МІНСК, 12 чэр - Sputnik. Больш 52,5 тысяч выпадкаў каронавіруса выяўлена ў Беларусі, паведамілі сёння ў міністэрстве аховы здароўя рэспублікі.
Да раніцы пятніцы ў Беларусі праведзена крыху больш за 697 тысяч тэстаў на каронавірус COVID-19.
Зарэгістравана 52520 чалавек са станоўчым тэстам на каронавірус. За суткі колькасць выяўленых выпадкаў павялічылася на 704 чалавека.
Паправіліся і выпісаныя 27760 пацыентаў - за суткі іх стала больш на 1117.
"За ўвесь перыяд распаўсюджвання інфекцыі на тэрыторыі краіны памерлі 298 пацыентаў з шэрагам хранічных захворванняў з выяўленай каронавіруснай інфекцыяй", - дадалі ў Міністэрстве аховы здароўя.
Колькасць новых смяротных зыходаў за суткі вырасла на пяць.
Нагадаем, што Беларусь з'яўляецца адным з лідараў Еўропы па колькасці выяўленых на мільён насельніцтва выпадкаў каронавіруса. Да ўчорашняга дня краіна была ў топе і па прыросце ў абсалютных лічбах сярод краін кантынента, саступаючы толькі Расіі і Вялікабрытаніі.
Чытайце таксама:
- Мінздароўя адмовілася агучыць колькасць смерцяў ад пнеўманіі ў Беларусі
- Мінздароўя Беларусі не чакае вакцыны ад COVID-19 раней за наступны год
