Народны артыст СССР Васіль Ланавой

Ланавой заклікаў удзельнічаць у акцыі "Бессмяротны полк" у анлайн-фармаце

33
(абноўлена 14:09 27.04.2020)
"Бессмяротны полк" сёлета пройдзе ў рэжыме анлайн з-за пандэміі каронавіруса. Акцыю будуць трансляваць больш за 200 медыаэкранаў Масквы, online-кінатэатр ОККО і партал "Бяссмертнага палка Расіі".

МІНСК, 27 кра - Sputnik. Народны артыст СССР, сустаршыня Цэнтральнага штаба Агульнарасійскага грамадскага руху "Бессмяротны полк Расіі" Васіль Ланавой заклікаў да ўдзелу ў акцыі "Бессмяротны полк" у анлайн-фармаце.

"Дарагія сябры! Набліжаецца самае галоўнае, самае наша любімае свята - Дзень Перамогі. Я заклікаю ўсіх вас, кожнага, каму дарагая памяць пра салдат Вялікай Айчыннай вайны, прыняць удзел у акцыі "Бессмяротны полк" у анлайн-фармаце", - сказаў Ланавой у эфіры тэлеканала "Расія 24".

Ён заклікаў СМІ зрабіць гэты дзень асаблівым і пасля традыцыйнай хвіліны маўчання ўключыць песню "Дзень Перамогі".

"Уключыце тэлевізар, вазьміце партрэт вашага героя і выйдзіце з ім на балкон, вызірніце ў акно, ўспомніце аб усіх, хто абараніў мір, ахвяраваўшы сабою, пра тых, дзякуючы каму мы жывем на гэтай цудоўнай зямлі. Памаўчыце ў памяць пра іх, і вы ўбачыце, што вашыя суседзі, людзі ў дамах побач таксама выйдуць з партрэтамі. А пасля заканчэння хвіліны маўчання мы ўсе разам выканаем любімую песню "Дзень Перамогі". Гэта і ёсць наша яднанне", - дадаў Ланавой.

Ён падкрэсліў, што ніякія нягоды не перашкодзяць адсвяткаваць Дзень Перамогі для ўсёй краіны.

Акцыя "Бессмяротны полк" па захаванні асабістай памяці пра пакаленне Вялікай Айчыннай вайны праводзіцца ў Дзень Перамогі ў Расіі і іншых краінах. У мінулыя гады кожны жадаючы мог выйсці на вуліцу 9 мая з фатаграфіяй або з імем сваяка, які ўдзельнічаў у Вялікай Айчыннай вайне. Упершыню акцыя прайшла 9 мая 2012 года ў Томску па ініцыятыве мясцовых тэлежурналістаў, а ў 2013 годзе стала ўсерасійскай.

33
Тэги:
Расія, Рух "Бессмяротны полк", Вялікая Айчынная вайна
Тэмы:
Дзень Перамогі - 2020 (105)
Тедрас Адханам Гебрэйесус

Кіраўнік СААЗ зрабіў прышчэпку ад каронавіруса

9
(абноўлена 14:07 13.05.2021)
Раней у арганізацыі падлічылі, што на вакцынацыю ад COVID-19 дарослага насельніцтва ў 2022 годзе спатрэбіцца дадаткова да 45 мільярдаў долараў

МІНСК, 13 тра - Sputnik. Генеральны дырэктар Сусветнай арганізацыі аховы здароўя (СААЗ) Тэдрас Адханам Гебрэйесус вакцынаваўся ад COVID-19, пра гэта ён паведаміў на сваёй старонцы ў Twitter.

"Сёння надышла мая чарга зрабіць прышчэпку супраць COVID-19 ва Універсітэцкай клініцы Жэневы. Вакцыны ратуюць жыцці. Вельмі важна даставіць іх ва ўсе краіны як мага хутчэй", - напісаў Гебрэйесус.

Прэпарат якога вытворцы быў выкарыстаны, не ўдакладняецца.

Кіраўнік СААЗ таксама заклікаў жыхароў тых краінаў, дзе даступны вакцыны ад COVID-19, зрабіць прышчэпку.

