Прэзідэнт Беларусі Аляксандр Лукашэнка ў Свята-Благавешчанскім Лядзенскім храме

"Не бачу, што мы памыліліся": Лукашэнка выказаўся пра барацьбу з COVID-19

168
(абноўлена 15:22 19.04.2020)
Як растлумачыў прэзідэнт Беларусі, ён зыходзіў з таго, што людзі самі трымаюць сваё жыццё ў сваіх руках.

МІНСК, 19 кра - Sputnik. Прэзідэнт Беларусі Аляксандр Лукашэнка не думае, што ў краіне ў чымсьці памыліліся пры выбары тактыкі барацьбы з каронавірусам, пра гэта ён заявіў у нядзелю ў ходзе наведвання храма ў Смалявіцкім раёне.

Пра беларускую стратэгію

Кіраўнік дзяржавы ўжо неаднаразова выказваўся па тэме каронавіруса. Новыя заявы ён зрабіў у нядзелю, наведваючы храм на Вялікдзень. Так, прэзідэнт выказаўся пра беларускую стратэгію барацьбы з каронавірусам.

"Я зараз не бачу, што мы ў чымсьці памыліліся. Пакуль. Усякае можа быць. Але нават вы, людзі, не настолькі залучаныя ў гэты працэс, бачыце, што беларусы зрабілі правільна. Я сыходзіў з таго, што вы самі трымаеце сваё жыццё ў сваіх руках і лепш ёю распарадзіцеся, чым я, ці, можа быць, Гасподзь", - сказаў Лукашэнка.

Кіраўнік дзяржавы выказаў упэўненасць, што беларусы пройдуць гэты перыяд годна. Як ён нагадаў, Пасха - сведчанне перамогі дабра над злом і самаахвярнасці. Таму ён заклікаў не хавацца за сценамі храма і не баяцца ў яго ўвайсці. У прыклад ён прывёў Ісуса, які не баяўся, а ахвяраваў дзеля людзей.

"Чаму ж мы схаваліся? Гэтае пытанне жыццё перад кім-то з часам паставіць. І гэта трэба памятаць", - выказаўся кіраўнік дзяржавы.

Пра будучыню

Паводле слоў Лукашэнкі, ён вырашыў адысці ў бок ад традыцыйных святочных слоў, паколькі многіх людзей хвалюе сітуацыя ў краіне.

"Давайце казаць адкрыта: з-за нашай Канстытуцыі ўсё ж такі ад прэзідэнта ў нашай краіне шмат што залежыць. І я вам шчыра і сумленна кажу пра тую палітыку, якая будзе надалей праводзіцца пры цяперашняй уладзе. А хто мае рацыю, хто вінаваты, стане зразумела літаральна праз чатыры-пяць месяцаў, калі вы будзеце вызначацца, хто будзе вамі кіраваць, якая будзе ў вас ўлада. І ніхто над вамі пераважаць не будзе, гэта вы вырашыце самі. Але я вам гарантую, што чарговыя выбары ў нашай краіне пройдуць абсалютна сумленна і прыстойна. Мы сумленна і прыстойна будзем казаць вам пра будучыню, будзем распавядаць пра тое, як развіваецца наша краіна і як будзе развівацца", - падкрэсліў Лукашэнка.

Аб тых, хто захварэў

Пнеўманіі, аб якіх сёння шмат гавораць, па словах прэзідэнта, - малая частка ад існых не менш небяспечных хвароб.

"У нас шмат людзей, у якіх сардэчна-сасудзістыя захворванні, якія пакутуюць ад анкалогіі, цукровага дыябету, атлусцення", - нагадаў ён.

Заўважыў прэзідэнт і тое, што смяротнасць ад пнеўманіі, якая развіваецца на фоне COVID-19, зусім малая: па яго словах, паміраюць тыя, чыё здароўе "падкасілі" іншыя захворванні.

Лукашэнка заклікаў пажылых людзей, асабліва якія маюць хранічныя захворванні, звяртацца да медыкаў пры першых жа сімптомах інфекцыі і не чакаць да апошняга, займаючыся самалячэннем. "Паберажыце сябе, падумайце пра гэта. Нашы ўрачы малайцы ў гэтым плане: яны ўжо зарыентаваліся, выцягваюць найцяжкіх хворых", - сказаў ён.

"Калі вы зробіце маленькі крок насустрач свайму здароўю, у нас з заўтрашняга дня будзе лепш. Усё залежыць ад нас з вамі. Я вам абяцаю, што наша ўлада - яна камусьці падабаецца, не падабаецца - зробіць усё для таго, каб вы былі абаронены. Толькі вы зрабіце маленькі крок насустрач свайму здароўю, таму, пра што вы марыце. Калі мы будзем разам, усё будзе добра ", - сказаў на заканчэнне Лукашэнка, яго словы прывяла БелТА.

