Аўтавакзал цэнтральны

"Мінсктранс" прыпыніў міжнародныя рэйсы

13
(абноўлена 09:43 30.10.2020)
Напярэдадні ўвечары ў Дзяржпагранкамітэце заявілі, што з-за эпідэмічнай абстаноўкі ў суседніх краінах Беларусь часова абмяжоўвае ўезд на сваю тэрыторыю праз наземныя пункты пропуску фізічных асоб з Латвіі, Літвы, Польшчы і Украіны.

МІНСК, 30 кас - Sputnik. "Мінсктранс" часова прыпыніў выкананне міжнародных аўтобусных рэйсаў з-за закрыцця мяжы, пра гэта папярэдзілі пасажыраў на прадпрыемстве.

"У сувязі з абмежаваннем на ўезд на тэрыторыю Рэспублікі Беларусь з 29 кастрычніка з 19:00 часова прыпынена выкананне рэйсаў па міжнародных маршрутах", - распавялі ў "Мінсктрансе".

У другой палове дня ў мінулы чацвер у сацыяльных сетках з'явілася інфармацыя, што памежнікі перасталі пускаць у Беларусь грамадзян рэспублікі і замежнікаў без тлумачэння прычын. Цяжкасці з перасячэннем мяжы былі на літоўскім, польскі і мўкраінскім напрамках.

Увечары ў чацвер у Дзяржпагранкамітэце паведамілі, што гэтыя меры выкліканыя пандэміяй каронавіруса.

"У сувязі з эпідэмічнай абстаноўкай у сумежных краінах Рэспубліка Беларусь часова абмяжоўвае ўезд на сваю тэрыторыю праз наземныя пункты пропуску асобных катэгорый фiзiчных асобаў з Латвіі, Літвы, Польшчы і Украіны", - растлумачылі ў ведамстве.

Па-ранейшаму без праблем змогуць праязджаць супрацоўнікі дыппрадстаўніцтваў і консульскіх устаноў з дыпламатычнымі і службовымі пашпартамі, кіроўцы-міжнароднікі, а таксама члены цягніковых і лакаматыўных брыгад міжнароднага ж/д-паведамлення. Без абмежаванняў трапіць у Беларусь можна будзе праз Нацыянальны аэрапорт Мінск.

Нагадаем, у чацвер 29 кастрычніка прэзідэнт Беларусі Аляксандр Лукашэнка заявіў, што варта зачыніць мяжу, не зрабіўшы яе пры гэтым "жалезнай заслонай". Раней ён не бачыў неабходнасці ў прымяненні такіх мер, а ў сакавіку назваў абмежавальныя меры суседніх дзяржаў "несусветным глупствам".

13
Тэги:
Мінсктранс
Забор крыві ў пацыента, архіўнае фота

Беларусь можа на льготных умовах закупляць лекі для лячэння ВІЧ

12
(абноўлена 14:53 01.12.2020)
Цяпер Беларусь на льготных умовах атрымлівае доступ да джэнерыка лекавага прэпарата "Долутэгравір", а таксама да камбінаваных прэпаратаў, якія ўтрымліваюць долутэгравір.

МІНСК, 1 сне - Sputnik. Беларусь уключана ў пагадненне добраахвотнага ліцэнзавання паміж Патэнтным пулам лекавых сродкаў і міжнароднай кампаніяй ViiV Healthcare, паведаміла прэс-служба Міністэрства аховы здароўя ў аўторак у сваім Telegram-канале.

Цяпер Беларусь на льготных умовах атрымлівае доступ да джэнерыка лекавага прэпарата "Долутэгравір", а таксама да камбінаваных прэпаратаў, якія змяшчаюць долутэгравір (ценафавір + ламівудзін + долутэгравір). СААЗ рэкамендуе "Долутэгравір" як прэпарат першай лініі для лячэння ВІЧ.

У пагадненне таксама ўключаны Азербайджан, Казахстан і Малайзія. "Чатыры краіны, якія атрымаюць выгаду ад гэтага пагаднення, не ўключаны ў дзейсную ліцэнзію Патэнтнага пула і ViiV Healthcare, бо з'яўляюцца краінамі з сярэдне-высокім узроўнем даходаў, дзе ViiV Healthcare мае патэнт на долутэгравір", - адзначылі ў прэс-службе Міністэрства аховы здароўя.

Гэтыя краіны таксама атрымліваюць доступ да існуючай добраахвотнай педыятрычнай ліцэнзіі на долутэгравір.

Міністр аховы здароўя Беларусі Дзмітрый Піневіч адзначыў, што гэта быў доўгі і няпросты працэс. Тым не менш, паводле яго слоў, жаданы вынік дасягнуты.

"Мы спадзяемся, што дзякуючы ліцэнзійнай дамове Патэнтнага пула і ViiV Healthcare, долутэгравір і ТЛД (ценафавір + ламівудзін + долутэгравір), будуць больш даступныя для ВІЧ інфіцыраваных пацыентаў у Беларусі, што дасць магчымасць павысіць прыхільнасць да лячэння. Таксама адкрываецца магчымасць канкурэнцыі паміж вытворцамі джэнерыкаў. Гэта дасць магчымасць выводзіць на наш рынак лекі гарантаванай якасці па больш нізкім кошце", - дадаў Піневіч.

