Дактыласкапія, архіўнае фота

Дактыласкапія і ID-карты: падрыхтаваны праект новага закона аб мігрантах у РФ

6
(абноўлена 09:32 14.09.2020)
Для мігрантаў, якія прыязджаюць на працу, прапануецца ўвесці "авансавы" падатак і стварыць рэестр нядобрасумленных запрашальнікаў.

МІНСК, 14 вер - Sputnik. Праект канцэптуальна новага закона аб мігрантах, які прадугледжвае шэраг новых працэдур, распрацавала МУС Расіі, вытрымкі з дакумента цытуе РІА "Новости".

У прыватнасці, дакументам прадугледжана дактыласкапія тых асоб, якія хочуць заехаць на тэрыторыю Расіі. Ажыццящляць працэдуру плануецца ў расійскіх дыппрадстаўніцтвах і консульскіх установах.

"У мэтах папярэджання тэрарыстычнай пагрозы, а таксама ўдасканалення дзяржаўнага кантролю ў сферы міграцыі прадугледзець ажыццяўленне дактыласкапічнай рэгістрацыі, фатаграфавання і, такім чынам, ідэнтыфікацыі ўсіх замежных грамадзян або асобных катэгорый (асобных дзяржаў) да ўезду на тэрыторыю РФ", - гаворыцца ў дакуменце.

Шматфункцыянальны ID

Мяркуецца ўвесці для замежнікаў, якія плануюць працяглы час знаходзіцца на тэрыторыі РФ, ID-карту. Гэта будзе дакумент, які сведчыць асобу, які спалучае ў сабе яшчэ і магчымасць падключэння банкаўскіх і іншых паслуг, уключаючы электронны подпіс.

"Для замежных грамадзян, якія доўгатэрмінова знаходзяцца на тэрыторыі РФ, а роўна якія атрымалі права на пастаяннае пражыванне, дакументам, які сведчыць асобу на тэрыторыі РФ, будзе з'яўляцца адзіны дакумент з электронным носьбітам інфармацыі (ID-карта)", - напісана ў праекце закона.

Карта, як плануюць аўтары закона, будзе выдавацца на падставе заявы замежнага грамадзяніна, умовай для яе атрымання стануць праходжанне дактыласкапічнай рэгістрацыі, фатаграфаванне і медыцынскі агляд на прадмет адсутнасці небяспечных інфекцыйных захворванняў. Сапраўдная такая карта будзе 10 гадоў.

"Авансавы" падатак

Канцэпцыя праекта новага федэральнага закона аб пытаннях міграцыі таксама ўключае ўвядзенне авансавага падатку для замежнікаў, якія прыязджаюць у Расію на працу.

"Мяркуецца, што замежныя грамадзяне, незалежна ад парадку ўезду ў Расійскую Федэрацыю, будуць мець права ажыццяўляць працоўную дзейнасць на падставе электронных патэнтаў як у юрыдычных асоб і індывідуальных прадпрымальнікаў, так і ў фізічных асоб, выплачваючы падатак на даходы фізічных асоб у выглядзе фіксаванага авансавага плацяжу, а працадаўцы, у сваю чаргу, маюць права прыцягваць замежных грамадзян пры ўмове ўключэння ў рэестр працадаўцаў, якія прыцягваюць замежную працоўную сілу (РРПІРС)", - распавяла начальнік галоўнага ўпраўлення па пытаннях міграцыі МУС Расіі Валянціна Казакова.

Плануецца, што працадаўцы, якія жадаюць прыцягнуць замежніка да працы, павінны будуць зарэгістравацца ў асабістым кабінеце (папярэдне, на адзіным партале дзяржаўных і муніцыпальных паслуг). Яму неабходна будзе запоўніць спецыяльную форму, якая змяшчае асноўныя звесткі пра яго. Пасля гэтага працадаўца будзе запаўняць ў электронным выглядзе заяву пра ўключэнне ў РРПІРС.

Пры гэтым, калі падатак у выглядзе фіксаванага авансавага плацяжу будзе не выплачаны, прапануецца накіроўваць замежнікам апавяшчэнне з патрабаваннем ажыццявіць плацёж на працягу 15 дзён. Пры адмове замежніка плаціць яму будзе забаронена працаваць у Расіі.

Рэестр нядобрасумленных працадаўцаў

Акрамя таго, у рамках праекта новага закона МУС Расіі прапануе стварыць рэестр нядобрасумленных запрашальнікаў - фізічных і юрыдычных асоб. Гэта прапануецца зрабіць, каб усталяваць эфектыўны механізм кантролю ўезду ў РФ і процідзейнічаць арганізацыі незаконнай міграцыі.

Плануецца ўключаць у гэты рэестр звесткі пра фізасоб, якія выступаюць у якасці запрашаючага боку, і кіраўніках (заснавальніках) запрашалых арганізацый, прыцягнутых да крымінальнай адказнасці за арганізацыю незаконнай міграцыі.

Таксама МУС лічыць, што неабходна разгледзець магчымасць уключэння ў дадзены рэестр звестак пра фізасоб і юрасоб, што запрасілі ў Расію замежнікаў, якія былі прыцягнутыя да адміністрацыйнай адказнасці за невыкананне ўстаноўленых федэральным законам абавязкаў запрашаючага боку.

Чакаецца, што ўключэнне звестак аб працадаўцах ў такі рэестр стане падставай для адмовы ў афармленні па іх заявах запрашэнняў на ўезд у Расію на пэўны тэрмін.

6
Тэги:
Заканадаўства і права, Расія
Пасол Расіі ў Беларусі Яўген Лук'янаў

Пасол Лук'янаў: Беларусь і Расія павінны абараняць свае гістарычныя перамогі

10
(абноўлена 13:38 12.06.2021)
Кіраўнік расійскай дыпмісіі прыняў удзел у цырымоніі размяшчэння ў крыпце Усіхсвяцкага храма ў Мінску капсулы з зямлёй з месцаў гібелі беларусаў у Крымскай вайне.

МІНСК, 12 чэр – Sputnik. Надзвычайны і паўнамоцны пасол Расіі ў Беларусі Яўген Лук'янаў заявіў пра важнасць захавання гістарычнай праўды.

"Мы павінны ведаць і памятаць нашу гісторыю, і да таго часу, пакуль мы яе памятаем, у нас ёсць будучыня", - падкрэсліў пасол на цырымоніі ва Усіхсвяцкім храме ў Мінску.

Кіраўнік расійскай дыпмісіі ў Мінску сёння прыняў удзел у цырымоніі размяшчэння ў крыпце Усіхсвяцкага храма капсулы з зямлёй беларусаў, якія загінулі ў час Крымскай вайны 1853-1856 гадоў.

"Тое, што гэта падзея супала з Днём Расіі, лішні раз пацвярджае пераемнасць гісторыі", - сказаў ён.

Расійскі дыпламат таксама адзначыў, што дзве краіны - Беларусь і Расія - павінны ўмець абараняць гістарычную памяць.

"Мы павінны абараняць нашу гістарычную памяць, нашу праўду, не замоўчваць нашы паражэнні, выпраўляць іх і нікому не дазваляць запляміць або замараць, або так скажам, "зафоташопіць" нашы перамогі", - падкрэсліў пасол.

Сцяг над Рэйхстагам быў чырвонага колеру, і толькі палітычныя дальтонікі не могуць гэта разглядзець, падкрэсліў дыпламат. "Мы, і расіяне, і беларусы, ад гэтага захворвання не пакутуем", сказаў пасол.

Падалтарная Крыпта, у якой знаходзяцца астанкі воінаў, беларусаў, якія загінулі ў бітвах трох войнаў - Айчыннай 1812, Першай сусветнай і Вялікай Айчыннай вайны 1941-1945 гадоў, не мае аналагаў у свеце. Першыя астанкі воінаў былі пахаваны тут у 2010 годзе. З сённяшняга дня ў ёй будзе знаходзіцца зямля з Севастопаля, дзе ў 1853-1856 годзе загінулі беларусы, якія ваявалі ў тых бітвах. Напярэдадні яе даставілі з гэтага гераічнага горада. Як растлумачылі Sputnik ва Усіхсвяцкім храме, цяпер царква будзе маліцца за гэтых воінаў "вякі вечныя".

У мерапрыемстве, акрамя прадстаўнікоў расійскага пасольства, прынялі ўдзел ветэраны, а таксама беларусы Крыма.

Чытайце таксама:

10
Тэги:
Крымская вайна, беларусы, Мінск, Усіхсвяцкі храм, дыпмісія, кіраўнік, перамога, Расія, Беларусь, Яўген Лук'янаў, пасол
Тэмы:
Саюзная дзяржава Беларусі і Расіі

Беларусы пра Расію: што жыхары Мінска думаюць пра краіну-суседку - відэа

13
(абноўлена 12:54 12.06.2021)
Сёння адзначаецца Дзень шматнацыянальнай Расіі. Напярэдадні свята Sputnik Беларусь выйшаў на вуліцы Мінска, каб даведацца ў жыхароў сталіцы, якое іх меркаванне аб Расійскай Федэрацыі. Глядзіце на відэа, што адказалі гараджане і што яны пажадалі краіне-суседцы.

12 чэрвеня ў Расійскай Федэрацыі адзначаецца адно з самых маладых дзяржаўных свят - Дзень Расіі. Па традыцыі ў гэты дзень у Расіі праходзяць масавыя народныя гулянні, спартыўныя мерапрыемствы і канцэрты.

Святочнай датай 12 чэрвеня стала ў 1992 годзе. Вярхоўны савет Расійскай Федэрацыі выдаў пастанову аб прысваенні даце прыняцця Дэкларацыі аб дзяржаўным суверэнітэце Расійскай Федэрацыі статусу святочнага непрацоўнага дня. У 1998-м свята атрымала сваю сучасную назву.

Якія асацыяцыі ў беларусаў выклікае Расія і што жадаюць краіне-суседцы і яе жыхарам у Дзень шматнацыянальнай Расіі? З такімі пытаннямі Sputnik адправіўся на вуліцы Мінска.

Глядзіце на відэа, што беларусы думаюць пра Расію і чаго жадаюць краіне і яе жыхарам у Дзень Расіі.

Чытайце таксама:

13
Тэги:
відэа, Расійская Федэрацыя, сталіца, Sputnik Беларусь, свята, Дзень шматнацыянальнай Расіі, Дзень Расіі, краіна, Мінск, жыхар, беларусы
Тэмы:
Саюзная дзяржава Беларусі і Расіі