Машына хуткай дапамогі ў бальніцы

Лукашэнка прызнаў, што ў Беларусі ідзе другая хваля каронавіруса

21
(абноўлена 13:00 08.10.2020)
Беларускія медыкі ў якасці падтрымкі з боку дзяржавы за працу, з хворымі на каронавірусную інфекцыю, ужо атрымалі каля 300 мільёнаў рублёў.

МІНСК, 8 кас - Sputnik. У Беларусі назіраецца ўздым захворвання на каронавірусную інфекцыю, заявіў кіраўнік дзяржавы ў Палацы Незалежнасці падчас спецыяльнай нарады.

Аляксандр Лукашэнка на сустрэчы са спецыялістамі канстатаваў, што цяпер ідзе інтэнсіўная фаза распаўсюджвання каронавіруса.

"Ідзе другая хваля (думаю, гэта ўсё ж такі другая хваля, а не ўсплёск першай)", - сказаў прэзідэнт.

Паводле яго слоў, у рэспубліцы ідзе другая хваля пандэміі. Суседнія краіны ўжо назіраюць пікавыя ўзроўні захворвання, як гэта было вясной. Падобныя тэндэнцыі назіраюцца ва ўсім свеце паўсюдна.

Новая эпідэмічная рэальнасць

"Мы ўбаку не застаёмся. Няхай у нас і не такі рэзкі ўздым захворвання, але ён прысутнічае. Таму сёння разгледзім шэраг блокаў праблем, звязаных з новай эпідэмічнай рэальнасцю, у якой нам даводзіцца жыць і існаваць", - адзначыў беларускі лідар.

А затым звярнуўся з пытаннем да спецыялістаў, як хутка распаўсюджваецца каронавірус цяпер, у параўнанні з папярэднімі падзеямі.

"Як ідуць справы з бальнічнымі магутнасцямі, абсталяваннем, медыцынскімі прэпаратамі і сродкамі абароны?" - пацікавіўся Аляксандр Лукашэнка.

Пры гэтым кіраўнік дзяржавы расказаў, што медыкі з бюджэту ўжо атрымалі больш за 300 мільёнаў рублёў (каля 115 мільёнаў даляраў - Sputnik) за працу з хворымі на COVID-19.

"Яшчэ раз паўтараю: людзям, якія працуюць і змагаюцца з інфекцыйнымі хваробамі, грошай шкадаваць не трэба. Гэта асаблівая сфера, усякае можа быць, людзі рызыкуюць, і ўрачоў тут ні ў якім разе нельга крыўдзіць", - заклікаў ён.

Праўда, адразу абмовіўся, што не павінна быць і перагібаў з выплатамі, каб надбаўкі не атрымлівалі тыя, хто "зазірнуў у палату адным вокам".

"Несправядлівасць, калі мы яе дапускаем, вельмі крыўдзіць людзей. Таму паглядзіце на гэтыя пытанні ўважліва", - падкрэсліў кіраўнік дзяржавы.

Некантралюемы эпідэмічны штопар

Аляксандр Лукашэнка лічыць, што трэба берагчы сваіх родных і блізкіх, таму што гэта важней за ўсё ў барацьбе з захворваннямі, гэтым трэба займацца самастойна.

"Тое, што адбываецца цяпер, дапусцім, на вуліцах Мінска па выхадных, - зразумела, якія будуць наступствы. І захворванне ў Мінску вышэй, чым у іншых рэгіёнах. Вось вынікі", - упэўнены ён.

"Усё ў нашых руках для таго, каб не зваліцца ў некантралюемы эпідэмічны штопар", - звярнуўся кіраўнік дзяржавы да спецыялістаў.

Паводле яго слоў, трэба заставацца здаровымі, не дапускаць захворванняў, каб гэта не было праблемай для медыкаў і не стала іх галаўным болем.

"Праца медыкаў - дапамагаць тады, калі па волі выпадку няшчасце адбылося. А ўсё астатняе - за намі. Нам неабходна вучыцца слухаць урачоў, строга выконваць рэкамендацыі. Як мінімум зрабіце прышчэпку ад грыпу, калі вы лічыце гэта патрэбным, і выконвайце правілы гігіены", - растлумачыў Аляксандр Лукашэнка.

Пасля чаго нагадаў аб рэкамендацыях медыкаў, што неабходна выконваць сацыяльнае дыстанцыяванне, але нельга слепа прытрымлівацца ўсіх правілаў і здзівіўся таму факту, што студэнтаў рассаджваюць ў шахматным парадку, у той час як на перапынках яны збіраюцца ў кампаніі.

"Самае галоўнае пры ўсіх гэтых мерах - не перагрузіць сістэму аховы здароўя. Пакуль, па той інфармацыі, якой я валодаю, у нас сітуацыя нармальная. Трэба, каб існуючы запас так званых ложкаў застаўся незадзейнічаным. Няхай яны лепш паражняком прастойваюць", - звярнуў увагу ён.

Ніхто вам дзякуй не скажа

Аляксандр Лукашэнка падзяліўся меркаваннем, што за час пікавага захворвання на каронавірус вясной беларускія медыкі напрацавалі добрыя практычныя навыкі.

Пасля чаго яшчэ раз заявіў, што беларускі вопыт у барацьбе з COVID-19 неацэнны, а абраны рэспублікай шлях бясцэнны для ўсяго свету.

"Так, ніхто вам дзякуй не скажа за той шлях, які мы прайшлі, за тыя метады, якімі мы лячылі нашых людзей, што мы іх не ізалявалі, не зачынялі, рэкамендавалі быць на свежым паветры. Але калі ты ідзеш у аптэку, краму, то абавязкова вазьмі з сабой маску", - сказаў ён.

Кіраўнік дзяржавы думае, што цяпер падобным шляхам пайшлі і іншыя дзяржавы. Міністэрства аховы здароўя павінна распрацоўваць рэкамендацыі, але не перагінаць палку.

"Давайце не будзем рэкамендаваць тое, што ў прынцыпе немагчыма ў жыцці", - прапанаваў Аляксандр Лукашэнка.

"Я хачу, каб вы разумелі маю пазіцыю: я на сённяшні дзень не маю намеру ізаляваць і зачыняць краіну. Калі б мы гэта зрабілі ў лютым, сакавіку ці красавіку мы б пажыналі плён: у нас бы не было працы ў людзей, мы б абрынулі эканоміку , не было б нават найменшага заробку, - упэўнены кіраўнік дзяржавы. - І зноў жа - гэта не выбар паміж дрэнным і зусім дрэнным або дрэнным і добрым: жыццё перад намі не ставіць сёння такіх праблем".

21
Тэги:
каронавірус, Беларусь, Аляксандр Лукашэнка
Тэмы:
Каронавірус COVID-19 (1191)
Сафія Сапега

Лаўроў і Макей абмяркуюць тэму затрыманай у Мінску Сапегі

14
(абноўлена 09:27 18.06.2021)
Па словах афіцыйнага прадстаўніка расійскага МЗС, у Маскве міністры падымуць тэму Сапегі.

МІНСК, 18 чэр – Sputnik. Тэму затрыманай у Беларусі расіянкі Соф'і Сапегі абмяркуюць у пятніцу, 18 чэрвеня, на сустрэчы ў Маскве кіраўнікі МЗС Расіі і МЗС Беларусі Сяргей Лаўроў і Уладзімір Макей, паведаміла напярэдадні афіцыйны прадстаўнік расійскага знешнепалітычнага ведамства Марыя Захарава.

Яна адзначыла, што расійскі бок аказвае Сапеге неабходнае садзейнічанне, дыпламаты РФ наведваюць яе.

"Безумоўна, і гэтыя пытанні будуць абмяркоўвацца", - паведаміла Захарава ў эфіры канала RTVI.

Сапега была знята з самалёта ірландскай кампаніі Ryanair, які экстранна сеў у Мінску 23 траўня. У Беларусі расіянка праходзіць па двух крымінальных справах.

Як заявіў на прэс-канферэнцыі кіраўнік Следчага камітэта Беларусі Дзмітрый Гара, яна знаходзілася ў поле зроку беларускіх сілавікоў яшчэ з канца мінулага года як адміністратар прызнанага экстрэмісцкім Telegram-канала "Чорная кніга Беларусі", дзе выкладвалі дадзеныя сілавікоў і дзяржслужачых.

Сёння Макей правядзе ў Маскве сустрэчу са сваім расійскім калегам Лаўровым. Праграмай прадугледжаны перамовы па шырокім коле пытанняў двухбаковага супрацоўніцтва і міжнароднага парадку.

Чытайце таксама:

14
Тэги:
Масква, МЗС, Сафія Сапега, Мінск, Уладзімір Макей, Сяргей Лаўроў
Лета ў Мінску

Спякота і засуха: у Беларусі абяцаюць да +33 на выхадных

13
(абноўлена 17:31 17.06.2021)
Цёплае сонечнае і па-сапраўднаму летняе надвор'е прынёс у Беларусь антыцыклон Zoe, а вось дажджоў у бліжэйшыя дні сіноптыкі не абяцаюць.

МІНСК, 18 чэр – Sputnik. У бліжэйшыя дні спёка ў Беларусі будзе нарастаць, дажджоў не чакаецца, распавялі ў Белгідрамеце.

"Антыцыклон Zoe прынёс на тэрыторыю Беларусі цёплае сонечнае надвор'е, да канца гэтага тыдня яго ўплыў захаваецца", - цытуе Белгідрамет агенцтва БелТА.

Сіноптыкі раяць не забываць асноўныя правілы паводзін у спякоту, асабліва для пажылых людзей: не выходзіць з дому без патрэбы падчас максімальнай сонечнай актыўнасці, абавязкова апранаць галаўны ўбор і браць з сабой ваду.

Знаходзячыся на вуліцы, можна часам заходзіць у крамы або гандлёвыя цэнтры з кандыцыянерамі.

Купальны сезон у Беларусі

Дзякуючы спякоце нарэшце стане цяплей вада ў беларускіх рэках і вадаёмах: яна прагрэецца прыкладна да 23 градусаў. Зрэшты, сіноптыкі раяць быць асабліва ўважлівымі ля вады. Ёсць у спёкі і іншая прыхаваная небяспека: любы недакурак ці падпаленая запалка можа прывесці да ляснога пажару.

Сёння, 18 чэрвеня, ападкаў не чакаецца, будзе дзьмуць усходні вецер, тэмпература паветра днём - да плюс 31.

У суботу, 19 чэрвеня, будзе яшчэ цяплей - да плюс 32. Вецер прагназуецца паўднёва-ўсходні ўмераны, ападкаў не чакаецца.

У нядзелю і панядзелак, 20-21 чэрвеня, паветра прагрэецца да 33, і зноў без ападкаў.

Чытайце таксама:

13
Тэги:
антыцыклон Zoe, антыцыклон, Надвор'е, Беларусь, Засуха, Спякота
Беларускі атрымалі перамогу над зборнай Іспаніі

Баскетбалісткі зборнай Беларусі перамаглі іспанак у матчы чэмпіянату Еўропы

0
(абноўлена 09:15 18.06.2021)
Пераможцы груп напрамую выходзяць у 1/4, зборныя, якія занялі другія і трэція месцы, правядуць матчы за трапленне ў чвэрцьфінал.

МІНСК, 18 чэр – Sputnik. Беларуская жаночая зборная абыграла каманду Іспаніі на старце чэмпіянату Еўропы па баскетболе, які праходзіць у Іспаніі і Францыі.

Сустрэча групы А прайшла 17 чэрвеня ў іспанскай Валенсіі. Матч завяршыўся з лікам 53:51 (14:9, 7:13, 14:11, 18:18).

У беларусак вызначылася Марыя Папова - яна зрабіла дабл-дабл (19 ачкоў, 13 падбораў). Для іспанскай каманды 15 ачкоў набрала Асту Ндур.

Цяпер у групе А знаходзяцца Швецыя - 2 ачкі (1 матч), Беларусь - 2 (1), Іспанія - 1 (1), Славакія - 1 (1).

Пераможцы груп напрамую выходзяць у чвэрцьфінал. Зборныя, якія занялі другія і трэція месцы, 21 чэрвеня правядуць матчы за трапленне ў 1/4 фіналу.

Чвэрцьфіналы пройдуць 23 чэрвеня, паўфіналы - 26 чэрвеня, фінальны матч за бронзавыя ўзнагароды адбудзецца 27 чэрвеня.

Чэмпіянат Еўропы па баскетболе праходзіць з 17 па 27 чэрвеня ў Іспаніі і Францыі, зборныя якіх вызвалены ад кваліфікацыі. Беларускі гуляюць свае матчы ў Іспаніі, ім яшчэ трэба будзе сустрэцца з камандамі Швецыі (20 чэрвеня) і Славакіі (18 чэрвеня).

Нагадаем, што раней зборная Беларусі прайграла спарынгавы матч зборнай Расіі. У рамках падрыхтоўкі да Еўрабаскета беларускі таксама правялі сустрэчы з Турцыяй (52:56) і Расіяй (36:74), а затым Чэхіяй - 59:71 і 57:54.

Чытайце таксама:

0
Тэги:
Іспанія, Еўропа, чэмпіянат, Беларусь, баскетбалісткі