Настаўнік у пустым класе

Мінадукацыі растлумачыла, як атэстуюць выпускнікоў з каронавірусам

7
(абноўлена 11:33 28.05.2020)
Здаваць экзамены пазней за іншых, хворым выпускнікам не прыйдзецца - іх атэстуюць па гадавых адзнаках.

МІНСК, 28 мая - Sputnik. Міністэрства адукацыі Беларусі патлумачыла, як будуць атэставаныя хворыя каронавірусам выпускнікі школ.

Навучальны год завяршаецца ў школах Беларусі ўжо заўтра, пры гэтым выніковыя адзнакі выпускнікам дзевятых і адзінаццатых класаў будуць выстаўляцца толькі пасля чэрвеньскіх экзаменаў.

Сярод школьнікаў таксама ёсць хворыя на каронавірус, таму Мінадукацыі вырашыла вызваліць іх ад экзаменаў - гэта прадугледжана пастановай ад 26 мая №101.

Як нагадалі ў ведамстве, цэнтры гігіены і эпідэміялогіі будуць перадаваць аддзелам адукацыі спісы хворых навучэнцаў, а таксама тых, хто знаходзіцца на самаізаляцыі ў перыяд правядзення экзаменаў.

"На падставе атрыманай інфармацыі мясцовыя органы кіравання адукацыяй падрыхтуюць загад аб вызваленні навучэнцаў ад выпускных экзаменаў і аператыўна давядуць яго да ведама ўстаноў агульнай сярэдняй адукацыі. Вучням у дакумент аб адукацыi будуць выстаўлены гадавыя адзнакі", - растлумачылі ў Мінадукацыі.

У міністэрстве дадалі, што для вызвалення ад экзаменаў такіх катэгорый навучэнцаў бацькі павінны будуць толькі напісаць заяву на імя дырэктара ўстановы адукацыі з адпаведнай просьбай.

"Астатнія дзеянні будуць выкананы мясцовымі органамі кіравання адукацыяй. Адміністрацыя школ давядзе да ведама бацькоў неабходную інфармацыю", - падкрэслілі ў Мінадукацыі.

Нагадаем, з-за каронавіруса ў Беларусі было вырашана адмовіцца ад правядзення апошніх званкоў - іх аб'яднаюць з выпускнымі, якія пройдуць у фармаце ўрачыстай выдачы атэстатаў. Таксама паўплывала пандэмія і на ўступную кампанію: цэнтралізаванае тэсціраванне пачнецца на два тыдні пазней, чым павінна было.

7
Тэги:
каронавірус, Экзамены, Мінадукацыі РБ
Тэмы:
Каронавірус COVID-19 (635)
Медыцынскі персанал у чырвонай зоне бальніцы, архіўнае фота

Амаль 63 тысячы хворых: Мінздароўя паказала свежую статыстыку па COVID-19

6
(абноўлена 17:09 03.07.2020)
Па стане на сённяшні дзень паправіліся і выпісаныя каля 50 тысяч чалавек, у якіх раней пацверджаны каронавірус.

МІНСК, 3 ліп - Sputnik. Колькасць тых, хто захварэў на каронавірусную інфекцыю ў Беларусі за ўвесь час складае 62 тысячы 997 чалавек, пра гэта сведчыць статыстыка Міністэрства аховы здароўя Беларусі, апублікаваная ў пятніцу.

Прырост хворых за суткі склаў 299 чалавек.

Паводле статыстыкі ведамства, паправіліся і выпісаныя 49 тысяч 909 пацыентаў, у якіх раней быў пацверджаны дыягназ COVID-19.

У Міністэрстве аховы здароўя ўдакладнілі, што за ўвесь час у Беларусі праведзены адзін мільён 43 тысячы 876 тэстаў.

За ўвесь перыяд распаўсюджвання каронавіруса на тэрыторыі рэспублікі, паводле дадзеных ведамства, памерлі 412 пацыентаў з шэрагам хранічных захворванняў з выяўленых COVID-19.

