Будынак Дзяржаўнай Думы РФ

Тэрмін да 10 гадоў можа пагражаць за парушэнне тэрытарыяльнай цэласнасці РФ

4
(абноўлена 12:01 08.07.2020)
У Дзярждуму Расіі ўнесены першы пакет законапраектаў, накіраваных на рэалізацыю паправак у канстытуцыю аб абароне тэрытарыяльнай цэласнасці краіны.

МІНСК, 8 ліп - Sputnik. Першы пакет законапраектаў, накіраваных на рэалізацыю паправак у канстытуцыю аб абароне тэрытарыяльнай цэласнасці Расіі, уносіцца на разгляд у ніжнюю палату расійскага парламента.

"Сёння ў Дзяржаўную Думу ўносіцца пакетны праект федэральнага закона "Аб унясенні змянення ў артыкул 1 Федэральнага закона "Аб супрацьдзеянні экстрэмісцкай дзейнасці", - гаворыцца ў паведамленні прэс-службы камітэта па дзяржбудаўніцтве і заканадаўству Дзярждумы.

Законапраект закліканы ўдакладніць тэрміналогію дзеючага закона "Аб супрацьдзеянні экстрэмісцкай дзейнасці". Згодна з ім, парушэнне цэласнасці Расійскай Федэрацыі таксама адносіцца да экстрэмісцкай дзейнасці.

"Прапануецца дапоўніць абзац другi пункта 1 артыкула 1, паказаўшы, што экстрэмізмам прызнаецца парушэнне тэрытарыяльнай цэласнасці Расійскай Федэрацыі, у тым ліку адчужэнне часткі яе тэрыторыі", - растлумачыў кіраўнік камітэта Павел Крашэннікаў.

Паводле яго слоў, тэрміналогія закона пасля ўнесеных паправак будзе прыведзена ў адпаведнасць з канстытуцыяй і дазволіць пазбегнуць двухсэнсоўнага або нявызначанага тлумачэння цэласнасці Расійскай Федэрацыі.

Законапраект аб адпаведных зменах у КК і КПК накіраваны ва ўрад і Вярхоўны Суд для атрымання водгукаў. Праект пра змены ў КоАП таксама накіраваны ва ўрад. Мяркуецца, што пасля атрымання водгукаў, праекты таксама будуць унесены ў Дзярждуму.

Штрафы і тэрміны

Папраўкі ў КоАП, у прыватнасці, прадугледжваюць пакаранне за заклікі супраць тэрытарыяльнай цэласнасці ў выглядзе штрафу аж да 300 тысяч расійскіх рублёў (больш за 10 тысяч беларускіх рублёў).

"Калі ж публічныя заклікі здзейсненыя ўпершыню, то асобе будзе пагражаць адміністрацыйная адказнасць. Пакаранне замацоўваецца ў выглядзе штрафу: для грамадзян - ад 30 да 60 тысяч рублёў (ад тысячы да двух тысяч беларускіх рублёў - Sputnik), для службовых асоб - ад 60 да 100 тысяч рублёў (ад двух тысяч да 3,4 тысяч беларускіх рублёў - Sputnik), для юрыдычных асоб - ад 200 да 300 тысяч рублёў (ад амаль 7 тысяч да 10 тысяч беларускіх рублёў - Sputnik)", - гаворыцца ў паведамленні прэс-службы камітэта.

Павышаныя памеры штрафаў будуць прымяняцца ў выпадках, калі для распаўсюджвання заклікаў выкарыстоўваліся СМІ, інтэрнэт або іншыя інфармацыйна-тэлекамунікацыйныя або электронныя сеткі, патлумачыў кіраўнік камітэта.
Паўторныя заклікі да парушэння тэрытарыяльнай цэласнасці РФ пацягнуць за сабой ужо крымінальную адказнасць і будуць прадугледжваць штрафы да 400 тысяч рублёў (амаль 14 тысяч беларускіх рублёў) альбо пазбаўленне волі на тэрмін да чатырох гадоў.

Акрамя таго, Крымінальны кодэкс РФ плануецца дапоўніць новым артыкулам з санкцыямі за парушэнне тэрытарыяльнай дзейнасці. Санкцыя па гэтым артыкуле будзе прадугледжваць пакаранне ў выглядзе пазбаўлення волі на тэрмін ад 6 да 10 гадоў.

4
Тэги:
Расія
Медыцынскі работнік бярэ ў пацыенткі аналіз на каронавірус

Плюс 294 заражаных за суткі: Мінздароўя агучыла новую статыстыку па COVID-19

0
(абноўлена 14:30 24.09.2020)
Ад ускладненняў, выкліканых каронавіруснай інфекцыяй, з учорашняга дня ў Беларусі памерлі шэсць пацыентаў.

МІНСК, 24 вер - Sputnik. Колькасць тых, хто захварэў на каронавірус у Беларусі перавысіла 76,6 тысяч чалавек, пра гэта паведамілі ў міністэрстве аховы здароўя рэспублікі.

"Зарэгістраваныя 76 тысяч 651 чалавек з станоўчым тэстам на COVID-19. За ўвесь перыяд распаўсюджвання інфекцыі на тэрыторыі краіны памерлі 802 пацыента з шэрагам хранічных захворванняў, з выяўленай каронавіруснай інфекцыяй", - агучылі лічбы ў ведамстве.

Адпаведна, за мінулыя суткі на каронавірус у рэспубліцы захварэлі 294 чалавекі. Колькасць ахвяр інфекцыі з учорашняга дня вырасла на шэсць чалавек.

Пры гэтым, паводле афіцыйных дадзеных Міністэрства аховы здароўя на 24 верасня, у Беларусі паправіліся і выпісаныя 73 тысячы 733 пацыента, у якіх раней быў пацверджаны дыягназ COVID-19. Гэта значыць, за мінулыя суткі гэта колькасць павялічылася на 169 чалавек.

Усяго з лютага бягучага года беларускія лабараторыі правялі 1 мільён 776 тысяч 271 тэст на каронавірус.

0
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19
Цягнік і электрычка БЧ. Архіўнае фота

Новы цягнік звяжа Гомель, Магілёў і Віцебск

9
(абноўлена 15:31 23.09.2020)
Цягнік пакуль вырашылі пусціць часова і хадзіць ён будзе толькі два разы на тыдзень: па панядзелках і нядзелях.

МІНСК, 23 вер - Sputnik. Беларуская чыгунка пусціла новы цягнік па маршруце Гомель - Віцебск, паведамляецца на сайце БЧ.

Састаў пусцілі часова: ён будзе хадзіць з 27 верасня па 26 кастрычніка. Яго маршрут пралягае праз тры абласныя цэнтры - Гомель, Магілёў і Віцебск. Таксама прадугледжаны прыпынкі ў Буда-Кашалёве, Жлобіне, Рагачове, Быхаве, Шклове і Оршы.

"Цягнік №697/698 будзе адпраўляцца з Гомеля па нядзелях у 17:16 і прыбываць у Віцебск у 23:26. У адваротным кірунку з Віцебска цягнік адправіцца ўжо пасля паўночы - ў 1:00 панядзелка і у 7:36 прыбудзе на станцыю Гомель", - распавялі падрабязнасці на чыгунцы.

Паведамляецца, што новы цягнік будзе хадзіць па панядзелках і нядзелях. Кошт квітка ў плацкартным вагоне ад Гомеля да Віцебска складзе 10,96 рубля, а ў купэйным - 15,20.

9
Тэги:
Беларуская чыгунка