Жыхары Мінска ідуць па вуліцы ў ахоўных масках

Урач распавяла, калі захворванне COVID-19 у Беларусі пачне зніжацца

18
(абноўлена 14:39 06.05.2020)
Ужо сёння назіраецца зніжэнне захворвання каронавіруснай інфекцыяй у Віцебскім рэгіёне, распавяла намеснік галоўнага ўрача рэспубліканскага цэнтра.

МІНСК, 6 мая - Sputnik. Захворванне каронавірусам будзе устойліва зніжацца ў Беларусі прыкладна праз месяц, такое меркаванне ў эфіры тэлеканала "Беларусь 1" выказала намеснік галоўнага ўрача Рэспубліканскага цэнтра гігіены, эпідэміялогіі і грамадскага здароўя Ірына Глінская.

За апошнія дні колькасць выяўленых выпадкаў каронавіруса ў Беларусі стабілізавалася на ўзроўні 700-900 штодня. Паводле слоў Глінскай, ужо назіраецца зніжэнне захворвання ў Віцебскім рэгіёне.

"Мяркуем, што недзе праз месяц, магчыма, да канца гэтага месяца мы выйдзем на ўстойлівае зніжэнне захворвання, і тады ўжо можна будзе казаць пра нейкія наступныя прагнозы", - выказалася Глінская.

Як падкрэсліла медык, прагноз беларускіх спецыялістаў практычна апраўдваецца.

"Мы зрабілі гэты прагноз. Улічвалася эпідэміялагічная мадэль, у яе распрацоўцы ўдзельнічалі розныя спецыялісты.

Таму што гэта стык спецыяльнасцяў - эпідэміёлагаў, вірусолагаў, інфекцыяністаў. Улічваліся зусім розныя параметры: сярэдні інкубацыйны перыяд каронавіруса, розныя мадэлі, як можа развівацца сітуацыя. Безумоўна, прымалі пад увагу і нейкія пэўныя сацыяльныя асаблівасці, разумеючы, што ў тыя ж выхадныя дні рэкамендацыі Міністэрства аховы здароўя па сацыяльным дыстанцыяванні насельніцтва ўсё ж такі не так дакладна выконвае, як у працоўныя дні", - патлумачыла Глінская.

Прагноз з моманту яго стварэння, адзначыла прадстаўнік Рэспубліканскага цэнтра, апраўдваецца амаль у поўнай меры. Толькі ў апошнія паўтара тыдня назіраецца "зрух" на адзін дзень.

Глінская мяркуе, што меры, якія прымаюцца ў Беларусі супраць каронавіруса, эфектыўныя. "Яны працуюць і дазваляюць нам папярэдзіць даволі вялікую колькасць выпадкаў захворвання, не дапусціць іх лавінападобнага росту", - сказала на заканчэнне медык.

Нагадаем, па дадзеных Міністэрства аховы здароўя на 5 мая ў рэспубліцы было зарэгістравана амаль 18,5 тысячы выпадкаў каронавіруса, больш за тры тысячы чалавек ужо паправіліся, 107 - памерлі.

18
Тэги:
каронавірус, Беларусь
Тэмы:
Каронавірус COVID-19 (542)
Расія прапанавала СААЗ восем вакцын ад COVID-19

Расія прапанавала СААЗ восем вакцын ад COVID-19

6
(абноўлена 16:37 28.05.2020)
Прадстаўнік СААЗ у Расіі адзначыла, што тыдзень таму было зарэгістравана 124 патэнцыйныя вакцыны ва ўсім свеце.

МІНСК, 28 мая - Sputnik. Расія прапанавала Сусветнай арганізацыі аховы здароўя (СААЗ) восем вакцын-кандыдатаў ад каронавіруса, заявіла прадстаўнік СААЗ у РФ Меліта Вуйновіч.

