Навучэнцы адной са школ ў ахоўных павязках, архіўнае фота

Рыхтуемся да ЦТ: што змянілася ў праграме па беларускай мове і літаратуры

41
(абноўлена 10:26 16.04.2020)
З-за падаўжэння канікул трэцяя чвэрць значна скарацілася: Sputnik разабраўся, якія тэмы выпускнікам прыйдзецца асвойваць у сціснутыя тэрміны.

Вясновыя канікулы ў беларускіх школьнікаў зацягнуліся на два тыдні, але навучальны год скончыцца ў тэрмін, таксама было прынята рашэнне не пераносіць Цэнтралізаванае тэсціраванне. Каб вучні паспелі прайсці ўсе тэмы, Нацыянальны інстытут адукацыі апублікаваў метадычныя рэкамендацыі для настаўнікаў па навучальным працэсе ў апошняй чвэрці.

Для тых, хто вывучае беларускую мову на базавым узроўні, прадугледжана скарачэнне гадзін на вывучэнне наступных тэм:

  • "Сінтаксічныя прыметы сказаў з рознымі відамі сувязі частак; ужыванне, знакі прыпынку";
  • "Канструкцыі з чужой мовай, ужыванне, знакі прыпынку".

Па беларускай літаратуры вывучэнне тэмы "Паэзія" і "Драматургія" зойме 3 і 2 гадзіны (замест 4 і 3 адпаведна), а тэме "Проза" адводзіцца толькі 4 гадзіны замест 6-ці.

Адзінаццацікласнікі, якія вывучаюць беларускую мову і літаратуру на павышаным узроўні, сутыкнуцца з наступнымі зменамі:

Колькасць гадзін на тэму "Канструкцыі з чужой мовай. Сінтаксічныя нормы: ужыванне канструкцый з чужой мовай у тэкстах розных тыпаў, стыляў і жанраў. Пунктуацыйныя нормы: знакі прыпынку ў канструкцыях з чужой мовай" скарачаецца ў два разы (3 замест 6-ці гадзін), а таксама выключаецца тэма "Навучальны дыктант".

На вывучэнне тэм "Паэзія", "Проза" і "Драматургія" адводзіцца на дзве гадзіны менш, чым гэта прадугледжана вучэбным планам.

Пры гэтым у рэкамендацыях Нацыянальнага інстытута адукацыі адзначаецца, што тэарэтычны матэрыял (правілы) вучні павінны засвойваць ў поўным аб'ёме, а пры пры падборы практычнага матэрыялу для фарміравання моўных, маўленчых і камунікатыўных уменняў настаўнікам рэкамендуецца скараціць аб'ём практыкаванняў рэпрадуктыўнага характару, а асобныя практыкаванні прапанаваць вучням у вуснай форме.

Што тычыцца рэкамендацый па літаратуры, правядзенне заняткаў магчыма ў форме чытацкай канферэнцыі, літаратурнай гасцёўні і да т.п.

41
Тэги:
школа, Беларусь
Тэмы:
Абітурыент - 2020 (33)
Супрацоўніца навукова-даследчай лабараторыі рыхтуе прэпарат

Клінічныя выпрабаванні расійскай вакцыны ад СOVID-19 завершаць да канца ліпеня

0
(абноўлена 09:17 02.06.2020)
У выпрабаваннях вакцыны будуць прымаць удзел 50 вайскоўцаў-добраахвотнікаў, у тым ліку пяць жанчын.

МІНСК, 2 чэр - Sputnik. У Расіі пачынаюцца клінічныя выпрабаванні вакцыны супраць COVID-19 з удзелам вайскоўцаў-добраахвотнікаў, паведамілі ў аўторак у Міністэрстве абароны Расіі.

"У Мінабароны Расіі завершаны адбор добраахвотнікаў для правядзення клінічных выпрабаванняў унікальнай айчыннай вакцыны ад новай каронавіруснай інфекцыі CoViD-19. Для праверкі бяспекі і эфектыўнасці вакцыны адабрана 50 вайскоўцаў, у тым ліку пяць жанчын", - гаворыцца ў паведамленні ведамства, якое цытуюць расійскія інфармагенцтвы.

У мінабароны падкрэслілі, што ўсе ўдзельнікі выпрабаванняў добраахвотна выказалі жаданне прыняць удзел у апрабацыі сучаснага прэпарата.

