Медыцынскія работнікі

Спецыялісты ацанілі імунітэт беларусаў да COVID-19

16
(абноўлена 17:14 09.11.2020)
Медыкі адзначаюць, што пасля перанесенай інфекцыі наяўнасць антыцелаў фіксавалася не ва ўсіх, таксама іх колькасць магла быць досыць нізкай.

МІНСК, 9 ліс - Sputnik. Папуляцыйны імунітэт да COVID-19 пасля першай хвалі каронавіруса ў Беларусі, паводле ацэнак экспертаў, дасягнуў узроўню 16-20%, пра гэта заявіў прэм'ер-міністр Ігар Петрышэнка.

"Спецыялісты папярэдне ацэньваюць папуляцыйны імунітэт ў рэспубліцы пасля першай хвалі на ўзроўні 15-20%. Больш дакладныя звесткі мы зможам атрымаць пазней, калі будуць праведзеныя даследаванні за больш працяглы перыяд, хоць бы 1-2 гады", - распавёў Ігар Петрышэнка БелТА.

Тым не менш, медыкі фіксуюць і паўторныя выпадкі захворвання на COVID-19. Акрамя таго, урачы адзначалі: пасля перанесенай інфекцыі антыцелы рэгістраваліся не ва ўсіх альбо ж іх колькасць была нізкай.

Паўторныя выпадкі захворвання, па сусветных дадзеных, рэгіструюцца ў 0,5-1% тых, хто раней перахварэў.

СААЗ: пытанне не вывучана

Па вызначэнні СААЗ, калектыўны імунітэт, вядомы таксама як папуляцыйны імунітэт, - гэта выкарыстаная для вакцынацыі канцэпцыя, згодна з якой насельніцтва можа быць абаронена ад пэўнага віруса пры дасягненні парогавага ўзроўню вакцынацыі.

Колькасьць людзей, якім неабходна мець антыцелы для выпрацоўкі калектыўнага імунітэту, у розных хвароб будзе адрознівацца. Да прыкладу, для поліяміеліту парогавы ўзровень складае 80%. Некаторыя навукоўцы лічаць, што для каронавіруса дастаткова пераадолець парог у 67%. Аднак адзіных меркаванняў няма: інфекцыя новая і да канца не вывучаная.

У большасці хворых імунная рэакцыя развіваецца на працягу некалькіх першых тыдняў. Але наколькі доўга захоўваюцца антыцелы ў розных груп людзей і ў залежнасці ад цяжару праходжання захворвання, адназначнага адказу няма.

"І хоць у людзей, інфіцыраваных вірусам SARS-CoV-2, выпрацоўваюцца антыцелы і імунітэт, мы пакуль не ведаем, як доўга ён доўжыцца", - заяўляе СААЗ.

Па апошніх звестках, колькасць тых, хто захварэў на каронавірус, у свеце перавысіла 50,4 мільёна чалавек, за час распаўсюджвання каронавіруснай інфекцыі памерла больш за 1,26 мільёна.

16
Тэги:
Ігар Петрышэнка, каронавірус
Каляндар

Мінпрацы ўсталявала разліковую норму працоўнага часу на 2021 год

6
(абноўлена 12:23 30.11.2020)
Працоўных гадзін пры шасцідзённым тыдні атрымалася менш. Прычына ў тым, што ў 2021 годзе чатыры непрацоўныя святочныя дні прыйдуцца на суботу.

МІНСК, 30 ліс - Sputnik. Разліковая норма працоўнага часу на 2021 год устаноўлена ў Беларусі. Яна зацверджана пастановай Міністэрства працы і сацыяльнай абароны №103 ад 20 лістапада 2020 года, паведаміла прэс-служба профільнага ведамства ў панядзелак.

Каляндар святочных і непрацоўных дзён – 2021 у Рэспубліцы Беларусь з улікам пераносаў
© Sputnik Беларусь / Інфаграфіка

Разліковая норма працоўнага часу для пяцідзённага працоўнага тыдня з выхаднымі днямі ў суботу і нядзелю на будучы год складзе 2050 гадзін, а для шасцідзённага працоўнага тыдня - 2031 гадзіну (выхадны - нядзеля).

"Асноўная прычына гэтай розніцы заключаецца ў тым, што ў 2021 годзе чатыры непрацоўныя святочныя дні (2 студзеня, 1 мая, 3 ліпеня і 25 снежня) прыпадаюць на суботу", - растлумачылі ў прэс-службе, адзначыўшы, што такая ж сітуацыя складвалася ў 2009, 2010, 2015 і 2020 гадах.

Гэтая норма ўстаноўлена пры ўмове, што працягласць працоўнага часу складзе 40 гадзін у тыдзень.

У арганізацыях, дзе прадугледжаны іншыя рэжымы працы, наймальнік самастойна разлічвае норму працоўнага часу каляндарнага года.