6
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19 (635)

Шэсце, ускладанне, ветэраны: Дзень Незалежнасці адзначылі ў Мінску - відэа

4
(абноўлена 16:06 03.07.2020)
Урачыстасць стартавала з патрыятычнага шэсця "Беларусь памятае!", у якой прыняў удзел Аляксандр Лукашэнка з сынамі. Як пачалося свята ў Мінску, глядзіце на відэа Sputnik.

Дзень Незалежнасці штогод адзначаецца ў Беларусі 3 ліпеня - у гонар вызвалення Мінска ад нямецка-фашысцкіх захопнікаў у 1944 годзе.

Па ўсёй краіне традыцыйна праходзяць урачыстыя мерапрыемствы, але найбольш значныя і маштабныя з іх праводзяцца ў беларускай сталіцы.

Урачыстасць распачалася на праспекце Незалежнасці з патрыятычнага шэсця "Беларусь памятае!". У ім бралі ўдзел сыны прэзідэнта, чыноўнікі, медыйныя асобы, актывісты і ветэраны. Аляксандр Лукашэнка сустракаў калону на Плошчы Перамогі.

Па традыцыі да падножжа манумента ўсклалі кветкі.

4
Тэги:
Мінск, Дзень Незалежнасці Рэспублікі Беларусь
Прэзідэнт Расіі Уладзімір Пуцін

Папраўкі ў Канстытуцыю Расіі ўвойдуць у сілу 4 ліпеня

0
(абноўлена 17:29 03.07.2020)
Расійскі прэзідэнт заклікаў не страціць каштоўныя прапановы, якія не ўвайшлі ў Канстытуцыю.

МІНСК, 3 ліп - Sputnik. Канстытуцыя Расійскай Федэрацыі з унесенымі ў яе папраўкамі ўвойдзе ў сілу 4 ліпеня. Дату вызначыў прэзідэнт РФ Уладзімір Пуцін сваім указам, які быў апублікаваны ў пятніцу на афіцыйным партале прававой інфармацыі.

Галасаванне па папраўках (было прапанавана 206 паправак) да расійскай Канстытуцыі праходзіла з 25 чэрвеня па 1 ліпеня. Сёння кіраўнік ЦВК РФ Эла Памфілава абвясціла канчатковыя дадзеныя плебісцыту: 77,92% тых, хто прагаласаваў падтрымалі змены, супраць выказаліся 21,27%.

"Папраўкі ў Канстытуцыю Расійскай Федэрацыі (...) ўступаюць моц 4 ліпеня 2020 года", - гаворыцца ў тэксце ўказу.
Расійскі прэзідэнт у ходзе сустрэчы з рабочай групай па падрыхтоўцы паправак у Канстытуцыю падкрэсліў, што "людзі сэрцам адчулі, што тое, што было прапанавана самімі грамадзянамі Расіі, рабочай групай, дэпутатамі парламента, запатрабавана і трэба краіне".

Разам з тым ён звярнуў увагу, што ўсе "ўпакаваць" у канстытуцыю немагчыма, але іншыя каштоўныя прапановы ад людзей павінны быць рэалізаваныя.

"Усе спакаваць у канстытуцыю практычна не магчыма, нерэальна, ды і па сутнасьці не трэба, гэта не канстытуцыйны ўзровень. Але прапановы, якія паступілі ад людзей, якія мы не можам ўлічыць ў канстытуцыі і якія ўяўляюць з сябе безумоўную каштоўнасць для грамадства, гэтыя прапановы, без усялякіх сумневаў, павінны быць рэалізаваныя. альбо ў законах, альбо ў падзаконных актаў", - сказаў Пуцін.

"Галоўнае, каб нам нічога не страціць з таго, што людзі напрацавалі і прапанавалі карыснага для краіны", - дадаў прэзідэнт.

0
Тэги:
Канстытуцыя, Расія