МІНСК, 20 ліс - Sputnik. Да двух мільёнаў грамадзян Беларусі могуць быць прышчэплены ад каронавіруса ў наступным годзе, заявіў у пятніцу журналістам выканаўца абавязкаў міністра аховы здароўя рэспублікі Дзмітрый Піневіч.
Паводле яго слоў, у цяперашні час дадзенае пытанне разглядаецца Міністэрствам аховы здароўя.
"Мы плануем пачынаць прывіваць вакцынай ад COVID-19, пачынаючы з невялікіх груп насельніцтва. У выніку, плануем ахапіць вакцынацыяй да двух мільёнаў чалавек", - сказаў Піневіч.
Ён таксама адзначыў, што вакцынацыя насельніцтва будзе праводзіцца ў рэспубліцы расійскім прэпаратам і за кошт бюджэту.
Па словах Піневіча, зараз вядуцца перамовы з РФ аб вытворчасці вакцыны на беларускай тэрыторыі.
У цяперашні час у Беларусі праводзяцца даследаванні вакцыны Sputnik V, якія павінны завяршыцца ў канцы лістапада. Прэпарат будзе прымяняцца ў рэспубліцы з 2021, калі яго прызнаюць бяспечным для насельніцтва.
Па апошніх дадзеных Міністэрства аховы здароўя рэспублікі, за 19 лістапада ў краіне каронавірусам заразіліся 1457 чалавек - гэта новы антырэкорд з пачатку пандэміі.