168
Тэги:
каронавірус, Аляксандр Лукашэнка
Тэмы:
Каронавірус COVID-19 (1195)
Канстытуцыя Рэспублікі Беларусь

Галоўчанка прадставіць канстытуцыйны законапраект у парламенце ў пятніцу

18
(абноўлена 14:48 23.06.2021)
Палата прадстаўнікоў у дзень закрыцця вясновай сесіі 25 чэрвеня разгледзіць папраўкі ў Канстытуцыю ў першым чытанні. Нарматыўны акт прадугледжвае ўвядзенне адзінага дня галасавання. У выпадку яго прыняцця выбары дэпутатаў усіх узроўняў і сенатараў будуць сумешчаны.

МІНСК, 23 чэр – Sputnik. Дэпутаты плануюць прыняць у пятніцу ў першым чытанні праект закона аб змене Канстытуцыі Беларусі. Прадставіць дакумент у Авальнай зале прэм'ер-міністр рэспублікі Раман Галоўчанка, паведамілі карэспандэнту Sputnik у прэс-службе Палаты прадстаўнікоў.

Для распрацоўкі канстытуцыйных паправак у ніжняй палаце парламента была створана часовая спецыяльная камісія, удакладнілі ў прэс-службе. Туды ўвайшлі дэпутаты, якія працуюць у Канстытуцыйнай камісіі, што рыхтуе асноўны блок змяненняў у галоўны закон краіны для прыняцця на рэспубліканскім рэферэндуме.

У гэты ж дзень у Авальнай зале адбудзецца закрыццё вясновай парламенцкай сесіі, а таксама прагучаць адказы ўрада на пытанні дэпутатаў і сенатараў.

Абмяркоўвацца будуць праблемы транспартнай галіны, будаўнічага комплексу і жыллёва-камунальнай гаспадаркі. Плануецца, што з асноўным дакладам выступіць віцэ-прэм'ер Анатоль Сівак.

Аб адзіным дне галасавання

У выпадку прыняцця канстытуцыйных паправак выбары ў мясцовыя саветы дэпутатаў, якія павінны прайсці не пазней за 18 студзеня наступнага года, будуць перанесены на 2023 год і сумешчаны з парламенцкімі. Прычым у адзін дзень будуць абірацца як дэпутаты Палаты прадстаўнікоў, так і члены Савета Рэспублікі.

Нагадаем, што сенатараў у Беларусі выбіраюць дэпутаты мясцовага ўзроўню на пасяджэннях.

Як паведаміла раней Sputnik старшыня Цэнтрвыбаркама Лідзія Ярмошына, арганізаваць усё гэта тэхнічна нескладана. Справа ў тым, што склад верхняй палаты парламента фарміруюць дэпутаты мясцовых саветаў адыходзячага склікання.

У адзіны дзень галасавання іх паўнамоцтвы яшчэ захоўваюцца - яны застаюцца да правядзення першай установачнай сесіі. Таму ўсё адбудзецца ў адну нядзелю, канстатавала Ярмошына.

Асноўны блок паправак у Канстытуцыю

Праект новага Асноўнага закона будзе вынесены на рэспубліканскі рэферэндум у лютым 2022 года. Над ім зараз працуе Канстытуцыйная камісія, у склад якой уваходзяць 36 чалавек.

Чарговае яе пасяджэнне адбудзецца 24 чэрвеня. Пра гэта паведаміў карэспандэнту Sputnik у сераду член камісіі, кіраўнік "Круглага стала дэмакратычных сіл" Юрый Васкрасенскі.

"Спецыялісты на гэты раз будуць разглядаць прэамбулу і першы раздзел галоўнага закона краіны - "Асновы канстытуцыйнага ладу", - распавёў Васкрасенскі.

У ім ідзе гаворка пра правы, свабоды і гарантыі грамадзян, асновы дэмакратыі, ролю палітычных партый і аб'яднанняў, віды ўласнасці, рэлігіі, дзяржаўныя сімвалы і мовы.

Чакаецца, што ў цэлым Канстытуцыя зведае істотныя змены. Плануецца пашырыць ролю парламента і абмежаваць заканадаўчую функцыю прэзідэнта.

Акрамя таго, частка адказнасці кіраўніка дзяржавы можа перайсці да ўрада. Напрыклад, прапануецца пашырыць паўнамоцтвы прэм'ер-міністра, узмацніўшы яго ролю ў фарміраванні Саўміна.

