Партыя гуманітарнага груза прыбыла ў Беларусь з Катара

Партыя гуманітарнага груза прыбыла ў Беларусь з Катара

9
(абноўлена 09:14 26.06.2020)
Распараджэнне аб адпраўцы ў Беларусь гуманітарнай дапамогі даў асабіста эмір - шэйх Тамім бін Хамад Аль Тані.

МІНСК, 26 чэр - Sputnik. Партыя гуманітарнага грузу медыцынскага прызначэння прыбыла ў Беларусь з Катара, паведамілі ў прэс-службе Міністэрства аховы здароўя рэспублікі.

Самалёт з сярэднещсходняга эмірата прыбыў у беларускую сталіцу ў чацвер, 25 чэрвеня, сустракаць борт у аэрапорт прыбыў часовы павераны ў справах Катара Аль-Аттыя Мешааль.

"Беларусь - дружалюбная краіна, якую важна падтрымаць у цяжкія для ўсяго свету часы. На борце шмат таго, што будзе карысным для медперсаналу Беларусі. Для нас важна быць побач з дружалюбнымі нам краінамі, калі яны ў бядзе", - сказаў ён.

Мешааль таксама адзначыў, што распараджэнне аб адпраўцы ў Беларусь гуманітарнай дапамогі даў асабіста эмір - шэйх Тамім бін Хамад Аль Тані.

Паводле слоў намесніка міністра аховы здароўя Барыса Андрасюка, самалёт даставіў у Беларусь сродкі індывідуальнай абароны - рэспіратары, маскі, бахілы, ахоўныя камбінезоны і хірургічныя халаты.

Гэта ўжо трэцяя партыя гумдапамогі за тыдзень: 22 чэрвеня ў Мінск прыляцелі два самалёты з Сербіі з апаратамі ШВЛ, дыягнастычным абсталяваннем і СІА. У панядзелак у Беларусь таксама быў дастаўлены гуманітарны груз для процідзеяння COVID-19 па лініі Сусветнай арганізацыі.

9
Тэги:
Катар, Беларусь
Канстытуцыя Рэспублікі Беларусь

Галоўчанка прадставіць канстытуцыйны законапраект у парламенце ў пятніцу

0
(абноўлена 14:48 23.06.2021)
Палата прадстаўнікоў у дзень закрыцця вясновай сесіі 25 чэрвеня разгледзіць папраўкі ў Канстытуцыю ў першым чытанні. Нарматыўны акт прадугледжвае ўвядзенне адзінага дня галасавання. У выпадку яго прыняцця выбары дэпутатаў усіх узроўняў і сенатараў будуць сумешчаны.

МІНСК, 23 чэр – Sputnik. Дэпутаты плануюць прыняць у пятніцу ў першым чытанні праект закона аб змене Канстытуцыі Беларусі. Прадставіць дакумент у Авальнай зале прэм'ер-міністр рэспублікі Раман Галоўчанка, паведамілі карэспандэнту Sputnik у прэс-службе Палаты прадстаўнікоў.

Для распрацоўкі канстытуцыйных паправак у ніжняй палаце парламента была створана часовая спецыяльная камісія, удакладнілі ў прэс-службе. Туды ўвайшлі дэпутаты, якія працуюць у Канстытуцыйнай камісіі, што рыхтуе асноўны блок змяненняў у галоўны закон краіны для прыняцця на рэспубліканскім рэферэндуме.

У гэты ж дзень у Авальнай зале адбудзецца закрыццё вясновай парламенцкай сесіі, а таксама прагучаць адказы ўрада на пытанні дэпутатаў і сенатараў.

Абмяркоўвацца будуць праблемы транспартнай галіны, будаўнічага комплексу і жыллёва-камунальнай гаспадаркі. Плануецца, што з асноўным дакладам выступіць віцэ-прэм'ер Анатоль Сівак.

Аб адзіным дне галасавання

У выпадку прыняцця канстытуцыйных паправак выбары ў мясцовыя саветы дэпутатаў, якія павінны прайсці не пазней за 18 студзеня наступнага года, будуць перанесены на 2023 год і сумешчаны з парламенцкімі. Прычым у адзін дзень будуць абірацца як дэпутаты Палаты прадстаўнікоў, так і члены Савета Рэспублікі.

Нагадаем, што сенатараў у Беларусі выбіраюць дэпутаты мясцовага ўзроўню на пасяджэннях.

