Самаізаляцыю і прапускны рэжым прадоўжылі ў Маскве да 14 чэрвеня

Самаізаляцыю і прапускны рэжым прадоўжылі ў Маскве да 14 чэрвеня

19
(абноўлена 09:02 28.05.2020)
Аднак з 1 чэрвеня ў расійскай сталіцы пачнецца другі этап змякчэння абмежаванняў, у рамках якога адновяць работу многія прадпрыемствы гандлю і сферы паслуг.

МІНСК, 28 мая - Sputnik. Мэр Масквы Сяргей Сабянін падпісаў указ аб прадаўжэнні ў горадзе самаізаляцыі, прапускнога рэжыму і астатніх абмежавальных мер да 14 чэрвеня, адпаведны дакумент апублікаваны на сайце мэра сталіцы Расіі.

"Забараніць да 14 чэрвеня 2020 года (уключна) правядзенне на тэрыторыі горада Масквы спартыўных, відовішчных, публічных і іншых масавых мерапрыемстваў", - гаворыцца ў дакуменце.

Сабянін падкрэсліў, што яшчэ рана адкрываць тэатры, музеі, цырульні, рэстараны і фітнес-клубы. Заўчасна адмяняць масачны рэжым і сацыяльнае дыстанцыяванне, "адмаўляцца ад выдаленай працы і клікаць у Маскву гасцей".

Другі этап змякчэння

З 1 чэрвеня 2020 года ў Маскве пачнецца другі этап змякчэння абмежаванняў, у рамках якога адновяць работу многія прадпрыемствы гандлю і сферы паслуг, а жыхары горада, хоць і з абмежаваннямі, але змогуць выходзіць на прагулкі і займацца спортам.

Молодой человек во время занятий спортом в районе Строгино в Москве
© Sputnik / Максим Блинов
Малады чалавек падчас заняткаў спортам у раёне Строгіна ў Маскве

За выключэннем "Зараддзя" для вольнага наведвання зноў будуць адкрыты гарадскія паркі і зялёныя тэрыторыі.

"Зразумела, рост колькасці людзей на вуліцах і ў парках павялічвае рызыку інфікавання каронавірусам. Каб гэтага не дапусціць, будзе ўзмоцнены масачны рэжым і ўстаноўлены пэўныя правілы здзяйснення прагулак. Пры гэтым атракцыёны ў парках працаваць не будуць. Дзіцячыя і спартыўныя пляцоўкі таксама пакуль застаюцца зачыненымі", - гаворыцца ў дакуменце.

З 1 чэрвеня будуць зноў адкрыты аўтасалоны і крамы нехарчовых тавараў - ад невялікіх гандлёвых кропак да гіпермаркетаў.

Таксама дазволена аднавіць працу мультысервісаў, прыёмных пунктаў хімчыстак, пральняў, майстэрняў па рамонце абутку і адзення і аказання іншых бытавых паслуг, якія не патрабуюць працяглага кантакту паміж работнікамі і кліентамі.

Курьеры служб доставки в Москве
© Sputnik / Владимир Баранов
Кур"еры службаў дастаўкі ў Маскве

"Дазваляючы працу гандлю і часткі прадпрыемстваў сферы паслуг, я ад усёй душы жадаю падзякаваць работнікам гэтых арганізацый за дысцыпліну і разуменне, з якімі вы перажылі два месяцы зачыненых дзвярэй. Просьба захоўваць дыстанцыйны фармат і далей, бо рэжым абмежавання сацыяльных кантактаў будзе дзейнічаць яшчэ нейкі час, і шматлікім кліентам па-ранейшаму зручней рабіць заказы анлайн", - адзначыў Сабянін.

У поўным аб'ёме з пачатку лета запрацуе гарадскі велапракат. Адзіная ўмова - неабходна карыстацца пальчаткамі або пасля заканчэння пракату дэзінфікаваць руль, ручкі тармазоў і іншыя часткі веласіпеда.

Мужчина с ребенком катаются на самокате в Александровском саду в Москве
© Sputnik / РИА Новости
Мужчына з дзіцем катаюцца на самакаце ў Аляксандраўскім садзе ў Маскве

У свае офісы могуць вярнуцца работнікі архітэктурных і праектных бюро, без якіх немагчыма паўнавартаснае функцыянаванне будаўнічай галіны. "Але тыя работнікі, якія могуць эфектыўна працаваць дома, павінны захаваць гэты фармат", - падкрэсліваецца ў дакуменце.

Вялікі спорт

Выканкам Расійскага футбольнага саюза плануе аднавіць чэмпіянат РПЛ з 21 чэрвеня. Аналагічныя планы паступовага аднаўлення нацыянальных і міжнародных першынстваў абвясцілі і іншыя спартыўныя федэрацыі Расіі.

"Каб спартсмены маглі пачаць падрыхтоўку да спаборніцтваў, з 1 чэрвеня 2020 года мы адкрываем стадыёны і іншыя спартыўныя аб'екты для трэніровак членаў зборных каманд Масквы і Расіі, а таксама гульцоў прафесійных спартыўных клубаў", - паведаміў Сабянін.

