Школьнікі ў масках

Лукашэнка патлумачыў, чаму вырашыў аднавіць заняткі ў школах

61
(абноўлена 12:45 21.04.2020)
Прэзідэнт Беларусі адказаў на крытыку тым, хто папракнуў яго ў перакладанні адказнасці на бацькоў.

МІНСК, 21 кра - Sputnik. Рашэнне аб пачатку заняткаў у школах прымалася пасля аналізу эпідсітуацыі ў краіне, заявіў сёння ў ходзе размовы з работнікамі фабрыкі "Славянка" прэзідэнт Беларусі Аляксандр Лукашэнка.

Школьныя канікулы двойчы падаўжаліся ў Беларусі, аднак затым было вырашана вярнуць дзяцей на заняткі. Новая чвэрць пачалася напярэдадні.

Як патлумачыў кіраўнік падчас размовы з работнікамі бабруйскага прадпрыемства, рашэнне аб аднаўленні заняткаў прымалася пасля аналізу эпідсітуацыі ў краіне.

"Трэба паціху напрацягу тыдня ўцягвацца ў гэты (вучэбны - Sputnik) працэс", - сказаў Лукашэнка.

Лукашэнка таксама адказаў на крытыку і папрокі кіраўніка дзяржавы ў "перакладанні" адказнасці на бацькоў.

"Я назіраю рэакцыю людзей. Людзі розныя. Апазіцыянеры пачалі папісваць у асобных там Telegram-каналах, жоўтай прэсе: вось, Лукашэнка там "адказнасць пераклаў" на бацькоў. Слухайце, ну дзікунства поўнае. Я, напэўна, залішне бяру на сябе адказнасць. Я на сябе ўвесь гэты цяжар усклаў. Хаця многія кажуць, вось, прэзідэнцкія выбары... Ды не трэба наперадзе каня бегчы! Я ж прэзідэнт, пакуль я за гэта адказваю. Пакінь я адказнасць, не накладзі, вы ж усё роўна з мяне спытаеце", - сказаў Лукашэнка.

Прэзідэнт канстатаваў, што ў краіне ёсць такая практыка: "хто вінаваты, не вінаваты - прэзідэнт". Таму, адзначыў Лукашэнка, ён і займаецца гэтымі пытаннямі.

"Я сумленна і адкрыта сказаў, што я катэгарычна супраць падаўжэння канікул. Вывучылі думкі, хочуць на тыдзень падоўжыць. Добра, я працягнуў. Але сказаў, што я катэгарычна супраць", - дадаў ён, словы прэзідэнта прывяла БелТА.

Паводле ацэнак Мінадукацыі, учора на заняткі ў школах вярнуліся 30-40% вучняў. Сёння прапрацоўваецца пытанне магчымасці атэстацыі школьнікаў, якія застануцца дома, па трох чвэрцях.

61
Тэги:
школы, Беларусь, Аляксандр Лукашэнка
Тэмы:
Каронавірус COVID-19 (655)
Абітурыенты здаюць ЦТ

Сталі вядомыя вынікі ЦТ па біялогіі

5
(абноўлена 17:26 13.07.2020)
У цэлым абітурыенты здалі тэсціраванне па біялогіі лепш, чым у мінулым годзе - максімальны бал атрымалі 55 чалавек.

МІНСК, 13 ліп - Sputnik. Вынікі цэнтралізаванага тэсціравання (ЦТ) па біялогіі сталі вядомыя ў панядзелак.

Вынікі цэнтралізаванага тэсціравання пачалі з'явіцца на мінулым тыдні. На сёння вядомыя балы па рускай і беларускай мовах, грамадазнаўстве і матэматыцы.

У панядзелак сталі вядомыя і вынікі ЦТ па біялогіі. Першымі свае балы даведаліся абітурыенты, падпісаныя на смс-рассылку, затым дадзеныя загружаюцца на сайт Рэспубліканскага інстытута кантролю ведаў (РІКВ).

Па дадзеных РІКВ, максімальны бал на біялогіі ў гэтым годзе набралі 55 абітурыентаў - больш, чым у 2019-м. Ніводнага бала не атрымалі трое ўдзельнікаў тэсціравання.

З зарэгістраваных 20,8 тысяч абітурыентаў на тэсціраванне з'явіліся каля 19,4 тысяч чалавек.

У бліжэйшыя дні, як чакаецца, стануць вядомыя вынікі ЦТ па замежных мовах.

5
Тэги:
ЦТ, Уступная кампанія, Беларусь
Медыцынскі работнік у бальніцы, дзе лечацца заражаныя COVID-19

Новыя лічбы Мінздароўя: у Беларусі выяўлена больш за 65 тыс выпадкаў COVID-19

6
(абноўлена 15:35 13.07.2020)
Большасць пацыентаў з пацверджаным каронавірусам - звыш 55 тысяч - ужо паправіліся і выпісаныя.

МІНСК, 13 ліп - Sputnik. Колькасць пацверджаных выпадкаў каронавіруса COVID-19 у Беларусі перавысіла 65 тысяч, паведамілі ў панядзелак у Міністэрстве аховы здароўя рэспублікі.

Да раніцы панядзелка ў Беларусі праведзена каля 1,142 мільёна тэстаў на каронавірус.

Выяўлена 65 114 выпадкаў COVID-19. За суткі колькасць інфіцыраваных павялічылася на 182 чалавекі.

Большасць пацыентаў - 55 492 - ужо паправіліся і выпісаныя. За суткі іх стала больш на 112 чалавек. Зрэшты, у выхадныя заўсёды выпісваецца менш пацыентаў.

"За ўвесь перыяд распаўсюджвання інфекцыі на тэрыторыі краіны памерлі 468 пацыентаў з шэрагам хранічных захворванняў з выяўленай каронавіруснай інфекцыяй", - адзначылі ў Міністэрстве аховы здароўя.

За суткі зарэгістравана чатыры новых смяротныя зыходы.

Чытайце таксама:

6
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19 (655)