
Тэмы:
Успышка каронавіруса з Уханя (214)