Як паведаміла раней Sputnik старшыня Цэнтрвыбаркама Лідзія Ярмошына, арганізаваць усё гэта тэхнічна нескладана. Справа ў тым, што склад верхняй палаты парламента фарміруюць дэпутаты мясцовых саветаў адыходзячага склікання.

У адзіны дзень галасавання іх паўнамоцтвы яшчэ захоўваюцца - яны застаюцца да правядзення першай установачнай сесіі. Таму ўсё адбудзецца ў адну нядзелю, канстатавала Ярмошына.

Асноўны блок паправак у Канстытуцыю

Праект новага Асноўнага закона будзе вынесены на рэспубліканскі рэферэндум у лютым 2022 года. Над ім зараз працуе Канстытуцыйная камісія, у склад якой уваходзяць 36 чалавек.

Чарговае яе пасяджэнне адбудзецца 24 чэрвеня. Пра гэта паведаміў карэспандэнту Sputnik у сераду член камісіі, кіраўнік "Круглага стала дэмакратычных сіл" Юрый Васкрасенскі.

"Спецыялісты на гэты раз будуць разглядаць прэамбулу і першы раздзел галоўнага закона краіны - "Асновы канстытуцыйнага ладу", - распавёў Васкрасенскі.

У ім ідзе гаворка пра правы, свабоды і гарантыі грамадзян, асновы дэмакратыі, ролю палітычных партый і аб'яднанняў, віды ўласнасці, рэлігіі, дзяржаўныя сімвалы і мовы.

Чакаецца, што ў цэлым Канстытуцыя зведае істотныя змены. Плануецца пашырыць ролю парламента і абмежаваць заканадаўчую функцыю прэзідэнта.

Акрамя таго, частка адказнасці кіраўніка дзяржавы можа перайсці да ўрада. Напрыклад, прапануецца пашырыць паўнамоцтвы прэм'ер-міністра, узмацніўшы яго ролю ў фарміраванні Саўміна.

Усебеларускі народны сход можа атрымаць канстытуцыйны статус. Ён стане вышэйшым прадстаўнічым органам народаўладдзя, а выбіраць яго дэлегатаў будуць па такім жа механізме, як дэпутатаў парламента.

Канстытуцыйная камісія павінна падрыхтаваць усе папраўкі да першага жніўня гэтага года. Затым праект будзе вынесены на грамадскае абмеркаванне і апублікаваны ў сродках масавай інфармацыі.

У выбарчых бюлетэнях на рэспубліканскім рэферэндуме ўвесь блок карэкціровак будзе пазначаны ў адным пытанні.

Чытайце таксама:

0
Тэги:
Беларусь, Выбары, Галасаванне, Палата прадстаўнікоў Нацыянальнага Схода РБ, Парламент, Канстытуцыя, законапраект, Раман Галоўчанка

У Наваполацку ўзвялі пантонны мост відэа

7
(абноўлена 16:11 22.06.2021)
Калі мост праз Заходнюю Дзвіну зачынілі на рамонт, жыццё горада фактычна спынілася: адлегласць да цэнтра Наваполацка для жыхароў некаторых раёнаў павялічылася ў 10 разоў.

Пантонны 130-метровы мост праз Заходнюю Дзвіну ўсталявалі ў Наваполацку, узвядзеннем канструкцыі займаліся работнікі Пінскага цэнтра рэспубліканскага атрада спецыяльнага прызначэння "ЗУБР" МНС Беларусі.

За суткі ратавальнікі ўстанавілі 20 пантонаў, вагой у сем тон кожны. Па дадзеных прэс-службы МНС, ва ўзвядзенні маста было задзейнічана 30 чалавек, 18 машын пантонна-маставога парку і цягач ЗІЛ-131 з катэрам БМК 150.

Акрамя таго, дарожныя службы працуюць над добраўпарадкаваннем пад'язных шляхоў.

18 чэрвеня адзіны ў Наваполацку мост праз Заходнюю Дзвіну зачынілі на рэканструкцыю. Мост быў пабудаваны ў 1962 годзе і ўжо двойчы рамантаваўся - у 2000-м і 2018-м.

Глядзіце на відэа, як выратавальнікі ўзводзілі мост у Наваполацку.

Глядзіце таксама:

7
Тэги:
жыхар, відэа, мост, Наваполацк