Амністыя завяршылася ў Беларусі: на волю выйшлі больш за 2,5 тысячы чалавек

Амністыя завяршылася ў Беларусі: на волю выйшлі больш за 2,5 тысячы чалавек

15
(абноўлена 17:12 04.05.2020)
У дэпартаменце выканання пакаранняў сцвярджаюць, што вызваленне асуджаных не прывяло да пагаршэння крымінагеннага становішча ў краіне.

МІНСК, 4 мая - Sputnik. Пенітэнцыярная сістэма МУС Беларусі завяршыла выкананне закона "Аб амністыі ў сувязі з 75-годдзем вызвалення Беларусі ад нямецка-фашысцкіх захопнікаў", паведамілі ў МУС.

Гэтая амністыя цягнулася не паўгода, як звычайна, а 9 месяцаў, і яшчэ адрознівалася тым, што не кранула ні аднаго асуджанага за карупцыйныя злачынствы.

Як паведаміла начальнік упраўлення выканання прысудаў ДВП МУС Жанна Батурыцкая, па папярэдніх дадзеных, пад гэтую амністыю трапілі каля 9 тысяч чалавек, якія адбываюць пакаранне ў месцах пазбаўлення волі, так і ў папраўчых установах адкрытага тыпу.

"З месцаў пазбаўлення волі вызвалена больш за 2,5 тысячы асуджаных, у тым ліку непаўналетнія, адзінокія мужчыны і жанчыны, якія маюць дзяцей ва ўзросце да 18 гадоў, пенсіянеры, інваліды, а таксама асобы, якія маюць пэўныя захворванні", - паведаміла Батурыцкая.

Паводле яе слоў, скарочаны тэрмін пакарання на 1 год больш за 4,5 тысячы асуджаных. Каля 200 асуджаным, якія ўчынілі злачынствы ў непаўналетнім узросце, тэрмін пакарання скарочаны на 2 гады.

Амніставанымі асуджанымі пакрыты ўрон пацярпелым на суму амаль у 5 мільёнаў беларускіх рублёў, сказалі ў ДВП МУС.

Там таксама адзначылі, што амністыя ўжывалася толькі да асоб, якия характарызуюцца станощча, а вызваленне асуджаных не пацягнула пагаршэння крымінагеннага становішча.

15
Тэги:
Беларусь
Забор тэстаў на COVID

У Беларусі выяўлена амаль 64 тысячы выпадкаў каронавіруса

5
(абноўлена 15:02 06.07.2020)
Колькасць тых, хто паправіўся і выпісаны, па дадзеных на панядзелак, перавысіла 51 тысячу чалавек.

МІНСК, 6 ліп - Sputnik. Колькасць выяўленых выпадкаў каронавіруса ў Беларусі дасягнула 63804, паведамілі ў панядзелак у Міністэрстве аховы здароўя.

Да раніцы панядзелка ў Беларусі праведзена ўжо больш за 1,074 мільёна тэстаў на каронавірус.

Зарэгістравана 63804 пацыента з COVID-19. За суткі колькасць інфіцыраваных вырасла на 250 чалавек - мінімальнае за некалькі месяцаў значэнне.

Паправіліся і выпісаныя ўжо 51120 чалавек, за суткі іх стала больш на 249. Зрэшты, невысокая колькаць выпісаных заўсёды фіксуецца менавіта ў выхадныя дні. Па буднях у апошнія тыдні колькасць здаровых штодня знаходзіцца ў раёне тысячы чалавек.

"За ўвесь перыяд распаўсюджвання інфекцыі на тэрыторыі краіны памерлі 429 пацыентаў з шэрагам хранічных захворванняў з выяўленай каронавіруснай інфекцыяй", - дадалі ў Міністэрстве аховы здароўя.

Такім чынам, за суткі зарэгістравана шэсць новых смяротных вынікаў.

Чытайце таксама:

5
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19
Супрацоўніца навукова-даследчай лабараторыі

Выпрабаванні магчымых лекаў ад каронавіруса будуць доўжыцца яшчэ два месяцы

2
(абноўлена 10:25 06.07.2020)
Раней рэмдзесівір вырашылі выкарыстаць ад каронавіруса ў ЗША - аднак дадзеныя аб яго эфектыўнасці пакуль супярэчлівыя.

МІНСК, 6 ліп - Sputnik. Вывучэнне эфектыўнасці рэмдзесівіра для пацыентаў з каронавірусам працягнецца яшчэ два месяцы, заявіла галоўны навуковы супрацоўнік СААЗ Сумія Свамінатан.

