Лукашэнка: мы ў шпіталях вучым людзей дыхаць

Лукашэнка: мы ў шпіталях вучым людзей дыхаць

6
(абноўлена 07:03 22.06.2020)
Ва ўмовах распаўсюджвання каронавіруса прэзідэнт Беларусі заклікаў усіх не сядзець на канапе, а займацца спортам і распрацоўваць лёгкія.

МІНСК, 22 чэр - Sputnik. Беларусы, якія займаюцца спортам, лягчэй пераносяць захворванне на каронавірус, заявіў у нядзелю ў Светлагорску прэзідэнт Беларусі Аляксандр Лукашэнка.

У нядзелю беларускі лідар прымаў удзел у адкрыцці рэгулярнага руху электрацягнікоў па маршруце Светлагорск - Жлобін - Мінск і на адной з станцый пагутарыў з мясцовымі жыхарамі.

У першую чаргу ён пацікавіўся пра здароўе мясцовых жыхароў. Пасля таго як усе запэўнілі, што адчуваюць сябе добра, Лукашэнка заклікаў грамадзянаў ні ў якім разе не сядзець на канапе.

"Бяда, мне нават сорамна пра гэта казаць: хварэюць, калі людзі, то мы іх вучым у бальніцы дыхаць. Чаму вучым? Таму, што рухі мала: абленаваліся ўжо - гэта не тое, што раней. У Светлагорску яшчэ, можа, варушацца, а ў Мінску - праблема", - сказаў Лукашэнка ў эфіры АНТ.

Паводле яго слоў, усе праблемы ў беларусаў цяпер - ад недахопу фізічных нагрузак.

"Жывот адгадаваў, цукровы дыябет, і пайшло-паехала. Гэта ж запаленне лёгкіх і вірус гэты, калі цябе падхапіў. Мы ж бачым, што трэба, каб лёгкія былі развітыя, дыхаць. Хто спартыўны - той пераносіць (каронавірус - Sputnik) хутка" , - сказаў Лукашэнка.

Прэзідэнт Беларусі папярэдзіў усіх, хто сабраўся на сустрэчы: калі яны не будуць займацца, дыхаць - атрафуюцца лёгкія, і каронавірус атакуе.

Па стане на 21 чэрвеня ў Беларусі, паводле звестак Міністэрства аховы здароўя, зарэгістравана 58,5 тысячы выпадкі каронавіруса. Паправіліся і выпісаныя ўжо 37666 пацыентаў, памерлі 346 чалавек.

6
Тэги:
каронавірус, Аляксандр Лукашэнка
У студэнцкай вёсцы

Прэзідэнт даручыў пабудаваць чатыры новыя інтэрнаты ВНУ

9
(абноўлена 17:26 06.07.2020)
Гаворка ідзе пра ўзвядзенне новых інтэрнатаў для шэрагу сталічных універсітэтаў - ад БДУІР да БДУФК.

МІНСК, 6 ліп - Sputnik. Прэзідэнт Беларусі Аляксандр Лукашэнка сваім распараджэннем ад 2 лiпеня 2020 г. № 121рп даручыў пабудаваць новыя інтэрнаты для шэрагу ВНУ, паведамілі на Нацыянальным прававым інтэрнэт-партале.
Пабудаваць новыя інтэрнаты для сталічных ВНУ павінны да 2024 года.

Як паведамляюць у НЦПІ, гаворка ідзе пра інтэрнат на 1030 месцаў - яго падзеляць студэнты Беларускага дзяржаўнага ўніверсітэта інфарматыкі і радыёэлектронікі (БДУІР) і Беларускага дзяржаўнага медыцынскага ўніверсітэта (БДМУ).

Акрамя таго, новы інтэрнат пабудуюць для Беларускага нацыянальнага тэхнічнага ўніверсітэта (БНТУ) і Беларускага дзяржаўнага тэхналагічнага ўніверсітэта (БДТУ), абодва - на 1030 месцаў.

Таксама на 700 месцаў плануецца пабудаваць інтэрнат для Беларускага дзяржаўнага ўніверсітэта фізічнай культуры (БДУФК).