Раней у арганізацыі паведамлялі, што ўзровень захворвання і смяротнасці ад каронавіруса у свеце выйшаў на плато. У многіх рэгіёнах свету ідзе зніжэнне, уключаючы Амерыку і Еўропу, пры гэтым ёсць такія, дзе расце колькасць заражэнняў, у прыватнасці, у паўднёва-ўсходняй Азіі.

У красавіку прадстаўнікі СААЗ паведамлялі аб тым, што працягваюць распаўсюджвацца варыянты віруса, "якія выклікаюць заклапочанасць", прычым некаторыя з іх - з больш высокай хуткасцю. Там ўдакладнілі, што некаторыя з мутацый COVID-19 могуць не паддавацца вакцынам, а ў большасці краін захоўваецца "вельмі высокі ўзровень перадачы інфекцыі на мясцовым узроўні".

Спецыялісты прыйшлі да высновы, што пандэмія "ўсё яшчэ ўяўляе сабой надзвычайную падзею і працягвае негатыўна ўплываць на здароўе насельніцтва ў свеце". Рэжым надзвычайнай сітуацыі ў глабальнай ахове здароўя ў сувязі з пандэміяй каронавіруса быў працягнуты на тры месяцы.

Па падліках СААЗ, каб прышчапіць ад каронавіруса асноўную частку дарослага насельніцтва свету, ў 2022 годзе спатрэбіцца дадаткова да 45 мільярдаў долараў.

Чытайце таксама:

9
Міністр аховы здароўя Беларусі Дзмітрый Піневіч

Далей-лягчэй: Піневіч ацаніў тэрміны заканчэння пандэміі COVID-19 у Беларусі

14
(абноўлена 11:47 13.05.2021)
Каронавірус схільны да сезоннасці, летам захворванне будзе меншым, лічыць міністр аховы здароўя рэспублікі.

МІНСК, 13 тра - Sputnik. Восенню 2021 года пандэмія каронавіруса будзе, але ў меншых маштабах, а барацьба з ёй працягнецца да лютага 2022-га, такі прагноз даў міністр аховы здароўя Дзмітрый Піневіч.

Паводле яго слоў, хутчэй за ўсё, беларускія медыкі будуць змагацца з каронавірусам да лютага 2022 года. Тым не менш, міністр лічыць, што гэтай восенню COVID-19 значна зменшыцца ў маштабах.

"Цяпер асноўная задача - прайсці вясновую хвалю, астатняе вытрымаем. А калі яшчэ больш пазітыўна, то беларусы - малайцы, гэты этап праходзяць вельмі годна", - цытуе Піневіча "СБ. Беларусь сегодня".

Ён гэта звязвае з тым, што каронавірус схільны да сезоннасці, у тым ліку, зніжэннем актыўнасці летам. Па словах міністра, таксама ў цёплы час года людзі больш часу праводзяць на свежым паветры, ядуць свежыя садавіну і гародніну, якія ўмацоўваюць імунітэт.

На гэта ўсё яшчэ накладзена і вакцынацыя, якая будзе працягвацца, таму ўсплёску захворвання, як увосень-2020 не будзе, сказаў Піневіч.

Памыліліся з прагнозам

"Хутчэй за ўсё, мы памыліліся з велічынёй піка трэцяй хвалі - меркавалі, што яна будзе ніжэй, чым падчас другой, але не настолькі. Сёння прыкладна 1500 ложкаў у краіне знаходзіцца ў свабодным рэжыме - хацелася б, каб усё так і засталося", - падкрэсліў кіраўнік Міністэрства аховы здароўя. Тым не менш, паводле яго слоў, цяжкахворых пацыентаў нават больш, чым увосень.

Беларусь збіраецца выпускаць "Спутник Лайт"

Піневіч падкрэсліў, што ў беларусаў два праекты з рознымі расейскімі кампаніямі, але па адным прэпараце, вырабленым ў інстытуце Н.Ф.Гамалеі.

"У корпусе на вуліцы Фабрыцыуса ідзе разліў, а ў корпусе на вуліцы Аранскай праходзіць рэканструкцыя цэха. Менавіта там будзе вырабляцца вакцына - ад вырошчвання да разліву", - сказаў ён.

Па словах міністра, Беларусь плануе таксама закупляць і вырабляць новую расійскую вакцыну "Спутник Лайт".

