Каранцін і абследаванне: што чакае ўдзельнікаў Парада Перамогі ў Маскве?

© Sputnik / Алексей Никольский / Перайсці ў медыябанкПарад на Чырвонай плошчы, архіўнае фота
Парад на Чырвонай плошчы, архіўнае фота - Sputnik Беларусь
Падпісацца
Расійскім удзельнікам парада будуць вымяраць тэмпературу, а замежнікі павінны прайсці каранцінныя мерапрыемствы і паглыбленае медабследаванне ў сваіх краінах.

МІНСК, 25 сак - Sputnik. Міністэрства абароны Расіі скарэкціравала падыходы да медыцынскага суправаджэння ўдзельнікаў Парада Перамогі 9 мая на Чырвонай плошчы - у сувязі з нестабільнай эпідэміялагічны сітуацыяй з-за каронавіруса ваеннае ведамства Расіі прыняла шэраг мер па барацьбе з COVID-19, паведамляе РБК.

Ваенны парад на Краснай плошчы ў Маскве - Sputnik Беларусь
Беларускія ваенныя возьмуць удзел у Парадзе Перамогі ў Маскве

У прыватнасці, у месцах пражывання ўдзельнікаў параду былі ўсталяваныя бактэрыцыдныя ўльтрафіялетавыя лямпы і створаны запас сродкаў дэзінфекцыі, медыкаментаў і сродкаў індывідуальнай абароны.

Акрамя таго, увесь асабісты склад, які ўдзельнічае ў парадзе, прайшоў паглыбленае медыцынскае абследаванне і атрымаў допуск да ўдзелу ў рэпетыцыях. Удзельнікаў параду часова размясцілі ў вайсковых частках маскоўскага гарнізона і навучальных устаноў Мінабароны.

Замежныя вайскоўцы, якія пацвердзілі свой удзел у парадзе, пройдуць каранцінныя мерапрыемствы і паглыбленае медыцынскае абследаванне ў сваіх краінах. Пасля прыбыцця ў Расію яны правядуць на каранціне яшчэ два тыдні.

У цэлым, падрыхтоўка асабовага складу, узбраення і ваеннай тэхнікі да параду ў дзень 75-годдзя Перамогі, які адбудзецца 9 мая, праходзіць у планавым парадку.

Раней прэс-сакратар расійскага прэзідэнта Дзмітрый Пяскоў казаў, што ўлады пакуль не плануюць адмяняць парад Перамогі з-за каронавіруса. Праз некалькі дзён мэрыя Масквы ўвяла забарону на правядзенне любых масавых мерапрыемстваў на адкрытым паветры, і ў памяшканні, калі колькасць іх удзельнікаў перавышае 50 чалавек. Гэтыя абмежаванні дзейнічаюць да 10 красавіка.

Стужка навiн
0