А колькі ў гэтым годзе?

Разліковая норма працоўнага дня ў 2020 годзе пры пяцідзённым тыдні склала 2032 гадзіны, шасцідзённым - 2026 гадзін.

6
Тэги:
Беларусь
Мама з дзецьмі, архіўнае фота

Ці пойдзе Беларусь на скарачэнне дэкрэтнага: каментар міністра працы

7
(абноўлена 09:50 30.11.2020)
Па словах Касцевіч, у парламент у наступным годзе будуць перададзеныя прапановы па сямігадзінным дні для мам.

МІНСК, 30 ліс - Sputnik. Міністр працы і сацыяльнай абароны Ірына Касцевіч не выключае, што тэма сямігадзіннага працоўнага дня для мам будзе абмяркоўвацца на заканадаўчым узроўні.

Паводле яе слоў, скарачэнне тэрмінаў дэкрэтнага адпачынку будзе залежаць ад наяўнасці ў дастатковай колькасці дзіцячых і ясельных груп.

"Калі ў краіне будзе адкрыта дастатковая колькасць ясельных і дзіцсадкоўскіх груп, мамы самі актыўна пойдуць на працу", - заявіла Касцевіч у эфіры тэлеканала АНТ у нядзелю.

Паводле яе слоў, у Беларусі адпачынак па доглядзе за дзіцяці ва ўзросце да трох гадоў з'яўляецца "самай значнай і высокай ільготай, а таксама гарантыяй дзяржавы ў параўнанні з іншымі краінамі".

"Пры гэтым гэта не проста тры гады, а аплатныя тры гады. Наколькі правільна скарачаць дэкрэтны адпачынак, скажу так, мы прааналізавалі, як сёння карыстаюцца гэтай гарантыяй нашы мамы. Дык вось дзеткі з года да трох, а іх 68 тысяч, на пастаяннай аснове наведваюць дзіцячы садок, а мамы, якія выйшлі на поўную занятасць, - крыху больш за шэсць тысяч. У дадзеным выпадку дзяржава двойчы льгатуе і падтрымлівае гэтых мам", - адзначыла міністр.

Паводле яе слоў, што тычыцца сямігадзіннага працоўнага дня для шматдзетных маці, гэта была прапанова Міністэрства працы і сацыяльнай абароны.

"Мы прапанавалі гэта як альтэрнатыву, гэта значыць альбо адзін дзень у тыдзень, альбо наўзамен гэтага сям'я можа выбраць скарочаны сямігадзінны працоўны дзень. Будзем уносіць гэтую прапанову ў наступным годзе і абмяркоўваць з дэпутатамі", - распавяла кіраўнік ведамства.

7
Тэги:
Міністэрства працы і сацыяльнай абароны Рэспублікі Беларусь, Беларусь
Грашовыя купюры: еўра і долары

Знешні доўг Беларусі за год вырас на мільярд долараў

6
(абноўлена 12:27 30.11.2020)
У бягучым годзе дзяржаўны доўг рэспублікі вырас амаль на траціну або 13 з лішнім мільярдаў долараў.

МІНСК, 30 ліс - Sputnik. Дзяржаўны доўг Беларусі на 1 лістапада склаў 57,9 мільярда рублёў і павялічыўся ў параўнанні з пачаткам 2020 года на 13,1 мільярда рублёў, або на 29,3%, паведамілі ў прэс-службе міністэрства фінансаў.

Пры гэтым знешні дзяржаўны доўг на справаздачны перыяд склаў 18,1 мільярда долараў, павялічыўшыся ад пачатку года на 1 мільярд долараў (з улікам курсавых розніц), або на 5,8%.

У міністэрстве фінансаў распавялі, што за дзесяць месяцаў гэтага года дзяржава ўзяла ў пазыку на знешніх рынках "суму, эквівалентную 2 548,9 мільёна долараў".

Пры гэтым пагашэнне знешніх дзяржаўных запазычанасцяў у студзені-кастрычніку 2020 года склала ўсяго 1 388,2 мільёна долараў.

"Унутраны дзяржаўны доўг па стане на 1 лістапада 2020 года склаў 10,2 мільярда рублёў, павялічыўшыся ад пачатку года на 1,4 мільярда рублёў (з улікам курсавых розніц), або на 16,2%", - удакладнілі ў прэс-службе.

У гэты ж час на рынку былі размешчаны ўнутраныя валютныя і рублёвыя дзяржаўныя аблігацыі на суму, эквівалентную 297,6 мільёна долараў і 300,0 мільёнаў рублёў. Пагасіць за дзесяць месяцаў гэтага года атрымалася аблігацыі на суму, эквівалентную 586,9 мільёна долараў і 173,5 мільёна рублёў.

6
Тэги:
Беларусь