Добраахвотніку ўводзяць вакцыну ад COVID-19

Урачы распавялі пра здароўе добраахвотнікаў, што тэсціруюць вакцыну ад COVID

20
(абноўлена 09:46 29.06.2020)
Першая група добраахвотнікаў з 18 чалавек атрымала вакцыну яшчэ 18 чэрвеня, праз пяць дзён вакцына была ўведзена яшчэ 20 добраахвотнікам.

МІНСК, 29 чэр - Sputnik. Самаадчуванне добраахвотнікаў, на якіх тэсціруюць расійскую вакцыну ад каронавіруса, добрае, сур'ёзных скаргаў няма, гаворыцца ў матэрыяле расійскага ваеннага выдання "Красная звезда".

"Мы рэгулярна праводзім медыцынскі агляд добраахвотнікаў першай і другой груп, якія атрымалі вакцыну супраць каронавіруса COVID-19. Самаадчуванне іх добрае, актыўных скаргаў няма", - прыводзяцца ў газеце словы анестэзіёлага-рэаніматолага філіяла шпіталя імя Бурдэнкі Алега Чыхляева.

Паводле яго слоў, тэмпература, артэрыяльны ціск, пульс, частата дыхання добраахвотнікаў знаходзяцца ў межах нормы. Якіх-небудзь непажаданых з'яў пасля ўвядзення вакцыны ў іх адзначана не было.

Мяркуецца, што ў далейшым добраахвотнікам будуць рабіць агульныя клінічныя і біяхімічныя аналізы крыві, а таксама правяраць на наяўнасць імунітэта да каронавіруса.

У артыкуле таксама прыводзяцца і водгукі двух добраахвотнікаў. Па іх словах, іх самаадчуванне пасля вакцынацыі не змянілася.

Першая група добраахвотнікаў - 18 чалавек - атрымала вакцыну 18 чэрвеня. Праз пяць дзён вакцына была ўведзена яшчэ 20 добраахвотнікам. Раней паведамлялася, што ў выпрабаванні вакцыны прымаюць удзел як вайскоўцы, так і грамадзянскія асобы. Суадносіны удзельнікаў, а таксама колькасныя і якасныя параметры выбаркі добраахвотнікаў былі ўзгодненыя з расійскім Міністэрствам аховы здароўя.

Клінічныя даследаванні плануецца завяршыць да канца ліпеня.

Нагадаем, выпрабаванні расійскай камбінаванай вектарнай вакцыны, прызначанай для прафілактыкі каронавіруснай інфекцыі COVID-19, праводзяцца сумесна Мінабароны Расіі і НДЦ эпідэміялогіі і мікрабіялогіі імя Н.Ф. Гамалеі. Раней было заяўлена, што вакцына дазволіць абараніцьчалавека, які атрымаў яе, на тэрмін больш за два гады.

20
Тэги:
каронавірус, Вакцынацыя, Расія
Тэмы:
Каронавірус COVID-19 (1184)
Пасол Расіі ў Беларусі Яўген Лук'янаў

Пасол Лук'янаў: Беларусь і Расія павінны абараняць свае гістарычныя перамогі

5
(абноўлена 13:38 12.06.2021)
Кіраўнік расійскай дыпмісіі прыняў удзел у цырымоніі размяшчэння ў крыпце Усіхсвяцкага храма ў Мінску капсулы з зямлёй з месцаў гібелі беларусаў у Крымскай вайне.

МІНСК, 12 чэр – Sputnik. Надзвычайны і паўнамоцны пасол Расіі ў Беларусі Яўген Лук'янаў заявіў пра важнасць захавання гістарычнай праўды.

"Мы павінны ведаць і памятаць нашу гісторыю, і да таго часу, пакуль мы яе памятаем, у нас ёсць будучыня", - падкрэсліў пасол на цырымоніі ва Усіхсвяцкім храме ў Мінску.

Кіраўнік расійскай дыпмісіі ў Мінску сёння прыняў удзел у цырымоніі размяшчэння ў крыпце Усіхсвяцкага храма капсулы з зямлёй беларусаў, якія загінулі ў час Крымскай вайны 1853-1856 гадоў.

