Прэміі Саюзнай дзяржавы ў сферы навукі і тэхнікі ўпершыню ўручаць ў 2021-м
(абноўлена 15:11 15.12.2020)
Памер грантаў складае 5 мільёнаў расійскіх рублёў, яны ўручаюцца навукоўцам за выдатныя заслугі ў машынабудаванні, біятэхналогіі, даследаванні космасу.МІНСК, 15 сне - Sputnik. Прэміі Саюзнай дзяржавы ў галіне навукі і тэхнікі ўпершыню ўручаць у красавіку 2021, да Дня яднання народаў Беларусі і Расіі, распавёў старшыня Дзяржаўнага камітэта па навуцы і тэхналогіях Рэспублікі Беларусь Аляксандр Шумілін, перадае карэспандэнт Sputnik.
Грашовыя прэміі будуць уручаць раз у два гады, у наступным годзе іх атрымаюць тры беларуска-расійскія навуковыя калектывы. Адзін з іх працаваў над стварэннем і выкарыстаннем Беларускай касмічнай сістэмы дыстанцыйнага зандзіравання Зямлі і расійска-беларускай арбітальнай групоўкі спадарожнікаў БКА і "Канопус-В" ў інтарэсах Саюзнай дзяржавы.
Другі склад навукоўцаў працаваў над стварэннем высокаэфектыўных сістэм электрамагнітнай інэрцыі, а трэці - над стварэннем інавацыйнага прадукту біяаналага лактаферыну чалавека, ідэнтычнага прыроднаму бялку, які адкрывае магчымасці вытворчасці новых высокаэфектыўных і біялагічна бяспечных прадуктаў медыцынскага прызначэння.
Памер грантаў - 5 мільёнаў расійскіх рублёў. Усяго на конкурс, паводле слоў Аляксандра Шуміліна, было пададзена каля 20 работ.
"Створана шмат сумесных распрацовак, усе яны фарміруюць адзіную тэхналагiчную прастору Беларусі і Расіі", - адзначыў старшыня дзяржкамітэта.
Канчатковае рашэнне па прысуджэнні прэмій прымуць Саветы міністраў дзвюх дзяржаў.
Тэги:
Парагвай зарэгістраваў расійскую вакцыну "Спутник V"
(абноўлена 17:48 15.01.2021)
У Паўднёвай Амерыцы прэпаратам ад каронавіруса ўжо прышчапляюць насельніцтва Аргенціны, Балівіі, Венесуэлы і Бразіліі.МІНСК, 15 сту – Sputnik. Міністэрства аховы здароўя Парагвая зарэгістравала вакцыну супраць COVID-19 "Спутник V", паведаміў у пятніцу Расійскі фонд прамых інвестыцый (РФПІ).
Вакцыну зарэгістравалі ў рамках паскоранай працэдуры, без правядзення дадатковых клінічных даследаванняў на тэрыторыі дзяржавы. Аналагічным чынам прэпарат быў зарэгістраваны раней у Аргенціне, Балівіі, Сербіі, Алжыры, Палестыне і Венесуэле.
Пастаўкі ў Парагвай забяспечаць дзякуючы міжнародным партнёрам РФПІ ў Індыі, Кітаі, Паўднёвай Карэі і іншых краінах.
Паводле слоў гендырэктара фонду Кірыла Дзмітрыева, многія краіны Лацінскай Амерыкі зацікаўлены ў расійскай вакцыне. Ён спадзяецца, што ў бліжэйшы час "Спутник V" атрымае адабрэнне ў шэрагу іншых дзяржаў рэгіёна.
Міністэрства аховы здароўя Расіі ў жніўні зарэгістравала першую ў свеце вакцыну для прафілактыкі COVID-19, распрацаваную цэнтрам імя Гамалеі, яна атрымала назву "Спутник V". Дырэктар цэнтра Аляксандр Гінцбург раней сказаў, што бяспека вакцыны цалкам даказаная, а эфектыўнасць "Спутник V" склала 91,4%.
