Пакупнік у прадуктовай краме

МАРГ растлумачыў прадаўцам меры засцярогі для абароны ад COVID-19

6
(абноўлена 10:26 23.06.2020)
У ведамстве ўдакладнілі, як выкарыстоўваць і ўтылізаваць пальчаткі з маскамі, а таксама расказалі, каго цяпер нельга дапускаць да працы.

МІНСК, 23 чэр - Sputnik. Міністэрства антыманапольнага рэгулявання і гандлю (МАРГ) апублікавала на сваім сайце растлумачэнне да рэкамендацый па мінімізацыі рызык COVID-19.

У паведамленни даюцца щдакладненни ад Міністэрства прыродных рэсурсаў і аховы навакольнага асяроддзя Рэспублікі Беларусь, Міністэрства аховы здароўя Рэспублікі Беларусь і Міністэрства працы і сацыяльнай абароны Рэспублікі Беларусь па ўказаных пытаннях.

Як выкарыстоўваць

Шматразовыя маскі неабходна мяняць кожныя дзве гадзіны. Калі яны намоклі (завільгатнеліся), - то раней.
У хатніх умовах маску можна прадэзінфікаваць наступным спосабам - памыць з мылам (асобна ад іншых рэчаў), добра прапарыць і прагладзіць да поўнага высыхання. Пры арганізацыі цэнтралізаванай дэзінфекцыі масак дазволена іх кіпяціць або выкарыстоўваць дэзінфікуючыя сродкі.

Аднаразовыя пальчаткі неабходна мяняць кожны дзве гадзіны апрацоўваючы рукі антысептычным сродкам.

Куды выкідаць

Аднаразовыя пальчаткі і медыцынскія маскі могуць быць аднесены да пазіцыі "Іншыя адходы жыццядзейнасці насельніцтва і падобныя ім адходы вытворчасці, якія не ўвайшлі ў групу 2" (код 9.129.900) альбо іншай падыходнай пазіцыі класіфікатара.

Утылізаваць іх неабходна ў аб'ектах па выкарыстанні і аб'ектах абясшкоджвання адходаў. Іх пералік размешчаны на афіцыйным сайце Мінпрыроды ў раздзеле "Рэестры аб'ектаў".

Пры адсутнасці магчымасці выкарыстання і (або) абясшкоджвання адходаў варта звяртацца ў адпаведны тэрытарыяльны орган Мінпрыроды для атрымання дазволу на захоўванне і захаванне адходаў.

Хто не зможа працаваць

Калі ў працаўніка відавочна выяўленыя прыкметы рэспіраторнай інфекцыі (кашаль, чханне, падвышаная тэмпература цела), наймальнік абавязаны адхіліць такога работніка ад працы ва ўстаноўленым заканадаўствам парадку і рэкамендаваць звярнуцца ва ўстанову аховы здароўя. Ён павінен застацца дома, выклікаць урача, скараціць кантакты з навакольнымі, прытрымлівацца рэкамендацый урача.

Пры выяўленні сярод работнікаў выпадкаў інфекцыі COVID-19 - неабходна выканаць дадатковыя санітарна-супрацьэпідэмічных мерапрыемстваў, рэкамендаваныя тэрытарыяльным цэнтрам гігіены і эпідэміялогіі.

На фоне распаўсюджвання каронавіруса ўлады далі гандлёвых кропках шэраг рэкамендацый. Іх супрацоўнікі абавязаны мець сродкі індывідуальнай абароны і антысептыкі, а адлегласць паміж пакупнікамі ў крамах павінна быць не менш за метр.

У Беларусі па стане на панядзелак 22 чэрвеня колькасць выпадкаў заражэння каронавірусам перавысіла 59 тысяч, паправіліся і выпісаныя 37923 пацыента, памёр 351 чалавек.

6
Тэги:
каронавірус, Міністэрства антыманапольнага рэгулявання і гандлю Беларусі (МАРГ)
Тэмы:
Каронавірус COVID-19 (1061)
Лячэнне пацыентаў c COVID-19

Апублікавана свежая статыстыка па каронавірусе: за суткі 1 191 хворы

6
(абноўлена 16:36 25.02.2021)
За ўвесь перыяд пандэміі ў Беларусі памерлі амаль дзве тысячы чалавек з выяўленай каронавіруснай інфекцыяй.

МІНСК, 25 лют – Sputnik. За мінулыя суткі ў Беларусі зарэгістраваны 1 191 пацыент з каронавіруснай інфекцыяй - на 88 чалавек менш, чым на дзень раней, паведаміла прэс-служба Міністэрства аховы здароўя рэспублікі.

Па звестках ведамства, за мінулыя 24 гадзіны выпісаны 1 413 пацыентаў, якія ачунялі ад каронавіруса.

"Усяго, ад пачатку пандэміі, у Беларусі былі зарэгістраваны 282 898 чалавек са станоўчым тэстам на каронавірус. Паправіліся 273 146 пацыентаў, у якіх раней быў пацверджаны дыягназ COVID-19", - гаворыцца ў паведамленні.