Удакладняецца, што пакуль на трэніроўках не змогуць прысутнічаць гледачы і госці. Толькі спартсмены, трэнеры, урачы і іншы неабходны персанал.

19
Тэги:
Масква, каронавірус, Расія
Тэмы:
Каронавірус COVID-19 (638)
Забор тэстаў на COVID

У Беларусі выяўлена амаль 64 тысячы выпадкаў каронавіруса

5
(абноўлена 15:02 06.07.2020)
Колькасць тых, хто паправіўся і выпісаны, па дадзеных на панядзелак, перавысіла 51 тысячу чалавек.

МІНСК, 6 ліп - Sputnik. Колькасць выяўленых выпадкаў каронавіруса ў Беларусі дасягнула 63804, паведамілі ў панядзелак у Міністэрстве аховы здароўя.

Да раніцы панядзелка ў Беларусі праведзена ўжо больш за 1,074 мільёна тэстаў на каронавірус.

Зарэгістравана 63804 пацыента з COVID-19. За суткі колькасць інфіцыраваных вырасла на 250 чалавек - мінімальнае за некалькі месяцаў значэнне.

Паправіліся і выпісаныя ўжо 51120 чалавек, за суткі іх стала больш на 249. Зрэшты, невысокая колькаць выпісаных заўсёды фіксуецца менавіта ў выхадныя дні. Па буднях у апошнія тыдні колькасць здаровых штодня знаходзіцца ў раёне тысячы чалавек.

"За ўвесь перыяд распаўсюджвання інфекцыі на тэрыторыі краіны памерлі 429 пацыентаў з шэрагам хранічных захворванняў з выяўленай каронавіруснай інфекцыяй", - дадалі ў Міністэрстве аховы здароўя.

Такім чынам, за суткі зарэгістравана шэсць новых смяротных вынікаў.

Чытайце таксама:

5
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19 (638)
Супрацоўніца навукова-даследчай лабараторыі

Выпрабаванні магчымых лекаў ад каронавіруса будуць доўжыцца яшчэ два месяцы

2
(абноўлена 10:25 06.07.2020)
Раней рэмдзесівір вырашылі выкарыстаць ад каронавіруса ў ЗША - аднак дадзеныя аб яго эфектыўнасці пакуль супярэчлівыя.

МІНСК, 6 ліп - Sputnik. Вывучэнне эфектыўнасці рэмдзесівіра для пацыентаў з каронавірусам працягнецца яшчэ два месяцы, заявіла галоўны навуковы супрацоўнік СААЗ Сумія Свамінатан.

Расійскі прэпарат Авіфавір
© Photo : Российский фонд прямых инвестиций (РФПИ)

Створаны ў 2015-м рэмдзесівір зараз прапанавалі як адно з магчымых лекаў ад каронавіруса. Яго ўжо ўжываюць у ЗША - FDA выдавала дазвол на выкарыстанне прэпарата "ў экстранных выпадках". Пры гэтым працягваюцца выпрабаванні лекаў.

"Другая фаза пачнецца прыкладна праз пару месяцаў. Завяршэнне першай фазы запатрабуе некаторага часу... Краіны заўсёды могуць апублікаваць экстраныя рэкамендацыі. Але пакуль (ад рэмдзесівіра -Sputnik) няма карысці па зніжэнні смяротнасці. Афіцыйных рэкамендацый СААЗ з нагоды прэпарата пакуль няма", - заявіла РІА "Новости" прадстаўнік СААЗ.

Паводле яе слоў, да завяршэння першай фазы адносяцца тэсты на эфектыўнасць для рэмдзесівіра. СААЗ хутка створыць камітэт, які будзе вызначаць, якія прэпараты змогуць прыняць удзел у другой фазе выпрабаванняў.

Для выпрабаванняў разглядаюцца сёння розныя імунамадулятары, антытромбацытарныя прэпараты і монануклеарныя антыцелы. Больш за ўсё шанцаў сёння, як лічыцца, у прэпаратаў на аснове монануклеарных антыцелаў.

Высноў да канца выпрабаванняў эксперты не робяць. Нагадаем, па выніках тэстаў СААЗ вырашыла адмовіцца ад выкарыстання гідроксілхларахіна, лопінавіра і рытанавіра пры каронавірусе. Раней гэтыя прэпараты актыўна ўжываліся ў многіх краінах, у тым ліку і ў Беларусі.

Колькасць выпадкаў каронавіруса ў свеце на сёння перавышае 11,5 мільёнаў. Спецыфічных лекаў ад COVID-19 пакуль не няма, сітуацыя ўскладняецца і выяўленнем падштамаў віруса. Паралельна вядзецца і распрацоўка вакцыны ад каронавіруса - яе рыхтуюць да выпрабаванняў ці ўжо тэстуюць ў шэрагу краін свету, у тым ліку і ў Расіі.

2
Тэги:
каронавірус
Тэмы:
Каронавірус COVID-19 (638)