Таблеткі, архіўнае фота

Мінздароўя растлумачыла, якія лекі атрымаюць бясплатна хворыя на COVID

11
(абноўлена 12:25 17.06.2020)
Кантраляванае лячэнне ў амбулаторных умовах добра зарэкамендавала сябе ў працы з пацыентамі, якія пакутуюць, у тым ліку, на сухоты і вірусныя гепатыты, удакладнілі ў ведамстве.

МІНСК, 17 чэр - Sputnik. Міністэрства аховы здароўя Беларусі пракаментавала пастанову Саўміна, згодна з якой пацыенты з каронавірусам у рэспубліцы маюць права на бясплатныя лекі. Адпаведная інфармацыя размешчана на афіцыйным сайце профільнага ведамства.

Раніцай стала вядома, што каронавірус унесены ў пералік захворванняў, якія даюць права на бясплатнае забеспячэнне лекавымі сродкамі, а таксама лячэбным харчаваннем. Такім правам надзелены пацыенты з COVID-19, згодна з пастановай Савета міністраў Беларусі №344 ад 15 чэрвеня 2020 года.

"У цяперашні час частка пацыентаў з інфекцыяй COVID-19 атрымліваюць лячэнне дома. Да іх адносяцца пацыенты з лёгкімі і сярэднецяжкімі формамі захворвання, у тым ліку няцяжкай пнеўманіяй. У рэспубліцы добра зарэкамендавала сябе такая форма працы з пацыентамі, якія пакутуюць на інфекцыйныя захворванні, напрыклад, на сухоты, вірусныя гепатыты, ВІЧ, як кантраляванае лячэнне ў амбулаторных умовах", - растлумачылі ў прэс-службе Міністэрства аховы здароўя Беларусі.

Так, кантраляванае лячэнне будзе арганізавана ў адпаведнасці з часовымі рэкамендацыямі, якія зацверджаны загадам Міністэрства аховы здароўя №615 "Аб аказанні медыцынскай дапамогі пацыентам з інфекцыяй COVID-19".

"Для больш эфектыўнага лячэння пацыентаў з інфекцыяй COVID-19 у амбулаторных умовах у загадзе вызначаны пералік антыбактэрыйных лекавых сродкаў, якія могуць быць прызначаныя пацыентам з каронавіруснай інфекцыяй пры лячэнні дома і павінны закупляцца за кошт сродкаў мясцовага бюджэту", - растлумачылі ў прэс-службе.

Згодна з загадам Міністэрства аховы здароўя, гаворка пра такія прэпараты, як парацэтамол (яго кошт у аптэках Беларусі - каля 60 капеек за ўпакоўку), дзітраміцын (каля 5 рублёў), амаксіцілін (ад 6,5 рубля), кларытраміцын (каля 10 рублёў), цефураксім аксеціл (замежныя аналагі каштуюць ад 15 рублёў) і левафлаксацын (каля 20 рублёў).

Ведамства ўжо даручыла кіраўнікам арганізацый аховы здароўя прыняць меры для больш хуткага забеспячэння такога лячэння пацыентаў з каронавіруснай інфекцыяй.

11
Тэги:
каронавірус, Міністэрства аховы здароўя Рэспублікі Беларусь
Тэмы:
Каронавірус COVID-19 (635)
Медыцынскі персанал у чырвонай зоне бальніцы, архіўнае фота

Амаль 63 тысячы хворых: Мінздароўя паказала свежую статыстыку па COVID-19

7
(абноўлена 17:09 03.07.2020)
Па стане на сённяшні дзень паправіліся і выпісаныя каля 50 тысяч чалавек, у якіх раней пацверджаны каронавірус.

МІНСК, 3 ліп - Sputnik. Колькасць тых, хто захварэў на каронавірусную інфекцыю ў Беларусі за ўвесь час складае 62 тысячы 997 чалавек, пра гэта сведчыць статыстыка Міністэрства аховы здароўя Беларусі, апублікаваная ў пятніцу.

Прырост хворых за суткі склаў 299 чалавек.

Паводле статыстыкі ведамства, паправіліся і выпісаныя 49 тысяч 909 пацыентаў, у якіх раней быў пацверджаны дыягназ COVID-19.

