Прэзідэнт Беларусі Аляксандр Лукашэнка

Лукашэнка: беларускі народ паставіў у гады вайны свабоду вышэй за жыццё

67
(абноўлена 11:17 03.07.2020)
У беларускай сталіцы праходзяць урачыстасці, звязаныя са святкаваннем Дня Незалежнасці рэспублікі.

МІНСК, 3 ліп - Sputnik. Прэзідэнт Беларусі Аляксандр Лукашэнка звярнуўся да беларускага народу і гасцей сталіцы на Плошчы Перамогі.

Сёння - у дзень вызвалення Мінска ад нямецка-фашысцкіх захопнікаў - Беларусь адзначае Дзень Незалежнасці.

Зварот прэзідэнта з нагоды свята

Беларускі народ ніколі нікога не занявольвае, сказаў прэзідэнт Беларусі Аляксандр Лукашэнка, перадае карэспандэнт Sputnik.

Паводле яго слоў, у гады вайны беларускі народ зрабіў гістарычны выбар і паставіў сваю свабоду вышэй за сваё жыццё.

"Іншага выбару і быць не магло ў нашчадкаў старажытнага славянскага народа. Моцнага, гордага і незалежнага. Народа, які ніколі і нікога не занявольвае. Народа, які сам ніколі не быў рабом", - сказаў прэзідэнт.

Менавіта таму, паводле слоў Лукашэнкі, на беларускай зямлі ішла барацьба з захопнікамі, а мільёны людзей осознано ішлі на смерць, не жадаючы служыць нацыстам.

"Толькі ў шэрагах мінскага падполля загінулі 100 тысяч чалавек. Сотні герояў былі закатаваныя ў падвалах СД і павешаны", - нагадаў кіраўнік дзяржавы.

"Мы не знойдзем у Еўропе другі такі горад, у якім ва ўмовах жорсткага акупацыйнага рэжыму дзейнічаў такі масавы рух супраціўлення", - адзначыў прэзідэнт.

Беларускі лідар падкрэсліў, што цяпер менавіта той час, калі трэба, каб яшчэ гучней гучалі імёны ўдзельнікаў Вялікай Айчыннай вайны: Івана Кавалёва, Ісая Казінца, Дзмітрыя Караткевіча, Івана Кабушкіна і многіх іншых.

"Не стамляюся гэта паўтараць для тых, хто робіць выгляд, што не ведае якую велізарную цану заплаціў наш народ за жыццё і свабоду будучых пакаленняў. Нас з вамі. Беларусь памятае і воінаў брацкіх рэспублік, якія прынялі апошні бой на нашай зямлі. Беларусь памятае ўсіх , хто вызваляў ад фашызму Прыбалтыку і Польшчу, Балгарыю і Румынію, Венгрыю і Аўстрыю, Чэхію і Германію, і застаўся там навечна пад абеліскамі. Мы смуткуем аб ветэранах, якіх ужо няма з намі", - сказаў беларускі лідар.

Размова кіраўніка дзяржавы з удзельнікамі цырымоніі

Пасля прэзідэнт спусціўся пагутарыць з ветэранамі і дыпламатамі, якія акрэдытаваныя ў краіне. Кіраўнік дзяржавы спыніўся ля кіраўніка ЕЭК Міхаіла Мясніковіча.

"Не замасквіўся?", - спытаў у яго прэзідэнт Беларусі.

Пры гэтым ён звярнуўся да пасла Расіі Дзмітрыя Мезенцава і адзначыў, што дыпламат адстойвае інтарэсы сваёй краіны, "але не на шкоду Беларусі".

Кітайскага пасла Цуй Цыміна Лукашэнка пахваліў за адвагу, што ён ходзіць без маскі.

"Калі шмат народа, то можна, але калі на вуліцы адзін чалавек, то лепш падыхаць", - рэкамендаваў беларускі лідар.

Аляксандр Лукашэнка расказаў, што гаварыў са старшынёй КНР Сі Цзынпінам і прасіў, "каб пасла пакуль не забіраў, але калі будзеце забіраць, каб не горшы быў".

Затым ён павітаўся з паслом Венгрыі Жолтам Чуторай і папрасіў перадаць самыя цёплыя словы падзякі прэм'еру Віктару Орбану, з якім нядаўна сустракаўся.

"Ён у вас добры мужык. Не можа і пасол быць дрэнны, значыць", - пажартаваў беларускі прэзідэнт.

67
Тэги:
Мінск, Аляксандр Лукашэнка, Дзень Незалежнасці Рэспублікі Беларусь
Міністр замежных спраў Расіі Сяргей Лаўроў

Мінск перадаў Маскве інфармацыю аб затрыманай расіянцы Сапеге - Лаўроў

3
(абноўлена 12:57 18.06.2021)
Соф'я Сапега была знята з самалёта ірландскай кампаніі Ryanair, які экстранна сеў у Мінску 23 траўня, у Беларусі яна праходзіць па дзвюх крымінальных справах.

МІНСК, 18 чэр – Sputnik. МЗС Беларусі перадаў Расіі інфармацыю пра затрыманых расійскіх грамадзян, у тым ліку пра Соф'ю Сапегу, пра гэта заявіў міністр замежных спраў Расіі Сяргей Лаўроў.