Выпрабаванні будуць праходзіць на базе 48 Цэнтральнага навукова-даследчага інстытута Мінабароны РФ. Расійскія вайскоўцы з ЦНДІ прымалі ўдзел і ў распрацоўцы вакцыны. Раней тут даследаваліся вакцыны ад ліхаманкі Эбола і блізкаўсходняга рэспіраторнага сіндрому.

У расійскім Мінабароны расказалі, што 3 чэрвеня адбудзецца заезд першай групы вайскоўцаў-добраахвотнікаў. Яны павінны будуць прайсці паглыбленае медыцынскае абследаванне і падрыхтоўку да правядзення эксперыменту.

Мяркуецца, што спецыялісты завяршаюць даклінічныя даследаванні ўзору вакцыны ад COVID-19, клінічныя даследаванні плануецца завяршыць да канца ліпеня.

Раней у расійскім міністэрстве прамысловасці заяўлялі, што ў чэрвені пачнуцца клінічныя даследаванні дзвюх першых расійскіх вакцын ад COVID-19. Прадстаўнікі расійскага цэнтра "Вектар" у траўні казалі, што разлічваюць зарэгістраваць сваю вакцыну ад каронавіруса ўжо ў верасні.

0
Тэги:
Вакцынацыя, каронавірус, Расія
Тэмы:
Каронавірус COVID-19
Бальнічны ліст

Мінздароўя растлумачыла, які бальнічны даюць пацыентам з лёгкай формай COVID-19

3
(абноўлена 09:11 02.06.2020)
Паводле даследаванняў, жыццяздольны вірус, якім могуць заразіцца людзі, што акружаюць пацыента, можа праяўляцца максімум праз 12 дзён з моманту з'яўлення першых клінічных сімптомаў.

МІНСК, 2 чэр - Sputnik. Пры лёгкай форме каронавіруса пацыенту могуць закрыць бальнічны ўжо праз 14 дзён пасля з'яўлення клінічных сімптомаў, такія дадзеныя ўтрымліваюцца ў каментарах да загада міністэрства аховы здароўя ад 21 мая №557 па ўдасканаленні мер, што прымаюцца па сучаснай дыягностыцы і лячэнні пацыентаў з COVID-19.

Паводле даследаванняў, жыццяздольны вірус, якім можна заразіцца, вылучаюць у пацыентаў максімум праз 12 дзён з моманту з'яўлення першых клінічных сімптомаў. Адпаведна пры бессімптомных і лёгкіх формах каронавіруса наяўнасць РНК-віруса не сведчыць аб здольнасці інфікаванага заражаць іншых.

"У літаратуры не апісана выпадкаў інфікавання пацыентаў праз 21 дзень ад моманту дыягнаставання працэсу з'яўлення клінікі пры лёгкіх формах захворвання, а таксама тое, што насіцельства не сведчыць аб здольнасці заражаць. Пры гэтым абломкі віруса ў клетцы могуць утрымлівацца яшчэ досыць доўга, але жыццяздольны вірус, здольны заражаць іншых яны не вылучаюць", - адзначылі ў міністэрстве аховы здароўя.

З улікам гэтых абставінаў беларускія эксперты прынялі рашэнне, што не трэба лішні раз падвяргаць пацыентаў не зусім прыемнай працэдуры ўзяцця мазка, які не мае клінічнага значэння.

"Такім чынам, пацыентам з лёгкай і бессімптомнай формай COVID-19 тэсціраванне праводзіцца на 14-е суткі і пры адмоўным выніку пацыент будзе выпісаны. Калі ж у пацыента станоўчы вынік тэсціравання, то зачыняць бальнічны ліст будуць на 21-ы дзень", - растлумачылі у ведамстве.

Па дадзеных на панядзелак, у Беларусі выяўлена 43 403 выпадкі каронавіруса. Паправіліся і выпісаныя ўжо 18 776 пацыентаў, памерлі 240 чалавек з шэрагам хранічных захворванняў з выяўленай каронавіруснай інфекцыяй. Усяго ў краіне з лютага правялі 553 377 тэстаў на COVID-19.

3
Тэги:
каронавірус, Беларусь, Міністэрства аховы здароўя Рэспублікі Беларусь
Тэмы:
Каронавірус COVID-19