Стала вядома, колькі ўдзельнікаў акцый пратэсту аказалася ў войску

© Sputnik / Виктор ТолочкоВайскоўцы першай у Беларусі IT-роты
Вайскоўцы першай у Беларусі IT-роты - Sputnik Беларусь
Падпісацца
Беларусы, якія па розных прычынах страцілі права на адтэрміноўку ад службы ва ўзброеных сілах, аказваюцца ў салдацкіх шэрагах.

МІНСК, 24 ліс - Sputnik. Маладыя людзі, адлічаныя з ВНУ, аўтаматычна становяцца суб'ектамі прызыву, распавёў у інтэрв'ю "СБ. Беларусь сегодня" памочнік міністра абароны Леанід Касінскі.

Прэзідэнт Беларусі Аляксандр Лукашэнка - Sputnik Беларусь
Лукашэнка: трэба разгледзець пытанні адлічаных студэнтаў

Раней Аляксандр Лукашэнка заявіў, што студэнтаў, якія бяруць удзел у акцыях пратэсту, неабходна выключаць з універсітэтаў і заклікаць ў беларускае войска.

"Я ўяўляю, што пасля гэтага выбухне. Мяне пачнуць папракаць, што я запалохваюць студэнтаў у войска адправіць. Ды не! Паўтараю: хто хоча вучыцца, той будзе вучыцца, будзе мець гэтую адтэрміноўку. Хто пойдзе на вуліцу ці вучыцца не захоча, меры прымем па законе", - заявіў беларускі лідар.

Гудбай, адтэрміноўка

"Па-за залежнасці ад таго, з якой прычыны яны перапынілі навучанне: не змаглі здаць сесію, набралі крытычную колькасць прагулаў або парушалі дысцыпліну. У такім выпадку малады чалавек праходзіць мерапрыемствы прызыву і адпраўляецца служыць", - растлумачыў Леанід Касінскі.

Паводле яго слоў, так адбываецца не таму што ўлады вырашылі пакараць маладога чалавека, а таму што ён, такім чынам, распарадзіўся сваёй адтэрміноўкай ад службы ў войску для атрымання адукацыі.

"Ва ўзброеныя сілы грамадзянін прыходзіць, каб атрымаць ваенна-ўлiковую спецыяльнасць, вучыцца вайсковай справе. Ні ў якім разе нельга разглядаць армію як карны орган", - упэўнены памочнік беларускага міністра абароны.

Пасля чаго дадаў, што "сёння ўжо больш за 20 маладых людзей, якія страцілі права на адтэрміноўку, у тым ліку якія маюць досвед удзелу ў несанкцыянаваных акцыях, праходзяць службу ва ўзброеных сілах. Гэта такія ж беларускія хлапчукі, іх ніхто не вылучае з агульнай масы, кляйма на іх не ставяць. Патрабаванні ў нас для ўсіх аднолькавыя".

Аблудныя хлапчукі

Леанід Касінскі запэўнівае, што ў войску праца з навабранцамі будуецца на індывідуальнай аснове, і ніхто не будзе ламаць іх светапогляд праз калена.
На яго думку, маладым людзям не хапае розуму і жыццёвага вопыту, каб арыентавацца ў патоках інфармацыі, якая можа быць скажоная.

"Дарэчы, большасць ужо сёння кажа, што, калі б разуменне некаторых працэсаў прыйшло да іх раней, усё было б інакш. Нармальныя нашы беларускія хлапчукі, дзесьці аблудныя. Амаль 60% з іх выхоўваліся ў няпоўных сем'ях. Гэта таксама магло накласці свой адбітак ", - выказаў меркаванне ваенны.

Акцыі пратэсту ў Беларусі пачаліся 9 жніўня пасля выбараў прэзідэнта. Паводле дадзеных ЦВК, Аляксандр Лукашэнка атрымаў перамогу, набраўшы 80,1% галасоў. Самыя масавыя акцыі нязгодных з вынікамі выбараў традыцыйна праходзяць па нядзелях. Як заяўлялі ў ГУУС Мінска, касцяк пратэстоўцаў складае моладзь.

Стужка навiн
0