Школьнікі на перапынку, архіўнае фота

У панядзелак у школах пачынаецца вучоба - Мінадукацыі

127
(абноўлена 17:23 17.04.2020)
Раней у пятніцу прэзідэнт Беларусі падчас паездкі ў Гродзенскую вобласць выказаў меркаванне, што паступова трэба пачынаць навучальны працэс у школах.

МІНСК, 17 кра - Sputnik. Падаўжэння школьных канікул больш не будзе, з 20 красавіка ў школах пачынаюцца заняткі. Чацвёртая чвэрць будзе доўжыцца да 30 мая, паведамляецца ў Telegram-канале міністэрства адукацыі.

Раней у пятніцу прэзідэнт Беларусі Аляксандр Лукашэнка ў час паездкі ў Гродзенскую вобласць выказаў меркаванне, што навучальны працэс у школах трэба паступова пачынаць. Лукашэнка, у прыватнасці, лічыць, што ў сельскай мясцовасці менш боязі ў сувязі з каронавірусам, таму там больш падстаў вярнуць дзяцей за парты. На яго думку, там, дзе можна пачынаць заняткі ў школах, яны павінны аднавіцца.

Інфармацыю пра тое, што школьнікі пачнуць да заняткаў з 20 красавіка, журналістам пацвердзіў і міністр адукацыі Ігар Карпенка.

"З панядзелка пачнецца адукацыйны працэс у сістэме агульнай сярэдняй адукацыі", - цытуе Карпенка агенцтва БелТА.

Чацвёртая чвэрць будзе доўжыцца да 30 мая.

Нагадаем, вясновыя канікулы ў школьнікаў былі запланаваны з 30 сакавіка па 5 красавіка. Але пасля іх двойчы падаўжалі - абодва разы на тыдзень. Цяпер чацвёртая чвэрць будзе працягвацца шэсць замест звычайных васьмі тыдняў.

127
Тэги:
Беларусь, Міністэрства адукацыі РБ
Абмежаванні з-за СOVID-19 могуць адмяніць у Маскве перад парадам Перамогі

Абмежаванні з-за СOVID-19 могуць адмяніць у Маскве перад парадам Перамогі

9
(абноўлена 17:00 31.05.2020)
Такое меркаванне выказаў прэс-сакратар прэзідэнта РФ Дзмітрый Пяскоў. Парад Перамогі пройдзе ў Маскве 24 чэрвеня.

МІНСК, 31 мая - Sputnik. Прэс-сакратар расійскага прэзідэнта Дзмітрый Пяскоў выказаў надзею, што да парада Перамогі ў Маскве будуць цалкам адменены абмежаванні, уведзеныя з-за пандэміі каронавіруса СOVID-19.

"Безумоўна, будуць прэзідэнт і госці на трыбуне. Безумоўна, будуць замежныя кіраўнікі дзяржаў. Будзем спадзявацца, што якраз да часу парада ад гэтага рэжыму (абмежаванняў - Sputnik) практычна нічога не застанецца", - сказаў Пяскоў у эфіры тэлеканала "Расія 1" .

У гэтым годзе парад Перамогі не праводзілі ў Расіі 9 мая з-за пагрозы распаўсюджвання каронавіруса. Расійскі прэзідэнт Уладзімір Пуцін падпісаў указ аб правядзенні мерапрыемства 24 чэрвеня. Дата абвешчаная непрацоўным днём.

Пяскоў дадаў, што Пуцін пакуль прадоўжыць праводзіць нарады ў дыстанцыйным рэжыме. Спікер выказаў меркаванне, што прэзідэнт РФ вернецца да публічных мерапрыемстваў "у агляднай будучыні".

9
Колькасць пацверджаных выпадкаў COVID-19 у Беларусі перавысіла 42,5 тысячы

Колькасць пацверджаных выпадкаў COVID-19 у Беларусі перавысіла 42,5 тысячы

14
(абноўлена 16:50 31.05.2020)
Па апошніх звестках ведамства, памерлі 235 чалавек, у якіх пацвердзіўся COVID-19, паправіліся 18 514 пацыентаў.

МІНСК, 31 мая - Sputnik. У Беларусі зарэгістравана 42 556 чалавек са станоўчым тэстам на COVID-19, паведаміў у нядзелю Міністэрства аховы здароўя.

За суткі выяўлена 898 новых выпадкаў заражэння каронавірусам. Паправіліся і выпісаныя 18 514 пацыентаў (550).

"За ўвесь перыяд распаўсюджвання інфекцыі на тэрыторыі краіны памерлі 235 пацыентаў з шэрагам хранічных захворванняў з выяўленай коронавирусной інфекцыяй", - паведамілі ў Міністэрстве аховы здароўя.

14
Тэги:
Беларусь, каронавірус
Тэмы:
Каронавірус COVID-19
Які сёння дзень: 1 чэрвеня

Які сёння дзень: 1 чэрвеня 2020 года

0
(абноўлена 17:08 25.05.2020)
Гэты дзень з'яўляецца сто пяцьдзесят трэцім па грыгарыянскім календары, да канца года засталося 213 дзён.

Сёння святкуецца Міжнародны дзень абароны дзяцей. Якія яшчэ падзеі адбыліся 1 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 1 чэрвеня

  • У 1918 годзе ў Мінску адкрылася кансерваторыя.
  • У 1918 годзе ў Смаленску пачалася 4-я Паўночна-Заходняя абласная канферэнцыя РКП(б), якая ўхвалiла Брэсцкі мірны дагавор.

Хто нарадзіўся 1 чэрвеня

  • 1945 год: Аляксей Кузьміч, беларускі мастак-жывапісец.
  • 1954 год: Алесь Асташонак, беларускі пісьменнік, сцэнарыст, перакладчык.
  • 1954 год: Сяргей Журавель, беларускі акцёр тэатра і кіно.

Таксама сёння нарадзіліся рускі кампазітар Міхаіл Глінка і польскі паэт Ян Твардоўскі.

1 чэрвеня ў народным календары

Сёння праваслаўныя вернікі шануюць памяць вялебнага Іаана і князя Дзмітрыя Данскога.

Святога Іаана ў народзе празвалі Іван Хлебарост. Лічылася, што добрае надвор'е ў гэты дзень забяспечыць добры ўраджай зерня.

У гэты час з'яўляюцца ў лесе першыя ягады і грыбы, у полі пачынае квітнець чырвоны клевер. Сяляне саджалі фасолю, гарбузы.

Калі 1 чэрвеня ідзе дождж, лета будзе сухое. Калі холадна – яшчэ месяц не варта чакаць добрага надвор'я.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей