МІНСК, 12 вер - Sputnik. Па дадзеных чарговага апытання УЦДГМ, 43% расіян мяркуюць, што Саюзная дзяржава Беларусі і Расіі не павінна прывесці да аб'яднання краін у адну, на іх думку дастаткова падтрымліваць добрасуседскія адносіны паміж дзяржавамі.
Чарговае даследаванне УЦДГМ праводзілася ў жніўні 2020 года сярод 1,6 тысячы расіян старэйшых за 18 гадоў метадам тэлефоннага інтэрв'ю, рэспандэнты адказвалі на пытанне "Якім вы самі хацелі б бачыць расійска-беларускую Саюзную дзяржаву".
У выніку былі атрыманы наступныя вынікі: 22% (амаль чвэрць рэспандэнтаў) выказаліся за паглыбленне інтэграцыі і аб'яднанне дзвюх краін на раўнапраўнай аснове, 43% расейцаў аб'яднання ў адну краіну не хочуць, і 17% падтрымалі ідэю ўваходжання Беларусі ў склад Расіі на правах аднаго або некалькіх рэгіёнаў. Не далі адказу 12%, а 5% не змаглі адказаць.
Таксама, па дадзеных даследавання, 57% апытаных грамадзян РФ ведаюць аб стварэнні Саюзнай дзяржавы, 16% з іх добра інфармаваныя пра яе.
Нагадаем, тэма далейшай інтэграцыі дзвюх дзяржаў у ліку іншых актуальных тэм будзе абмяркоўвацца на маючай адбыцца сустрэчы прэзідэнтаў Расіі і Беларусі Уладзіміра Пуціна і Аляксандра Лукашэнкі ў Сочы, якая пройдзе ў панядзелак 14 верасня.