Да 2024 года плануюць таксама ўзвесці навучальны корпус практыка-арыентаванага навучання для БДМУ.
"Дакументам вызначаны генеральныя праектныя і падрадныя арганізацыі па будаўніцтве гэтых аб'ектаў, а таксама парадак прадастаўлення і пагашэння крэдытаў на названыя мэты", - паведамілі ў НЦПІ.

Дзе будуць пабудаваны новыя інтэрнаты, пакуль не вядома.

Нагадаем, кіраўнік дзяржавы раней паставіў задачу забяспечыць усіх студэнтаў ВНУ магчымасцю пражываць у інтэрнатах. Сёння праблема з колькасцю месцаў ёсць толькі ў мінскіх універсітэтах, у рэгіёнах недахопу інтэрнатаў няма.

9
Тэги:
ВНУ, Беларусь, Аляксандр Лукашэнка
Геафак БДУ

У БДУ створаны новы інстытут

6
(абноўлена 17:55 06.07.2020)
Інстытут дадатковай адукацыі створаны шляхам зліцця некалькіх структур, якія ўжо існавалі ў структуры ВНУ.

МІНСК, 6 ліп - Sputnik. Інстытут дадатковай адукацыі створаны ў Белдзяржуніверсітэце, паведамілі Sputnik у прэс-службе ВНУ.

Новы інстытут стане каардынацыйным цэнтрам у сферы допобразования дарослых і давузаўскай падрыхтоўкі.
Інстытут дадатковай адукацыі ўтвораны з факультэта даўніверсітэцкай адукацыі замежных грамадзян, факультэта павышэння кваліфікацыі перападрыхтоўкі і навучальнага цэнтра даўніверсітэцкай адукацыі.

Такім чынам у БДУ здзейснілі аптымізацыю навукова-метадычных і адміністрацыйных працэсаў, знізілі ўзровень унутранай канкурэнцыі ў ВНУ і павялічылі аб'ём паслуг, а таксама ўмацавалі матэрыяльна-тэхнічную базу.
Кіраваць новым інстытутам будзе Павел Навойчык.

Сёння ў БДУ працуе амаль тры дзясяткі факультэтаў, крыху менш за дзве сотні кафедраў, 13 навуковых цэнтраў. Вядучая ВНУ краіны традыцыйна займае высокія месцы ў міжнародных рэйтынгах - так, у апошнім пераліку QS ён апярэдзіў усе універсітэты Літвы, Латвіі, Польшчы і Украіны.

6
Тэги:
БДУ
Які сёння дзень: 7 ліпеня 2020 года

Які сёння дзень: 7 ліпеня 2020 года

0
(абноўлена 07:39 06.07.2020)
Гэты дзень з'яўляецца сто восемдзесят дзявятым па грыгарыянскім календары, да канца года засталося 177 дзён.

У гэты дзень святкуецца Купалле. Якія яшчэ падзеі адбыліся 7 ліпеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 7 ліпеня

  • У 1864 годзе была адкрыта Маладзечанская настаўніцкая семінарыя.
  • У 1992 годзе Беларусь усталявала дыпламатычныя адносіны з Уругваем.
  • У 2007 годзе была афіцыйна зарэгістравана Віцебская аматарская астранамічная абсерваторыя.

Хто нарадзіўся 7 ліпеня

  • 1796: Ян Чачот, беларускі і польскі паэт.
  • 1882: Янка Купала, класік беларускай літаратуры.

Таксама сёння нарадзіліся аўстрыйскі дырыжор і кампазітар Густаў Малер і французскі мадэльер П'ер Кардэн.

7 ліпеня ў народным календары

Сёння праваслаўныя вернікі святкуюць дзень нараджэянна Іаана Хрысціцеля. У народным календары гэты дзень вядомы як Іван Купала – працягваецца святкаванне Купалля, якое пачалося ў ноч з 6 на 7 ліпеня.

Раніцай 7 ліпеня дзяўчыны хадзілі ўмывацца расой, таму што лічылася, што так атрымаецца захаваць прыгажосць. Таксама купаліся ў рацэ, каб змыць усё дрэннае і пазбавіцца ад нядугаў.

Калі на Івана Купалу шоў дождж, гэта значыла, што праз тыдзень настане цёплае і яснае надвор'е. Калі на небе шмат зорак, будзе добры ўраджай грыбоў, а вось навальніца сведчыла пра дрэнны ўраджай лясных арэхаў.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей