Прэзідэнт РФ Уладзімір Пуцін

Пуцін даручыў да 15 кастрычніка вызначыць тэрміны паставак "Спутник V" у РБ

10
(абноўлена 10:32 21.09.2020)
Вакцыну пачнуць прымяняць у рэспубліцы, як толькі прэпарат будзе зарэгістраваны ў адпаведнасці з заканадаўствам.

МІНСК, 21 вер - Sputnik. Прэзідэнт Расіі Уладзімір Пуцін даручыў ураду вызначыць тэрміны паставак вакцыны "Спутник V" у Беларусь да 15 кастрычніка, пра гэта гаворыцца ў апублікаваным на сайце Крамля пераліку даручэнняў.

"Разгледзець пытанне аб удзеле рэспублікі Беларусь у пострэгістрацыйным клінічным даследаванні зарэгістраванай вакцыны "Спутник V" для прафілактыкі новай каронавіруснай інфекцыі (COVID-19); вызначыць тэрміны паставак вакцыны "Спутник V" у Рэспубліку Беларусь", - сказана ў паведамленні.

Адзначаецца таксама, што даклад павінен быць прадастаўлены да 15 кастрычніка 2020 года.

Нагадаем, на мінулым тыдні беларускія медыкі прыступілі да клінічных выпрабаванняў расійскай вакцыны супраць каронавіруса. А паводле слоў беларускага прэм'ера Рамана Галоўчанка, які ўжо прышчапіўся ад каронавіруса, прэпарат пачнуць прымяняць у рэспубліцы, як толькі ён будзе зарэгістраваны ў адпаведнасці з заканадаўствам.

Першая ў свеце вакцына ад каронавіруса была зарэгістраваная Міністэрствам аховы здароўя Расіі ў жніўні, выпрабаванні прайшлі ў чэрвені-ліпені на добраахвотніках ва ўзросце ад 18 да 60 гадоў, яна ўжо выпушчана ў грамадзянскі абарот.

Прэзідэнт РФ Уладзімір Пуцін заявіў, што Беларусь адной з першых краін атрымае вакцыну "Спутник V". Па выніках перамоваў у Сочы прэс-сакратар расійскага лідара паведаміў, што Пуцін ужо распарадзіўся падрыхтаваць першую партыю вакцыны ад каронавіруса для Беларусі: бакі надаюць вялікае значэнне супрацоўніцтву ў гэтай галіне.

Чытайце таксама:

10
Тэги:
Вакцынацыя, каронавірус, Беларусь, Расія
Тэмы:
Саюзная дзяржава Беларусі і Расіі (18)
Праца памежнікаў у Нацыянальным аэрапорце Мінск

Ужо заўтра: як зменяцца правілы для тых, хто ўязджае ў Беларусь

4
(абноўлена 14:53 21.10.2020)
З чацвярга замежныя грамадзяне і асобы без грамадзянства, якія прыбываюць з "зялёнай зоны", павінны мець пры перасячэнні мяжы арыгінал даведкі з адмоўным тэстам на каронавірус.

МІНСК, 21 кас - Sputnik. Новыя правілы для тых, хто прыбывае ў Беларусь або рухаецца праз краіну транзітам пачнуць дзейнічаць ужо заўтра, 21 кастрычніка. Абноўленыя рэкамендацыі замацаваны ў пастанове Савета Міністраў ад 13 кастрычніка 2020 года.

Што зменіцца для гасцей краіны і тых, хто рухаецца праз яе транзітам, у аглядзе Sputnik.

Калі вы едзеце з "зялёнай" зоны

Даведку з адмоўным вынікам ПЦР-тэсту, выдадзеную не раней за 72 гадзін да перасячэння мяжы, павінны будуць мець пры сабе ўсе, замежныя грамадзяне і асобы без грамадзянства, якія прыбылі з "зялёнай зоны".

Мова даведкі можа быць беларускай, рускай ці англійскай мове, у тэксце павінна ўтрымлівацца прозвішча, імя пасажыра і вынік лабараторнага даследавання на каронавірус.

Тэст на антыцелы (IgM і IgG), а таксама тэст на вылучэнне РНК (мазок) не падыходзяць для перасячэння мяжы. У даведцы абавязкова павінна быць адзначана "палімеразная ланцуговая рэакцыя" (PCR).

Грамадзяне Беларусі, а таксама тыя, хто мае від на жыхарства ў краіне, не абавязаны здаваць тэсты ПЦР незалежна ад таго, прыбываюць яны з "чырвонай" ці з "зялёнай" зон. Аднак у выпадку прыбыцця з чырвонай зоны пасажыры абавязаны выконваць 10-дзённую самаізаляцыю.

Калі вы едзеце з "чырвонай" зоны

Напярэдадні Міністэрства аховы здароўя абнавіла спіс краін "чырвонай зоны", цяпер у ім 132 дзяржавы.

Замежнікі і асобы без грамадзянства абавязаны выканаць дзесяцідзённы рэжым самаізаляцыі па прыбыцці з гэтых краін. У тым ліку, калі ў адной з краін чырвонай зоны яны знаходзіліся транзітам - але даўжэй за 24-ы гадзіны.

У выпадку, калі замежнікі ідуць праз Беларусь транзітам з "чырвонай зоны", ім не абавязкова мець пры сабе даведку з адмоўным вынікам тэста на COVID. Аднак на працягу 24-х гадзін неабходна пакінуць краіну, а пры ўездзе прад'явіць дакумент, які пацвярджае транзіт.

Калі грамадзянін, які прыехаў у Беларусь, не паспеў пакінуць краіну за 24 гадзіны, яму прыйдзецца зрабіць тэст на каронавірус у тэрытарыяльнай арганізацыі аховы здароўя, каб працягнуць падарожжа.

4
Тэги:
Беларусь
Дзеці ў масках на ўроку ў школе

Мінздароўя распавяло, каму нельга лячыць COVID фавіпіравірам

5
Расійскія лекі "Авіфавір" з дзеючым рэчывам фавіпіравір сталі першым у свеце прэпаратам супраць каронавіруса, але лячыцца ім могуць не ўсе.

МІНСК, 21 кас - Sputnik. Міністэрства аховы здароўя рэкамендавала прызначаць лекавы сродак фавіпіравір пацыентам з сярэднцяжкім цячэннем інфекцыі COVID-19, але распавяло пра шэраг абмежаванняў. Прэпарат забаронены для цяжарных жанчын, а таксама пры падазрэнні на цяжарнасць.

У рэкамендацыях асобная ўвага нададзена парадку прымянення лекаў з дзеючым рэчывам фавіпіравір, сярод якіх - расійскія лекі "Авіфавір", якія ў маі былі зарэгістраваны як першы ў свеце прэпарат супраць каронавіруса.

Недапушчальна прымяненне прэпарата пры цяжарнасці, у тым ліку, пры падазрэнні на цяжарнасць, у перыяд лактацыі, пры падвышанай адчувальнасці да асобных кампанентаў лекавага сродку. Нельга ўжываць прэпарат і дзецям.

"Асаблівая асцярожнасць неабходная пры гіперурыкеміі і падагры, пацыентам з пячоначнай недастатковасцю", - адзначаецца ў рэкамендацыі Міністэрства аховы здароўя.

Пры прызначэнні прэпарата збіраецца медычны кансіліум і пры ўмове інфармаванай згоды пацыента або яго законных прадстаўнікоў са строгім кантролем бяспекі лячэння.

Рэкамендацыі па лячэнні новага тыпу каронавіруснай інфекцыі запісаныя ў апублікаваным сёння дакуменце, падпісаным выконваючым абавязкі міністра аховы здароўя Дзмітрый Піневіч.

5
Тэги:
каронавірус
Тэмы:
Каронавірус COVID-19
Міністр замежных спраў РФ Сяргей Лаўроў (справа) і міністр замежных спраў Беларусі Уладзімір Макей

Сумесная калегія МЗС Беларусі і Расіі пройдзе ў лістападзе

2
Міністр замежных спраў Беларусі знаходзіцца на самаізаляцыі з-за каронавіруса, аднак у расійскім знешнепалітычным ведамстве спадзяюцца на вочны фармат мерапрыемства.

МІНСК, 21 кас - Sputnik. Масква і Мінск плануюць правесці ў першай дэкадзе лістапада сумесную калегію міністэрстваў замежных спраў дзвюх краін, пра гэта заявіў намеснік кіраўніка МЗС РФ Андрэй Рудэнка.

"Дакладна магу сказаць, што ў нас запланаваная сумесная калегія міністэрства замежных спраў Расіі і Беларусі ў першай дэкадзе лістапада, скажам так", - сказаў Рудэнка.

Паводле яго слоў, Масква спадзяецца, што калегія пройдзе ў вочным рэжыме.

У дадзены момант кіраўнік беларускага знешнепалітычнага ведамства Уладзімір Макей знаходзіцца на самаізаляцыі - у яго жонкі, Веры Паляковай-Макей, знойдзены каронавірус. Міністр па магчымасці працуе выдалена, выконваючы рэкамендацыі урачоў.

На пытанне Sputnik, ці зможа Макей удзельнічаць у калегіі, у МЗС Беларусі адказалі, што праінфармуюць пра гэта пазней. У прэс-службе таксама ўдакладнілі, што на дадзены момант не вызначана, пройдзе калегія ў Мінску ці ж у Маскве.

Папярэдняе сумеснае пасяджэнне калегій МЗС Расіі і Беларусі адбылося ў лістападзе 2019 года ў Маскве. Тады ўдзельнікі сустрэчы разгледзелі актуальныя пытанні двухбаковага супрацоўніцтва, праблематыку міжнароднай і рэгіянальнай бяспекі ў кантэксце 20-годдзя з моманту падпісання дамовы аб стварэнні Саюзнай дзяржавы.

2
Тэги:
Уладзімір Макей, МЗС РФ, МЗС Беларусі