Вучні ў ахоўных масках на занятках, архіўнае фота

Карпенка: зменаў ва ўступнай кампаніі не будзе

38
(абноўлена 15:07 24.04.2020)
Сёння прапрацоўваецца пытанне аб тым, як зрабіць бяспечным правядзенне кампаніі і стварыць аптымальныя ўмовы.

МІНСК, 24 кра - Sputnik. Ніякіх зменаў ва ўступнай кампаніі ў гэтым годзе не плануецца, заявіў сёння міністр адукацыі Ігар Карпенка.

На фоне распаўсюджвання каронавіруса часткова абмежаваныя або перанесены многія масавыя мерапрыемствы. Выказваліся і прапановы аб пераносе тэрмінаў уступнай кампаніі - каб не праводзіць яе падчас неспрыяльнай эпідэміялагічнай сітуацыі.

"Мы паглядзім, як будзе развівацца сітуацыя і прымем узважанае рашэнне. Але адразу можна сказаць, што выпускнікам не трэба турбавацца: ніякіх зменаў па форме правядзення ўступнай кампаніі не будзе. А як яе зрабіць бяспечнай, стварыць аптымальныя ўмовы - гэтае пытанне цяпер прапрацоўваецца", - сказаў Карпенка.

Па словах міністра адукацыі, на гэтую тэму сёння ў СМІ і інтэрнэце з'яўляецца шмат "укідаў".

"Пішуць: давайце зменім форму ўступных выпрабаванняў, давайце наогул іх адменім і па конкурсе атэстатаў правядзем і гэтак далей. Напэўна, гэта будзе няправільна і створыць няроўныя ўмовы", - растлумачыў сваю пазіцыю Карпенка, яго словы прывяла БелТА.

Нагадаем, рэгістрацыя на цэнтралізаванае тэсціраванне пачнецца ўжо 2 мая. Самі выпрабаванні пройдуць у чэрвені-ліпені, пасля чаго абітурыенты будуць падаваць дакументы ў прыёмныя камісіі ВНУ.

38
Тэги:
Уступная кампанія, Ігар Карпенка, Беларусь
Тэмы:
Абітурыент - 2020 (33)
Людзі ў медыцынскіх масках

На каронавірус у Беларусі захварэлі 3600 дзяцей - Мінздароўя

3
(абноўлена 09:37 02.06.2020)
За час пандэміі ў краіне нарадзіліся 62 дзіцяці ў жанчын, заражаных каронавірусам падчас цяжарнасці, у тым ліку, дзве двойні.

МІНСК, 2 чэр - Sputnik. Каронавірус зафіксаваны ў 3,6 тысяч дзяцей у Беларусі. Пра гэта паведаміла журналістам галоўны спецыяліст аддзела медыцынскай дапамогі маці і дзецям Міністэрства аховы здароўя Таццяна Бурдзь.

"На сённяшні дзень у Беларусі зарэгістравана 3600 дзяцей са станоўчым тэстам на каронавірусную інфекцыю", - праінфармавала Бурдзь.

Паводле яе слоў, 95% дзяцей пераносяць інфекцыю практычна ў бессімптомнай форме. Аднак ёсць невялікая колькасць выпадкаў, пры якіх пацыенты знаходзяцца ў сярэднецяжкім стане.

"Як правіла, гэта дзеці са спадарожнай паталогіяй, з анкагематалагічнымі захворваннямі і, на жаль, з атлусценнем", - удакладніла прадстаўнік Міністэрства аховы здароўя і дадала, што цяжкіх выпадкаў COVID-19 у дзяцей у рэспубліцы не назіралася.

Паводле дадзеных спецыяліста, больш за 60% у структуры дзіцячых хвароб складаюць паталогіі органаў дыхання. На другім месцы - захворванні органаў зроку, а на трэцім - апорна-рухальнай сістэмы (у прыватнасці, наступствы траўмаў).

