Пуцін паведаміў аб рэгістрацыі другой вакцыны ад каронавіруса ў Расіі

© Sputnik / Владимир Песня / Перайсці ў медыябанкВакцынацыя ад каронавіруса
Вакцынацыя ад каронавіруса - Sputnik Беларусь
Падпісацца
Прэзідэнт Расіі таксама дадаў, што ў хуткім часе ў краіне з'явіцца і трэці прэпарат для вакцынацыі ад COVID-19 расійскай вытворчасці.

МІНСК, 14 кас - Sputnik. Уладзімір Пуцін паведаміў у сераду аб рэгістрацыі другой расійскай вакцыны ад каронавіруса, адпаведную заяву прэзідэнт Расіі зрабіў на нарадзе з членамі ўрада.

Вакцынацыя ад каронавіруса - Sputnik Беларусь
Каля 15 млн доз вакцыны "Спутник V" у месяц плануюць вырабляць у Расіі

"Пачаць хацеў бы з прыемнай інфармацыі аб тым, што новасібірскі цэнтр "Вектар" зарэгістраваў сёння другую расійскую вакцыну супраць каронавіруса "ЭпіВакКорона", - паведаміў Пуцін.

Прэзідэнт РФ, таксама ўдакладніў, што "у нас на падыходзе яшчэ трэцяя вакцына Цэнтра імя Чумакова Расійскай акадэміі навук".

Нагадаем, першую ў свеце вакцыну ад каронавіруса "Спутник V", распрацаваную ў расійскім НДЦ імя Гамалеі, Міністэрства аховы здароўя РФ зарэгістраваў у жніўні. Выпрабаванні прэпарата прайшлі ў чэрвені-ліпені на добраахвотніках ва ўзросце ад 18 да 60 гадоў. Прэпарат ужо выпушчаны ў грамадзянскі абарот. Таксама сёння стала вядома, што да канца 2020-га года ў Расіі плануюць вырабіць каля 2,3 млн доз вакцыны ад каронавіруса, а вясной будучага года расійскі Мінпрамгандаль мае намер выйсці на паказчык у 15 млн доз у месяц.

У Беларусі клінічныя выпрабаванні расійскай вакцыны пачаліся 1 кастрычніка. Беларусь стала першай краінай, дзе стартавалі клінічныя даследаванні прэпарата пасля яго рэгістрацыі ў Расіі. У Міністэрстве аховы здароўя адзначылі, што беларускія медыкі правялі скрынінг добраахвотнікаў, якія будуць у ліку першых прышчэплены расійскай вакцынай ад каронавіруса. Удзельнічаюць у даследаванні восем медустаноў.

Стужка навiн
0