Мінбудархітэктуры папрасіла пратэстоўцаў не перашкаджаць рабоце галіны
(абноўлена 12:41 18.08.2020)
У ведамстве падкрэслілі, што працоўныя цэха і будпляцоўкі - не месца для выражэння асабістых меркаванняў і перакананняў.МІНСК, 18 жні - Sputnik. Міністэрства архітэктуры і будаўніцтва Беларусі заклікала ўсіх супрацоўнікаў галіны, якія цяпер выступаюць з пратэстамі, не праводзіць іх на працоўных месцах, не перашкаджаць працы будкомплексу, гаворыцца ў заяве ведамства.
"Мінбудархітэктуры заклікае ўсіх, хто лічыць неабходным выказаць свой пункт гледжання ў выглядзе мітынгу або забастоўкі, не перашкаджаць працы будкомплексу... Рабочыя цэха і будпляцоўкі - не месца для выражэння сваіх асабістых палітычных перакананняў і меркаванняў", - гаворыцца ў заяве на сайце ведамства.
Рабочым таксама нагадваюць, што сілай на працоўных месцах ніхто нікога ўтрымліваць не будуць.
Да таго ж, падкрэслілі ў міністэрстве, пратэстныя акцыі ў працоўных цэхах і на будпляцоўках недапушчальныя - гэта аб'екты павышанай небяспекі.
"Акрамя таго, працэс будаўніцтва спалучаны са мноствам рызык, грэбаваць якімі нельга. Спыніць будоўлю ці няякасна выканаць будаўнічыя працы - гэта значыць нанесці ўдар па звычайным грамадзянам краіны, якія не змогуць атрымаць ключы ад доўгачаканых кватэр", - дадалі ў ведамстве.
Масавыя акцыі пратэсту пачаліся пасля выбараў прэзідэнта Беларусі, якія прайшлі 9 жніўня. Паводле звестак Цэнтрвыбаркама, перамог Аляксандр Лукашэнка, за яго прагаласавалі больш за 80% выбаршчыкаў, на другім месцы апынулася кандыдат у прэзідэнты Святлана Ціханоўская.
Нязгодныя з вынікамі выбараў з вечара 9 жніўня выходзяць на вуліцы гарадоў. З мінулага тыдня на шматлікіх прамысловых гігантах краіны пачаліся мітынгі пратэсту, якія перайшлі ў забастоўкі.
Тэги:
Новы цягнік звяжа Гомель, Магілёў і Віцебск
(абноўлена 15:31 23.09.2020)
Цягнік пакуль вырашылі пусціць часова і хадзіць ён будзе толькі два разы на тыдзень: па панядзелках і нядзелях.МІНСК, 23 вер - Sputnik. Беларуская чыгунка пусціла новы цягнік па маршруце Гомель - Віцебск, паведамляецца на сайце БЧ.
Састаў пусцілі часова: ён будзе хадзіць з 27 верасня па 26 кастрычніка. Яго маршрут пралягае праз тры абласныя цэнтры - Гомель, Магілёў і Віцебск. Таксама прадугледжаны прыпынкі ў Буда-Кашалёве, Жлобіне, Рагачове, Быхаве, Шклове і Оршы.
"Цягнік №697/698 будзе адпраўляцца з Гомеля па нядзелях у 17:16 і прыбываць у Віцебск у 23:26. У адваротным кірунку з Віцебска цягнік адправіцца ўжо пасля паўночы - ў 1:00 панядзелка і у 7:36 прыбудзе на станцыю Гомель", - распавялі падрабязнасці на чыгунцы.
Паведамляецца, што новы цягнік будзе хадзіць па панядзелках і нядзелях. Кошт квітка ў плацкартным вагоне ад Гомеля да Віцебска складзе 10,96 рубля, а ў купэйным - 15,20.
Тэги:
ААН: спад у сусветнай эканоміцы з-за пандэміі COVID перавысіць 4%
(абноўлена 15:25 23.09.2020)
Найбольш адчувальным будзе падзенне аб'ёмаў вытворчасці ў развітых краінах, а вось у эканамічным і сацыяльным планах пацерпяць дзяржавы, што развіваюцца.МІНСК, 23 вер - Sputnik. Спад у сусветнай эканоміцы ў сувязі з пандэміяй каронавіруса перавысіць 4% у бягучым годзе. Такі прагноз утрымліваецца ў дакладзе Канферэнцыі ААН па гандлі і развіцці (ЮНКТАД).
Аналітыкі прыводзяць у дакладзе і іншыя важнейшыя паказчыкі: унутраная актыўнасць зніжана практычна паўсюдна, гэта не можа не адбівацца на эканоміцы.
"Сусветнs гандаль у бягучым годзе скароціцца прыкладна на адну пятую, прамыя замежныя інвестыцыі - да 40%, а грашовыя пераклады - больш чым на 100 мільярдаў долараў", - перакананыя спецыялісты ЮНКТАД ААН.
На думку экспертаў, найбольш адчувальным будзе падзенне аб'ёмаў вытворчасці ў развітых краінах. А вось у эканамічным і сацыяльным планах пацерпяць краіны, якія развіваюцца з высокім узроўнем "нефармальнай эканомікі", у якіх асноўнымі крыніцамі замежных сродкаў з'яўляюцца сыравінныя рэсурсы і турызм.
ААН прагназуе, што ў такіх краінах 90-120 мільёнаў чалавек сутыкнуцца з крайняй галечай, а каля яшчэ 300 мільёнаў - з праблемай "адсутнасці харчовай бяспекі".
Устойлівае аднаўленне сусветнай эканомікі пасля пандэміі магчыма толькі ў выпадку цеснага ўзаемадзеяння краін, перакананыя эксперты: павінна быць ажыццёўлена мэтанакіраваная бюджэтная экспансія пад кіраўніцтвам дзяржаў з развітой эканомікай.
Тэги:
Тэмы:
Пяскоў: Пуцін раней ужо павіншаваў Лукашэнку з перамогай на выбарах
МІНСК, 24 вер - Sputnik. Прэзідэнт Расіі Уладзімір Пуцін раней ужо віншаваў прэзідэнта Беларусі Аляксандра Лукашэнку з перамогай на выбарах, таму асобнага віншавання з інаўгурацыяй не было, пра гэта заявіў прэс-сакратар кіраўніка РФ Дзмітрый Пяскоў.
"Віншаванне ўжо было", - цытуе яго РІА "Новости".
Пяскоў нагадаў, што Пуцін віншаваў свайго беларускага калегу з перамогай на выбарах спачатку па тэлефоне, а потым ужо асабіста падчас нядаўняга рабочага візіту Лукашэнкі ў Сочы.
Акрамя таго, 10 жніўня Уладзімир Пуцін накіраваў Аляксандру Лукашэнку віншавальную тэлеграму ў сувязі з яго перамогай на прэзідэнцкіх выбарах. У той жа дзень прэм'ер-міністр Расіі Міхаіл Мішусцін у тэлефоннай размове з кіраўніком урада Беларусі Раманам Галоўчанкам перадаў віншаванні прэзідэнту рэспублікі.
Нагадаем, 23 верасня прэзідэнт Беларусі Аляксандр Лукашэнка ўступіў на пасаду прэзідэнта, цырымонія інаўгурацыі прайшла ў Палацы Незалежнасці. Высокія госці былі запрошаны ў рэзідэнцыю беларускага прэзідэнта ў апошні момант. На цырымоніі прысутнічалі дэпутаты парламента, чыноўнікі, а таксама прадстаўнікі дзяржаўных СМІ і грамадскасці.
Тэги: