Самалёт Белавія ў Нацыянальным аэрапорце Мінск

Мінспорту: усе арганізаваныя турысты вярнуліся ў Беларусь

27
(абноўлена 13:20 06.04.2020)
За мяжой застаюцца яшчэ некаторыя турысты, якія самі арганізоўвалі свае паездкі - над іх вяртаннем дадому працуе МЗС сумесна з іншымі дзяржорганамі.

МІНСК, 6 кра - Sputnik. Усе арганізаваныя беларускія турысты, якія выязджалі за мяжу пры дапамозе турфірм, вярнуліся дадому, паведаміла дырэктар Дэпартамента па турызме Міністэрства спорту і турызму Ірына Варановіч.

"Па дадзеных тураператараў і турагентаў, на сёння беларускіх арганізаваных турыстаў за мяжой няма. Пэўныя праблемы былі пры вяртанні апошніх 6 чалавек - турыстаў з Тайланда, але яны ўчора ўжо вярнуліся ў Мінск", - распавяла Варановіч. Яе словы размешчаны ў Telegram-канале Міністэрства спорту і турызму.

За мяжой застаецца яшчэ вызначаны лік самастойных турыстаў, якія арганізоўвалі свой адпачынак самі без дапамогі турфірмаў. У Мінспорту не змаглі сказаць, аб якой колькасці беларусаў, якія затрымаліся ў іншых краінах, можа ісці гаворка. Тым не менш, там падкрэслілі, што іх лёсам таксама займаюцца. Над іх вяртаннем працуе Міністэрства замежных спраў сумесна з іншымі дзяржаўнымі органамі, адзначылі ў Мінспорту.

Па дадзеных на канец мінулага тыдня, МЗС Беларусі аказаў дапамогу ў вяртанні на радзіму больш за шасці тысячам грамадзян рэспублікі ва ўмовах пандэміі каронавіруса. Беларусы вярнуліся дадому рознымі маршрутамі з Германіі, Інданезіі, Карэі, Перу, Польшчы, ЗША, Уганды, Фінляндыі і іншых краін.

Мінулай ноччу спецрэйсам "Белавія" з Індыі была эвакуяваная чарговая група турыстаў, сярод якой былі грамадзяне Беларусі, Расіі, Украіны і Таджыкістана.

27
Тэги:
каронавірус, Міністэрства спорту і турызму РБ
Тэмы:
Каронавірус COVID-19 (1187)
Паломнікі ў Меке

Не больш за 60 тысяч: Эр-Рыяд дазволіць хадж-2021 толькі прышчэпленым пілігрымам

9
(абноўлена 19:37 12.06.2021)
У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.

МІНСК, 13 чэр – Sputnik. У Саудаўскай Аравіі дазволяць 60 тысячам падданых і рэзідэнтаў краіны, якія зрабілі прышчэпку супраць каронавіруса (COVID-19), здзейсніць у бягучым годзе хадж, дадзенае паведамленне распаўсюдзілі сёння дзяржСМІ каралеўства.

Паведамленняў аб тым, што мусульмане з іншых краін могуць здзейсніць паломніцтва да святых месцаў ісламу, пакуль не было. Звычайна на хадж збіраюцца некалькі мільёнаў мусульман. Беларускія мусульмане раней, да пандэміі каронавіруса, таксама рэгулярна наведвалі Меку.

"У святле таго, што ўвесь свет становіцца сведкам развіцця пандэміі каронавіруса і з'яўлення яго новых мутацый, (...) прынята рашэнне абмежаваць рамкі правядзення рытуалаў хаджа. Агульная колькасць паломнікаў - падданых і рэзідэнтаў краіны любой нацыянальнасці - будзе складаць 60 тысяч", - гаворыцца ў распаўсюджаным паведамленні.

Акрамя гэтага, у хадж змогуць адправіцца толькі асобы ад 18 да 65 гадоў, якія зрабілі прышчэпку ад каронавіруса ў адпаведнасці з патрабаваннямі каралеўства. У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.

Паводле апошніх звестак, у каралеўстве з насельніцтвам 34,2 млн чалавек ад пачатку пандэміі былі зарэгістраваны 463 703 выпадкі COVID-19, 7 537 пацыентаў памерлі ад наступстваў заражэння.

З 2010 года хадж да святынь ісламу здзейснілі не менш за 150 мільёнаў чалавек. У 2020 годзе з-за пандэміі паломніцтва ў Меку ўпершыню ў сучаснай гісторыі было абмежавана, дазволілі толькі тысячы мусульман, і толькі падданым Саудаўскай Аравіі.

Чытайце таксама:

9
Тэги:
Мека, Іслам, хадж, Эр-Рыяд
Тэмы:
Каронавірус COVID-19 (1187)
Тэст-сістэмы для дыягностыкі каронавіруса

Мінздароўя павялічыла колькасць лабараторый, якія могуць рабіць платныя ПЦР-тэсты

15
(абноўлена 18:51 12.06.2021)
Больш за ўсё такіх лабараторый у Мінску і Мінскай вобласці - больш за 20, а ўсяго па краіне іх звыш 50.

МІНСК, 13 чэр – Sputnik. Міністэрства аховы здароўя Беларусі абнавіла пералік арганізацый, якія маюць права на правядзенне платных ПЦР-тэстаў для выезду за мяжу, паведамляе Sputnik. У цяперашні час спіс даступны на сайце ведамства.

"Павялічаны пералік лабараторый, якія маюць права правядзення лабараторных ПЦР-даследаванняў на наяўнасць SARS-CoV-2 для ўключэння ў інфармацыйную сістэму "Падарожнічаю без COVID-19", - паведаміла прэс-служба медыцынскага ведамства.

Разам з тым там папярэдзілі, што не ўсе лабараторыі падключаны да мабільнага дадатку "Падарожнічаю без COVID-19". І на дадзеную акалічнасць павінны звяртаць увагу тыя, хто едзе ў Расію.

У Міністэрстве аховы здароўя таксама нагадалі, што з 15 красавіка 2021 года ўступіла ў сілу пастанова галоўнага дзяржаўнага санітарнага ўрача Расійскай Федэрацыі №12. У адпаведнасці з гэтым дакументам грамадзяне дзяржаў-членаў Еўразійскага эканамічнага саюза, якія ўязджаюць у Расію з Рэспублікі Арменія, Рэспублікі Беларусь і Кіргізскай Рэспублікі, павінны ў абавязковым парадку пацвердзіць наяўнасць адмоўнага выніку даследавання на COVID-19 метадам ПЦР з выкарыстаннем мабільнага прыкладання "Падарожнічаю без COVID-19".

Чытайце таксама:

15
Тэги:
краіна, Мінская вобласць, Мінск, ПЦР-тэст, лабараторыя
Тэмы:
Каронавірус COVID-19 (1187)