"Спутник Лайт" - "палегчаная" версіі вакцыны "Спутник V". Паводле інфармацыі фонду, эфектыўнасць прэпарата складае 79,4% з 28-га дня пасля атрымання імунізацыі. Гэты паказчык вышэй многіх іншых вакцын, якія патрабуюць двух уколаў.

Плануецца, што ў грамадзянскі абарот у рэспубліцы прэпарат паступіць толькі ў 2022 годзе. Таксама ў нашай краіне чакаюць і кітайскую вакцыну Vero Cell, якая паступіць у канцы траўня.

Адзначаецца, што вакцына "Спутник V", якая была выраблена на РУП "Белмедпрэпараты", паспяхова прайшла трохтыднёвыя лабараторныя выпрабаванні ў Нацыянальным даследчым цэнтры эпідэміялогіі і мікрабіялогіі імя Н.Ф.Гамалеі на кантроль якасць і бяспеку.

Прышчэпачная кампанія ў Беларусі

Цяпер у рэспубліцы ўсё насельніцтва прышчапляюць ад каронавіруса, у першую чаргу - пажылых. Вакцынацыю робяць трыма прэпаратамі - расійскімі "Спутник V", "ЭпиВакКорона" і кітайскім "Синофармом".

Беларуская вакцына

Прэзідэнт Аляксандр Лукашэнка 7 траўня заявіў аб стварэнні беларускай вакцыны ад COVID - так званага "кандыдацкага варыянту".

У Міністэрстве аховы здароўя ўдакладнілі, што вакцына, якую распрацоўваюць у Беларусі, - інактываваная, гэта значыць зроблена з "забітага" віруса: гэты тып вакцыны добра вывучаны, тэхналогія вядомая даўно, вакцына будзе маларэактагеннай, без аддаленых пабочных рэакцый і наступстваў.

Перавага будучай вакцыны - магчымасць мяняць склад пры неабходнасці, калі будуць адбывацца сур'ёзныя мутацыі штамаў.

З недахопаў - цяжкі працэс вытворчасці і працяглыя тэрміны стварэння ў параўнанні з тымі ж вектарнымі вакцынамі. Праца ідзе з высокапатагенным матэрыялам, таму патрабуецца высокі ўзровень біялагічнай абароны.

Навукоўцы ўпэўнены, што доследна-прамысловая партыя прэпарата пачне выпускацца з канца 2021 года.

Якое прадпрыемства зоймецца вытворчасцю айчыннай вакцыны, трымаецца ў сакрэце - камерцыйная таямніца. Над назвай таксама пакуль не думалі: "галоўнае - вынайсці".

Чытайце таксама:

14
Тэги:
міністр, каронавірус, Беларусь, COVID-19, пандэмія, Дзмітрый Піневіч

Не тое, што вы падумалі: дзіўную скульптуру ўсталявалі ў Германіі відэа

33
(абноўлена 14:22 13.05.2021)
Драўляная статуя, якую ўсталявалі на Рынкавай плошчы нямецкага горада Таргаў, абурыла многіх мясцовых жыхароў. Па задумцы кампазіцыя павінна быць падобная на спаржу. Але калі ўважліва паглядзець - то гэта не зусім "каралева гародніны". Глядзіце відэа.

Сродкі масавай інфармацыі звярнуліся за каментарамі да стваральніка скульптуры "Спаржа" Маркуса Шольца. Ён заявіў, што ў яго кампазіцыі нічога дзіўнага няма, яна павінна заахвоціць жыхароў Таргаў "заставацца ўстойлівымі і быць у добрым настроі" ў часы пандэміі каронавіруса.

Супярэчлівую па задумцы працу майстра прыбіраць з плошчы не сталі. Магчыма, улады гарадка паверылі мастаку. А можа, проста паставіліся да увасобленай ідэі з гумарам.

Ды і спаржа ў Германіі сапраўды вельмі папулярная. У краіне налічваецца амаль 2 тысячы фермерскіх гаспадарак, якія вырошчваюць гэту гародніну. У сярэднім кожны жыхар Германіі з'ядае каля 2 кг спаржы ў год.

Яе адварваюць ці рыхтуюць на пару. "Каралеву гародніны" немцы яшчэ і экспартуюць. Штогадовы абарот складае каля паўмільярда еўра.

Глядзіце таксама:

33
Тэги:
статуя, відэа, Германія, Скульптура