Усебеларускі народны сход можа атрымаць канстытуцыйны статус. Ён стане вышэйшым прадстаўнічым органам народаўладдзя, а выбіраць яго дэлегатаў будуць па такім жа механізме, як дэпутатаў парламента.

Канстытуцыйная камісія павінна падрыхтаваць усе папраўкі да першага жніўня гэтага года. Затым праект будзе вынесены на грамадскае абмеркаванне і апублікаваны ў сродках масавай інфармацыі.

У выбарчых бюлетэнях на рэспубліканскім рэферэндуме ўвесь блок карэкціровак будзе пазначаны ў адным пытанні.

Чытайце таксама:

18
Тэги:
Беларусь, Выбары, Галасаванне, Палата прадстаўнікоў Нацыянальнага Схода РБ, Парламент, Канстытуцыя, законапраект, Раман Галоўчанка

У Наваполацку ўзвялі пантонны мост відэа

11
(абноўлена 16:11 22.06.2021)
Калі мост праз Заходнюю Дзвіну зачынілі на рамонт, жыццё горада фактычна спынілася: адлегласць да цэнтра Наваполацка для жыхароў некаторых раёнаў павялічылася ў 10 разоў.

Пантонны 130-метровы мост праз Заходнюю Дзвіну ўсталявалі ў Наваполацку, узвядзеннем канструкцыі займаліся работнікі Пінскага цэнтра рэспубліканскага атрада спецыяльнага прызначэння "ЗУБР" МНС Беларусі.

За суткі ратавальнікі ўстанавілі 20 пантонаў, вагой у сем тон кожны. Па дадзеных прэс-службы МНС, ва ўзвядзенні маста было задзейнічана 30 чалавек, 18 машын пантонна-маставога парку і цягач ЗІЛ-131 з катэрам БМК 150.

Акрамя таго, дарожныя службы працуюць над добраўпарадкаваннем пад'язных шляхоў.

18 чэрвеня адзіны ў Наваполацку мост праз Заходнюю Дзвіну зачынілі на рэканструкцыю. Мост быў пабудаваны ў 1962 годзе і ўжо двойчы рамантаваўся - у 2000-м і 2018-м.

Глядзіце на відэа, як выратавальнікі ўзводзілі мост у Наваполацку.

Глядзіце таксама:

11
Тэги:
жыхар, відэа, мост, Наваполацк
Адпачынак на рацэ Прыпяць

За ўсю гісторыю метэаназіранняў: тэмпературны рэкорд чэрвеня пабіты ў Беларусі

9
(абноўлена 17:10 23.06.2021)
Тэмпературныя рэкорды сіноптыкі звычайна фіксуюць у ліпені і жніўні, але ў 2021-м годзе першы летні месяц здзівіў усіх.

МІНСК, 23 чэр - Sputnik. У аўторак у Беларусі быў зафіксаваны тэмпературны рэкорд 35,9 градусы, паведаміў начальнік службы метэаралагічных прагнозаў Белгідрамета Аляксандр Бяганскі.

Тэмпературныя рэкорды месяца былі ўсталяваны ў аўторак на шэрагу станцый па ўсходзе Беларусі: на большай частцы Гомельскай, Магілёўскай і па ўсходзе Віцебскай і Мінскай абласцей.

"Учора максімум быў зафіксаваны 35,9 градусы на метэастанцыі "Кастрычнік" (Гомельская вобласць). Гэта была самая высокая тэмпература па краіне за ўсю гісторыю назіранняў у чэрвені - парадку 120-130 гадоў", - сказаў Sputnik Бяганскі.

Ён удакладніў, што гаворка ідзе пра самы гарачы чэрвень, абсалютныя гадавыя рэкорды не перавышаны, так як яны значна вышэй. "Мы пакуль на іх не прэтэндуем. Максімумы характэрны звычайна для ліпеня і жніўня, усе рэкорды звычайна прыпадаюць на гэтыя перыяды", - дадаў начальнік службы.

З 23 па 25 чэрвеня з-за спякоты беларускія сіноптыкі ўсталявалі чырвоны ўзровень небяспекі. У большасці рэгіёнаў слупок тэрмометра падбіраецца да адзнакі +34 градусы.

Белгідрамет прагназуе, што спёка ў Беларусі захаваецца да канца тыдня, але дададуцца дажджы з навальніцамі. У апошнія выхадныя чэрвеня тэмпература пачне зніжацца.

Чытайце таксама:

9
Тэги:
Лета, сіноптыкі, Беларусь, тэмпературны рэкорд, Гідраметэацэнтр Рэспублікі Беларусь