"Тое, што гэта падзея супала з Днём Расіі, лішні раз пацвярджае пераемнасць гісторыі", - сказаў ён.

Расійскі дыпламат таксама адзначыў, што дзве краіны - Беларусь і Расія - павінны ўмець абараняць гістарычную памяць.

"Мы павінны абараняць нашу гістарычную памяць, нашу праўду, не замоўчваць нашы паражэнні, выпраўляць іх і нікому не дазваляць запляміць або замараць, або так скажам, "зафоташопіць" нашы перамогі", - падкрэсліў пасол.

Сцяг над Рэйхстагам быў чырвонага колеру, і толькі палітычныя дальтонікі не могуць гэта разглядзець, падкрэсліў дыпламат. "Мы, і расіяне, і беларусы, ад гэтага захворвання не пакутуем", сказаў пасол.

Падалтарная Крыпта, у якой знаходзяцца астанкі воінаў, беларусаў, якія загінулі ў бітвах трох войнаў - Айчыннай 1812, Першай сусветнай і Вялікай Айчыннай вайны 1941-1945 гадоў, не мае аналагаў у свеце. Першыя астанкі воінаў былі пахаваны тут у 2010 годзе. З сённяшняга дня ў ёй будзе знаходзіцца зямля з Севастопаля, дзе ў 1853-1856 годзе загінулі беларусы, якія ваявалі ў тых бітвах. Напярэдадні яе даставілі з гэтага гераічнага горада. Як растлумачылі Sputnik ва Усіхсвяцкім храме, цяпер царква будзе маліцца за гэтых воінаў "вякі вечныя".

У мерапрыемстве, акрамя прадстаўнікоў расійскага пасольства, прынялі ўдзел ветэраны, а таксама беларусы Крыма.

Чытайце таксама:

5
Тэги:
Крымская вайна, беларусы, Мінск, Усіхсвяцкі храм, дыпмісія, кіраўнік, перамога, Расія, Беларусь, Яўген Лук'янаў, пасол
Тэмы:
Саюзная дзяржава Беларусі і Расіі

Беларусы пра Расію: што жыхары Мінска думаюць пра краіну-суседку - відэа

11
(абноўлена 12:54 12.06.2021)
Сёння адзначаецца Дзень шматнацыянальнай Расіі. Напярэдадні свята Sputnik Беларусь выйшаў на вуліцы Мінска, каб даведацца ў жыхароў сталіцы, якое іх меркаванне аб Расійскай Федэрацыі. Глядзіце на відэа, што адказалі гараджане і што яны пажадалі краіне-суседцы.

12 чэрвеня ў Расійскай Федэрацыі адзначаецца адно з самых маладых дзяржаўных свят - Дзень Расіі. Па традыцыі ў гэты дзень у Расіі праходзяць масавыя народныя гулянні, спартыўныя мерапрыемствы і канцэрты.

Святочнай датай 12 чэрвеня стала ў 1992 годзе. Вярхоўны савет Расійскай Федэрацыі выдаў пастанову аб прысваенні даце прыняцця Дэкларацыі аб дзяржаўным суверэнітэце Расійскай Федэрацыі статусу святочнага непрацоўнага дня. У 1998-м свята атрымала сваю сучасную назву.

Якія асацыяцыі ў беларусаў выклікае Расія і што жадаюць краіне-суседцы і яе жыхарам у Дзень шматнацыянальнай Расіі? З такімі пытаннямі Sputnik адправіўся на вуліцы Мінска.

Глядзіце на відэа, што беларусы думаюць пра Расію і чаго жадаюць краіне і яе жыхарам у Дзень Расіі.

Чытайце таксама:

11
Тэги:
відэа, Расійская Федэрацыя, сталіца, Sputnik Беларусь, свята, Дзень шматнацыянальнай Расіі, Дзень Расіі, краіна, Мінск, жыхар, беларусы
Тэмы:
Саюзная дзяржава Беларусі і Расіі