За ўвесь час распаўсюджвання інфекцыі памерлі 1 948 пацыентаў (плюс дзевяць смярцей за апошнія суткі).

Усяго ў краіне праведзена амаль пяць мільёнаў тэстаў на COVID-19, за мінулыя 24 гадзіны - больш за 17 тысяч ПЦР-даследаванняў.

Вакцынацыя ад каронавіруса

Прышчапляць ад каронавіруса ў рэспубліцы пачалі 29 снежня: першыя ўколы расійскага прэпарата "Спутник V" былі зроблены медработнікам 5-й гарадской клінічнай паліклінікі. Масавая вакцынацыя персаналу бальніц і паліклінік, якія знаходзяцца ў зоне рызыкі, стартавала ў краіне 19 студзеня.

На мінулым тыдні ў краіне адкрыўся папярэдні запіс на прышчэпку супраць каронавіруса. Плануецца, што ўсеагульная масавая вакцынацыя пачнецца ў канцы сакавіка. Прыкладна ў сакавіку-красавіку ў краіне таксама запрацуе вытворчасць вакцыны ад каронавіруса "Спутник V". Беларусь плануе штомесяц выпускаць па 500 тысяч доз расійскага прэпарата.

Раней прэзідэнт Беларусі Аляксандр Лукашэнка паведаміў, што беларуская вакцына будзе гатова да восені.

Вынікі падводзіць пакуль рана

Міністр аховы здароўя Дзмітрый Піневіч раней заявіў, што канчатковыя вынікі па барацьбе з пандэміяй будуць падведзены пасля завяршэння эпідэмічнага сезона, і казаць пра гэта пакуль рана, паколькі ў рэспубліцы цяпер фіксуецца толькі другая хваля. Паводле яго слоў, можа быць і трэцяя, але з менш інтэнсіўным перыядам уздыму. Як патлумачыў Піневіч, многае будзе залежаць ад новых штамаў.

Чытайце таксама:

6
Тэги:
Міністэрства аховы здароўя, Беларусь, Статыстыка, каронавірус
Тэмы:
Каронавірус COVID-19 (1061)
Машына ДАІ

Калі пачнуць прыходзіць "лісты шчасця" за тэхагляд, распавялі ў ДАІ

10
(абноўлена 14:40 25.02.2021)
Магчымасць фіксаваць адсутнасць тэхагляду і адпраўляць штраф па пошце прадугледжвае абноўлены адміністрацыйны кодэкс, папраўкі ў які ўступяць у сілу з 1 сакавіка.

ГРОДНА, 25 лют – Sputnik. Ці будуць вадзіцелі з 1 сакавіка атрымліваць "лісты шчасця" за адсутнасць тэхагляду, распавялі ў ДАІ Гродна, аказалася, гэтае пытанне выклікала хваляванні ў шматлікіх кіроўцаў.

Інфармацыя пра тое, што з 1 сакавіка ўступаюць у сілу папраўкі ў Кодэкс аб адміністрацыйных правапарушэннях, прымусіла хвалявацца многіх вадзіцеляў. Прычына ў тым, што па новым кодэксе кіроўцаў могуць аштрафаваць за адсутнасць тэхагляду або праезд на чырвонае святло святлафора не толькі інспектары ДАІ, але і з дапамогай камер, якія працуюць у аўтаматычным рэжыме. Гэта значыць, што можна атрымаць "ліст шчасця" не толькі за перавышэнне хуткасці або няправільную паркоўку, але і за адсутнасць тэхагляду.

Як патлумачылі ў прэс-службе ДАІ УУС Гродзенскага аблвыканкама, з 1 сакавіка 2021 года сапраўды ўступаюць у сілу змяненні ў кодэксы. Пасля гэтага толькі адкрываецца прававая магчымасць прыцягнення да адказнасці з дапамогай камер, якія працуюць у аўтаматычным рэжыме, за такія парушэнні, як праезд на чырвоны сігнал святлафора, а таксама машын з не пройдзеным тэхаглядам.

"Аднак з тэхнічнага пункта гледжання ў бліжэйшай перспектыве гэта немагчыма, больш за тое на сённяшні дзень Дзяржаўтаінспекцыяй пытанне аператыўнай рэалізацыі такіх магчымасцей не ставіцца", - адзначаюць у прэс-службе ведамства.

За першыя паўтара месяца 2021 года тэхагляд прайшлі больш як 44 тысяч транспартных сродкаў - на 30% больш, чым за такі ж перыяд 2020-га. Нагадаем, з 1 студзеня ўлады адвязалі дзяржпошліну ад тэхагляду, і кіроўцы пачалі актыўна праходзіць працэдуру допуску да дарожнага руху.

Чытайце таксама:

10
Тэги:
кодэкс, пошта, ДАІ, тэхагляд, лісты