"Уладзімір Уладзіміравіч Макей праінфармаваў пра сітуацыю з затрыманымі ў Беларусі расійскімі грамадзянамі, маю на ўвазе Соф'ю Сапегу, Ягора Дуднікава", - сказаў ён на прэс-канферэнцыі па выніках перамоў з беларускім калегам Уладзімірам Макеем.

Лаўроў удакладніў, што пасольства Расіі ў Мінску "трымае гэтае пытанне на асаблівым кантролі".

Сустрэча кіраўнікоў знешнепалітычных ведамстваў адбываецца ў Маскве ў пятніцу.

Затрыманне Сапегі

Грамадзянку Расіі Сафію Сапегу затрымалі разам з экс-галоўным рэдактарам Telegram-канала Nexta (прызнанага ў Беларусі экстрэмісцкім) Раманам Пратасевічам пасля экстранай пасадкі самалёта Ryanair у Мінску 23 траўня. Дзяўчыну арыштавалі на два месяцы па падазрэнні ў здзяйсненні шэрага крымінальных злачынстваў у жніўні-верасні 2020 года.

Афіцыйны прадстаўнік МЗС Расіі Марыя Захарава раней заявіла, што пасольства РФ у Мінску атрымала ад беларускіх улад шматразовы дазвол на наведванне Сафіі Сапегі.

Раней у эфіры тэлеканала СТБ было прадстаўлена відэа, у якім Сапега прызналася, што з'яўляецца рэдактарам Telegram-канала "Чорная кніга Беларусі", які публікуе асабістыя дадзеныя сілавікоў. Гэты сэрвіс, як і яго рэгіянальныя версіі, прызнаны ў Беларусі экстрэмісцкім.

На прэс-канферэнцыі, арганізаванай МЗС Беларусі, старшыня Следчага камітэта Дзмітрый Гара распавёў, што Сафія Сапега была затрымана ў аэрапорце па падазрэнні ў здзяйсненні злачынства, прадугледжанага артыкулам 342 КК (удзел у масавых беспарадках). Яна была прыцягнута ў якасці абвінавачанай па іншай крымінальнай справе, якая расследуецца па частцы 3 артыкула 130 (распальванне сацыяльнай варожасці).

Затрыманне Дуднікава

Дуднікаў быў затрыманы 5 траўня ў Мінску. На яго здымнай кватэры правялі вобыск, распачата справа па частцы 1 артыкула 342 Крымінальнага кодэкса ("Арганізацыя дзеянняў, што груба парушаюць грамадскі парадак"), па якой яму пагражае да трох гадоў пазбаўлення волі. Яго вінавацяць у Беларусі ў арганізацыі групавых дзеянняў, якія груба парушаюць грамадскі парадак.

Крымінальную справу, па інфармацыі адваката, у дачыненні да Дуднікава распачалі з-за таго, што ён агучваў ролікі для беларускай апазіцыі.

Расіянін знаходзіцца ў СІЗА нумар 1 УДВП па Мінску і Мінскай вобласці, да гэтага ён знаходзіўся амаль месяц у СІЗА КДБ.

Чытайце таксама:

3
Тэги:
крымінальная справа, справа, Расія, Беларусь, самалёт, Ryanair, Сяргей Лаўроў, Сафія Сапега, інфармацыя, Масква, Мінск
Кіроўца за рулём

Надыходзіць спякота: у ДАІ далі парады, што рабіць кіроўцам у такое надвор'е

7
(абноўлена 10:55 18.06.2021)
У сувязі з добрым надвор'ем многія плануюць паездкі - аднак трэба ўлічваць, што высокая тэмпература можа адбіцца на самаадчуванні.

МІНСК, 18 чэр – Sputnik. У найбліжэйшыя дні беларусаў чакае высокая тэмпература паветра, спякота можа адбіцца на самаадчуванні кіроўцаў.

Пры гарачым надвор'і людзі, якія знаходзяцца за рулём, стамляюцца хутчэй, увага можа рассеяцца, а рэакцыя істотна пагоршыцца. Акрамя таго, у шматлікіх кіроўцаў у такіх умовах надвор'я можа з'явіцца галавакружэнне, млявасць, дрымотнасць.

Усе гэтыя фактары могуць прывесці да дарожна-транспартных здарэнняў.

Ва УДАІ ГУУС Мінгарвыканкама далі рэкамендацыі тым, хто мае намер сесці за руль:

  • кантраляваць самаадчуванне падчас руху, мець з сабой халодныя напоі і часцей рабіць прыпынкі для адпачынку ў цені;
  • аўтааматарам з павышаным ціскам, сардэчна-сасудзістымі захворваннямі, а таксама людзям сталага ўзросту лепш рэкамендуецца адмовіцца на гарачы перыяд ад паездак на далёкія адлегласці;
  • у выпадку недамагання кіраваць аўтамабілем катэгарычна забараняецца;
  • рэкамендуецца сачыць за сістэмай астуджэння ў аўтамабілі, каб не дапусціць перагрэву рухавіка.

Нагадаем, што на выхадныя сіноптыкі абяцаюць спякотнае надвор'е - месцамі ў рэспубліцы паветра можа прагрэцца да + 33°С, у сувязі з чым абвешчаны жоўты ўзровень небяспекі.

Чытайце таксама:

7
Тэги:
самаадчуванне, Надвор'е, кіроўца, парады, ДАІ, Спякота