"Уклад Расіі вельмі вялікі. Мы маем рэгістрацыю васьмі вакцын-кандыдатаў з розных інстытутаў РФ", - сказала Вуйновіч падчас анлайн-сходу навуковага савета РАН "Навукі аб жыцці" на тэму "Вакцыны да COVID-19: прагнозы і рэальнасць", арганізаванага МІА "Россия сегодня".

Паводле яе слоў, па стане на 22 мая ёсць 124 патэнцыйныя вакцыны-кандыдаты ад вытворцаў, якія апавясцілі СААЗ. Вуйновіч выказала здагадку, што на сённяшні дзень іх можа быць больш. "Але гэта тыя, якія далі нам інфармацыю і прайшлі праз крытэрыі ацэнкі. З іх дзесяць знаходзяцца на стадыі клінічнай ацэнкі, а 114 - на даклінічнай стадыі", - патлумачыла прадстаўнік СААЗ.

Напярэдадні стала вядома, што дзяржаўны навуковы цэнтр вірусалогіі і біятэхналогіі "Вектар" Расспажыўнагляда з 29 чэрвеня прыступіць да клінічных выпрабаванняў вакцыны ад COVID-19.

6
Тэги:
каронавірус, СААЗ, Расія
Тэмы:
Каронавірус COVID-19 (542)
Школьнікі на экзамене, архіўнае фота

Пераможцы 11 міжнародных алімпіяд змогуць паступаць у ВНУ па-за конкурсам

2
(абноўлена 15:11 28.05.2020)
Паступаць без уступных выпрабаванняў змогуць уладальнікі дыпломаў некаторых алімпіяд першай, другой і трэцяй ступеняў.

МІНСК, 28 мая - Sputnik. Пералік міжнародных алімпіяд, пераможцы якіх маюць права на залічэнне без уступных іспытаў у ВНУ Беларусі, устаноўлены Міністэрствам адукацыі.

Штогод Міністэрства адукацыі вызначае сваёй пастановай пералік міжнародных спаборніцтваў школьнікаў, прызёры якіх могуць паступаць у ВНУ без экзаменаў.

Згодна з пастановай Міністэрства адукацыі ад 21 мая 2020 № 98, да такіх алімпіяд сёлета адносяцца:

  • 61-я Міжнародная матэматычная алімпіяда - 2020 год (Расія)
  • 54-я Міжнародная Мендзялееўская алімпіяда школьнікаў па хіміі - 2020 год (Венгрыя)
  • 51-я Міжнародная хімічная алімпіяда - 2020 год (Турцыя)
  • 51-я Міжнародная фізічная алімпіяда - 2020 год (Літва)
  • 32-я Міжнародная алімпіяда па інфарматыцы - 2020 год (Сінгапур)
  • 31-я Міжнародная біялагічная алімпіяда - 2020 год (Японія)
  • 17-я Міжнародная геаграфічная алімпіяда - 2020 год (Турцыя)
  • 9-я Еўрапейская матэматычная алімпіяда для дзяўчат - 2020 год (Нідэрланды)
  • 16-я Міжнародная Жаўтыкаўскай алімпіяды па фізіцы, матэматыцы і інфарматыцы - 2020 год (Казахстан)
  • 14-я Міжнародная алімпіяда па астраноміі і астрафізіцы - 2020 год (Калумбія)
  • Алімпіяда школьнікаў Саюзнай дзяржавы па рускай мове і рускай літаратуры "Расія і Беларусь: гістарычная і духоўная супольнасць" - 2019 год (Расія)

Нагадаем, пераможцы рэспубліканскай алімпіяды таксама маюць права на паступленне па-за конкурсам - калі яны ідуць па тым профілі, па якім атрымалі перамогу на алімпіядзе. Калі ж гэты профіль не з'яўляецца асноўным, то яны атрымліваюць "аўтаматам" па прадмеце 100 балаў у кошт ЦТ.

2
Тэги:
Алімпіяда, Уступная кампанія, паступленне
Тэмы:
Абітурыент - 2020