12
Тэги:
Беларусь, ВІЧ
Закрыццё бараў і рэстаранаў ў начны час з-за каронавіруса

Улады Расіі вылучаюць 182 мільёны долараў на падтрымку ў сувязі з COVID

9
(абноўлена 12:41 01.12.2020)
Грошы накіруюць у медыцынскія, навуковыя і адукацыйныя ўстановы ў сувязі з пандэміяй каронавіруса, паведаміла прэс-служба кабінета міністраў.

МІНСК, 1 сне - Sputnik. Распараджэнне аб выдзяленні больш за 13,9 рублёў (прыкладна 182 мільёны долараў - Sputnik) на падтрымку навуковых, адукацыйных і медустаноў падпісаў прэм'ер-міністр Міхаіл Мішусцін.

"На падтрымку федэральных бюджэтных і аўтаномных устаноў культуры, а таксама адукацыйных, навуковых і медыцынскіх устаноў будзе накіравана амаль 14 мільярдаў рублёў. Такое распараджэнне падпісаў старшыня ўрада Міхаіл Мішусцін", - гаворыцца ў паведамленні.

Фінансаванне дасць магчымасць кампенсаваць зніжэнне даходаў устаноў, таксама грошы накіруюць на выплату заробкаў супрацоўнікам, аплату камунальных паслуг, утрыманне маёмасці, а таксама іншыя выдаткі, звязаныя з захаваннем санітарна-эпідэміялагічных патрабаванняў.

"Сярод атрымальнікаў субсідый - Маскоўскі дзяржаўны ўніверсітэт імя Ламаносава, Санкт-Пецярбургскі дзяржаўны ўніверсітэт, Расійская акадэмія народнай гаспадаркі і дзяржаўнай службы, Федэральнае медыка-біялагічнае агенцтва, Курчатаўскі інстытут, Эрмітаж і Вялікі тэатр", - дадаецца ў паведамленні.

COVID-19 напрамую паўплываў на ўмовы працы гэтых устаноў. Пытанне аб іх падтрымцы быў ухвалены на паседжанні ўрада 26 лістапада.

9
Тэги:
каронавірус, Расія
Оскар

Драму Перэльмана "Урокі фарсі" вылучылі на "Оскар" ад Беларусі

0
(абноўлена 18:11 01.12.2020)
Фільм апавядае пра падзеі 1942 гады ў акупаванай Еўропе, у галоўных ролях - Ларс Айдзінгер і Науэль Перэс Біскаярт.

МІНСК, 1 сне - Sputnik. Карціна "Урокі фарсі", знятая рэжысёрам Вадзімам Перэльманам, вылучана на "Оскар" ад Беларусі ў намінацыі "Лепшы фільм на замежнай мове", паведаміла прэс-служба кампаніі "Белыя ночы".

Публіка ўбачыла фільм упершыню на Берлінскім кінафестывалі ў праграме Berlinale Special. Па дадзеных кампаніі Hype Film, якая займаецца продажам правоў на карціну, яе плануюць паказаць больш, чым у 50 краінах свету.

"Фільм Вадзіма Перэльмана "Урокі фарсі" вылучаны на "Оскар"ад Беларусі. Карціна створана ў капрадукцыі Расіі, Германіі і Беларусі, дзе праходзілі здымкі драмы", - распавялі ў прэс-службе.

Пра што фільм "Урокі фарсі"

Па сюжэце, падзеі кіно адбываюцца ў 1942 годзе ў акупаванай Еўропе. Галоўны герой - вязень канцлагера, бельгіец з яўрэйскімі каранямі Жыль Крэм'е - прыкідваецца персам, каб пазбегнуць смяротнага пакарання. У гэтым яму дапамагае антыкварная кніга персідскіх казак, якую ён вымяняў у апошнія хвіліны перад расстрэлам на бутэрброд.

Тым часам повар у канцлагеры, Клаўс Кох, марыць пра тое, як пасля вайны паедзе ў Іран да брата і адчыніць там свой рэстаран. Коху для дасягнення сваёй мэты трэба ведаць фарсі, калегі па канцлагеры, даведаўшыся пра персідскае паходжанне Жыля, адпраўляюць зняволенага вучыць повара новай мове.

"Наша карціна дзіўна актуальная часу. Гэтая глыбокая гісторыя напоўнена трагедыяй, іроніяй, зараджэннем надзеі і дружбы ў самых неверагодных абставінах. Я асабліва шчаслівы магчымасці шырока паказаць наш фільм міжнароднай аўдыторыі", - так адклікаецца аб карціне яе рэжысёр Вадзім Перэльман.

93 цырымонія ўручэння прэмій Амерыканскай кінаакадэміі пройдзе 25 красавіка 2021 года.

0
Тэги:
Беларусь, Оскар (прэмія)