Таццяна Бурдзь паведаміла таксама, што за час пандэміі ў Беларусі нарадзіліся 62 дзіцяці ў жанчын, заражаных каронавірусам падчас цяжарнасці, у тым ліку, дзве двойні. Спецыяліст падкрэсліла: усе нованароджаныя здаровыя.

Паводле інфармацыі Міністэрства аховы здароўя Беларусі на 1 чэрвеня, у Беларусі зафіксавана 43 403 выпадкі COVID-19. Паправіліся і выпісаныя 18 776 пацыентаў, памерлі 240 пацыентаў з шэрагам хранічных захворванняў з выяўленай, каронавіруснай інфекцыяй.

3
Тэги:
каронавірус, Беларусь, Міністэрства аховы здароўя Рэспублікі Беларусь
Тэмы:
Каронавірус COVID-19
Супрацоўніца навукова-даследчай лабараторыі рыхтуе прэпарат

Клінічныя выпрабаванні расійскай вакцыны ад СOVID-19 завершаць да канца ліпеня

4
(абноўлена 09:17 02.06.2020)
У выпрабаваннях вакцыны будуць прымаць удзел 50 вайскоўцаў-добраахвотнікаў, у тым ліку пяць жанчын.

МІНСК, 2 чэр - Sputnik. У Расіі пачынаюцца клінічныя выпрабаванні вакцыны супраць COVID-19 з удзелам вайскоўцаў-добраахвотнікаў, паведамілі ў аўторак у Міністэрстве абароны Расіі.

"У Мінабароны Расіі завершаны адбор добраахвотнікаў для правядзення клінічных выпрабаванняў унікальнай айчыннай вакцыны ад новай каронавіруснай інфекцыі CoViD-19. Для праверкі бяспекі і эфектыўнасці вакцыны адабрана 50 вайскоўцаў, у тым ліку пяць жанчын", - гаворыцца ў паведамленні ведамства, якое цытуюць расійскія інфармагенцтвы.

У мінабароны падкрэслілі, што ўсе ўдзельнікі выпрабаванняў добраахвотна выказалі жаданне прыняць удзел у апрабацыі сучаснага прэпарата.

Выпрабаванні будуць праходзіць на базе 48 Цэнтральнага навукова-даследчага інстытута Мінабароны РФ. Расійскія вайскоўцы з ЦНДІ прымалі ўдзел і ў распрацоўцы вакцыны. Раней тут даследаваліся вакцыны ад ліхаманкі Эбола і блізкаўсходняга рэспіраторнага сіндрому.

У расійскім Мінабароны расказалі, што 3 чэрвеня адбудзецца заезд першай групы вайскоўцаў-добраахвотнікаў. Яны павінны будуць прайсці паглыбленае медыцынскае абследаванне і падрыхтоўку да правядзення эксперыменту.

Мяркуецца, што спецыялісты завяршаюць даклінічныя даследаванні ўзору вакцыны ад COVID-19, клінічныя даследаванні плануецца завяршыць да канца ліпеня.

Раней у расійскім міністэрстве прамысловасці заяўлялі, што ў чэрвені пачнуцца клінічныя даследаванні дзвюх першых расійскіх вакцын ад COVID-19. Прадстаўнікі расійскага цэнтра "Вектар" у траўні казалі, што разлічваюць зарэгістраваць сваю вакцыну ад каронавіруса ўжо ў верасні.

4
Тэги:
Вакцынацыя, каронавірус, Расія
Тэмы:
Каронавірус COVID-19
(0:00 / .00Mb / )

Барацьба з каронавірусам: вынікі каранціна і вопыт краін СНД

0
(абноўлена 11:15 02.06.2020)
У аўторак, 2 чэрвеня, у мультымедыйным прэс-цэнтры Sputnik Беларусь у рэжыме тэлемоста Мінск - Масква - Ерэван праходзіць анлайн-прэс-канферэнцыя на тэму: "Барацьба з каронавірусам: вынікі каранціна і вопыт краін СНД".
0