У Міністэрстве аховы здароўя ўдакладнілі, што за ўвесь час у Беларусі праведзены адзін мільён 43 тысячы 876 тэстаў.

За ўвесь перыяд распаўсюджвання каронавіруса на тэрыторыі рэспублікі, паводле дадзеных ведамства, памерлі 412 пацыентаў з шэрагам хранічных захворванняў з выяўленых COVID-19.

7
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19 (635)

Шэсце, ускладанне, ветэраны: Дзень Незалежнасці адзначылі ў Мінску - відэа

5
(абноўлена 16:06 03.07.2020)
Урачыстасць стартавала з патрыятычнага шэсця "Беларусь памятае!", у якой прыняў удзел Аляксандр Лукашэнка з сынамі. Як пачалося свята ў Мінску, глядзіце на відэа Sputnik.

Дзень Незалежнасці штогод адзначаецца ў Беларусі 3 ліпеня - у гонар вызвалення Мінска ад нямецка-фашысцкіх захопнікаў у 1944 годзе.

Па ўсёй краіне традыцыйна праходзяць урачыстыя мерапрыемствы, але найбольш значныя і маштабныя з іх праводзяцца ў беларускай сталіцы.

Урачыстасць распачалася на праспекце Незалежнасці з патрыятычнага шэсця "Беларусь памятае!". У ім бралі ўдзел сыны прэзідэнта, чыноўнікі, медыйныя асобы, актывісты і ветэраны. Аляксандр Лукашэнка сустракаў калону на Плошчы Перамогі.

Па традыцыі да падножжа манумента ўсклалі кветкі.

5
Тэги:
Мінск, Дзень Незалежнасці Рэспублікі Беларусь
Прэзідэнт Расіі Уладзімір Пуцін

Папраўкі ў Канстытуцыю Расіі ўвойдуць у сілу 4 ліпеня

0
(абноўлена 17:29 03.07.2020)
Расійскі прэзідэнт заклікаў не страціць каштоўныя прапановы, якія не ўвайшлі ў Канстытуцыю.

МІНСК, 3 ліп - Sputnik. Канстытуцыя Расійскай Федэрацыі з унесенымі ў яе папраўкамі ўвойдзе ў сілу 4 ліпеня. Дату вызначыў прэзідэнт РФ Уладзімір Пуцін сваім указам, які быў апублікаваны ў пятніцу на афіцыйным партале прававой інфармацыі.

Галасаванне па папраўках (было прапанавана 206 паправак) да расійскай Канстытуцыі праходзіла з 25 чэрвеня па 1 ліпеня. Сёння кіраўнік ЦВК РФ Эла Памфілава абвясціла канчатковыя дадзеныя плебісцыту: 77,92% тых, хто прагаласаваў падтрымалі змены, супраць выказаліся 21,27%.

"Папраўкі ў Канстытуцыю Расійскай Федэрацыі (...) ўступаюць моц 4 ліпеня 2020 года", - гаворыцца ў тэксце ўказу.
Расійскі прэзідэнт у ходзе сустрэчы з рабочай групай па падрыхтоўцы паправак у Канстытуцыю падкрэсліў, што "людзі сэрцам адчулі, што тое, што было прапанавана самімі грамадзянамі Расіі, рабочай групай, дэпутатамі парламента, запатрабавана і трэба краіне".

Разам з тым ён звярнуў увагу, што ўсе "ўпакаваць" у канстытуцыю немагчыма, але іншыя каштоўныя прапановы ад людзей павінны быць рэалізаваныя.

"Усе спакаваць у канстытуцыю практычна не магчыма, нерэальна, ды і па сутнасьці не трэба, гэта не канстытуцыйны ўзровень. Але прапановы, якія паступілі ад людзей, якія мы не можам ўлічыць ў канстытуцыі і якія ўяўляюць з сябе безумоўную каштоўнасць для грамадства, гэтыя прапановы, без усялякіх сумневаў, павінны быць рэалізаваныя. альбо ў законах, альбо ў падзаконных актаў", - сказаў Пуцін.

"Галоўнае, каб нам нічога не страціць з таго, што людзі напрацавалі і прапанавалі карыснага для краіны", - дадаў прэзідэнт.

0
Тэги:
Канстытуцыя, Расія