Расійскі прэпарат Авіфавір
© Photo : Российский фонд прямых инвестиций (РФПИ)

Створаны ў 2015-м рэмдзесівір зараз прапанавалі як адно з магчымых лекаў ад каронавіруса. Яго ўжо ўжываюць у ЗША - FDA выдавала дазвол на выкарыстанне прэпарата "ў экстранных выпадках". Пры гэтым працягваюцца выпрабаванні лекаў.

"Другая фаза пачнецца прыкладна праз пару месяцаў. Завяршэнне першай фазы запатрабуе некаторага часу... Краіны заўсёды могуць апублікаваць экстраныя рэкамендацыі. Але пакуль (ад рэмдзесівіра -Sputnik) няма карысці па зніжэнні смяротнасці. Афіцыйных рэкамендацый СААЗ з нагоды прэпарата пакуль няма", - заявіла РІА "Новости" прадстаўнік СААЗ.

Паводле яе слоў, да завяршэння першай фазы адносяцца тэсты на эфектыўнасць для рэмдзесівіра. СААЗ хутка створыць камітэт, які будзе вызначаць, якія прэпараты змогуць прыняць удзел у другой фазе выпрабаванняў.

Для выпрабаванняў разглядаюцца сёння розныя імунамадулятары, антытромбацытарныя прэпараты і монануклеарныя антыцелы. Больш за ўсё шанцаў сёння, як лічыцца, у прэпаратаў на аснове монануклеарных антыцелаў.

Высноў да канца выпрабаванняў эксперты не робяць. Нагадаем, па выніках тэстаў СААЗ вырашыла адмовіцца ад выкарыстання гідроксілхларахіна, лопінавіра і рытанавіра пры каронавірусе. Раней гэтыя прэпараты актыўна ўжываліся ў многіх краінах, у тым ліку і ў Беларусі.

Колькасць выпадкаў каронавіруса ў свеце на сёння перавышае 11,5 мільёнаў. Спецыфічных лекаў ад COVID-19 пакуль не няма, сітуацыя ўскладняецца і выяўленнем падштамаў віруса. Паралельна вядзецца і распрацоўка вакцыны ад каронавіруса - яе рыхтуюць да выпрабаванняў ці ўжо тэстуюць ў шэрагу краін свету, у тым ліку і ў Расіі.

2
Тэги:
каронавірус
Тэмы:
Каронавірус COVID-19
Дзяржаўныя сцягі Расіі і Беларусі

Беларусь і Расія выступаюць за пошук рашэння па Дамове аб адкрытым небе

0
(абноўлена 14:56 06.07.2020)
Мінск і Масква, як гаворыцца ў заяве, выказваюць шкадаванне ў сувязі з рашэннем ЗША пра выхад з Дамовы па адкрытым небе.

МІНСК, 6 ліп - Sputnik. Беларусь і Расия гатовыя да раўнапраўнага дыялога, накіраванага на пошук комплекснага вырашэння праблем выканання Дамовы аб адкрытым небе, адпаведную заяву зрабілі МЗС дзвюх краін.

Канферэнцыі па ацэнцы наступстваў выхаду ЗША з Дамовы па адкрытым небе праходзіць у панядзелак у Вене. У сувязі з гэтым мерапрыемствам МЗС дзвюх краін падрыхтавалі заяву, яе тэкст таксама распаўсюдзілі дэлегацыі сярод удзельнікаў канферэнцыі.

"Рэспубліка Беларусь і Расійская Федэрацыя выказваюць шкадаванне ў сувязі з рашэннем ЗША пра выхад з Дамовы па адкрытым небе. Гэты крок здольны нанесці сур'ёзны ўрон архітэктуры агульнаеўрапейскай бяспекі і сістэме дамоўленасцяў у галіне кантролю над узбраеннямі", - адзначана ў заяве.

Беларусь і Расія, якія складаюць групу краін-удзельніц дамовы, "гатовыя да раўнапраўнага і ўзаемапаважлівага дыялога, накіраванага на пошук комплекснага вырашэння праблем выканання дамовы, без ультыматумаў і пры ўліку усімі яго бакамі інтарэсаў і заклапочанасцящ адзін аднаго".

У заяве таксама падкрэсліваецца, што пры вызначэнні і рэалізацыі лініі ў дачыненні да ДАН краіны будуць цесна супрацоўнічаць у рамках групы дзяржаў-удзельніц дагавора, "кіруючыся мэтамі падтрымання міжнароднай стабільнасці, павышэння эфектыўнасці і жыццяздольнасці дагавора за кошт ўмацавання даверу паміж дзяржавамі-удзельнікамі і з улікам забеспячэння інтарэсаў Беларусі і Расіі".

0
Тэги:
Беларусь, Расія