Чытайце таксама:
- Амерыканскі карэспандэнт назваў "Спутник V" дасягненнем расійскіх навукоўцаў
- Пасол РФ: у лютым-сакавіку расійскую вакцыну пачнуць вырабляць у Беларусі
- У Расіі абверглі заяву аб тым, што вакцына "Спутник V" неправераная
Тэги:
Сутачная статыстыка Міністэрства аховы здароўя: на каронавірус захварэлі 1 941 чалавек
(абноўлена 17:25 15.01.2021)
З пачатку пандэміі інфекцыяй ў краіне заразіліся больш за 220 тысяч чалавек, тэсты на COVID-19 правялі амаль палове насельніцтва Беларусі.МІНСК, 15 сту – Sputnik. За мінулыя суткі ў краіне зарэгістраваны 1 941 пацыент з станоўчым тэстам на каронавірус, паведаміла ў пятніцу прэс-служба Міністэрства аховы здароўя.
Выпісалася пры гэтым пацыентаў больш - 2 054. Смяротная статыстыка таксама абнавілася - за мінулыя суткі памерлі 10 чалавек.
Усяго з пачатку распаўсюджвання каронавіруснай інфекцыі ў Беларусі захварэлі 221 604 чалавекі, а ачунялі 204 500 пацыентаў. Памерлі за гэты час ўжо 1 564 беларусы.
Айчынныя лабараторыі за мінулыя 24 гадзіны выканалі 24 888 тэстаў, а ўсяго ў краіне правялі 4 216 095 тэстаў на каронавірус.
Нагадаем, сутачны рэкорд па колькасці выпадкаў захворвання у Беларусі быў зарэгістраваны 12 снежня 2020 года – тады на COVID-19 захварэлі 1 975 чалавек.
Масавая вакцынацыя ад каронавіруса праходзіць у Беларусі з 29 снежня. Першымі прышчапляюць людзей з групы рызыкі: медыкаў, педагогаў і іншых. На наступным тыдні ў краіне завершыцца кантроль якасці чарговай партыі расійскай вакцыны "Спутник V", пасля чаго вакцынацыя медыкаў працягнецца.
Усяго на добраахвотнай аснове плануецца прышчапіць больш за 5,5 мільёна чалавек.
Чытайце таксама:
- Беларусы змогуць браць адпачынак для самаізаляцыі з-за COVID
- Антыбіётыкі "для прафілактыкі": піць ці не піць, раіць доктар Камароўскі
- СААЗ: другі год пандэміі можа апынуцца цяжэй папярэдняга
Тэги:
Тэмы:
Рэпетыцыю інаўгурацыі Байдэна перанеслі па меркаваннях бяспекі
(абноўлена 10:51 16.01.2021)
У Вашынгтоне дзейнічае рэжым надзвычайнага становішча, сцягваюцца дадатковыя сілы паліцыі і войскі.МІНСК, 16 сту - Sputnik. Выбраны прэзідэнт ЗША Джо Байдэн адклаў рэпетыцыю сваёй інаўгурацыі, якая была запланавана на нядзелю 17 студзеня, паведамляе выданне Politico.
Рэпетыцыя пройдзе на дзень пазней - 18 студзеня. Таксама Байдэн перадумаў дабірацца цягніком у Вашынгтон на інаўгурацыю - як заявілі ў ФБР, "па меркаваннях бяспекі". Раней кіраўнік разведвальнага ведамства паведамляў, што напярэдадні інаўгурацыі адсочваюцца патэнцыйныя пагрозы гвалту, у тым ліку - пагрозы ў інтэрнэце і магчымасць узброеных пратэстаў.
Ужо цяпер у горад сцягваюць дадатковыя сілы правапарадку: паліцыю і войска. Зрэшты, меры бяспекі ў сталіцы ЗША і без таго былі ўзмоцненыя пасля спробы захопу Капітолія.
З 7 студзеня ў Вашынгтоне дзейнічае рэжым надзвычайнай сітуацыі, ён будзе доўжыцца да 15:00 (23:00 па Мінску) 21 студзеня. Таксама ўведзена каменданцкая гадзіна.
Нагадаем, беспарадкі ў Вашынгтоне ўспыхнулі 6 студзеня. Прыхільнікі пакуль яшчэ дзеючага кіраўніка дзяржавы Дональда Трампа прарваліся ў будынак Кангрэса у дзень афіцыйнага зацвярджэння вынікаў прэзідэнцкіх выбараў, паводле якіх пераможцам стаў Джо Байдэн. У выніку сутыкненняў з паліцыяй загінулі мінімум пяць чалавек.
Пасяджэнне Кангрэса прыйшлося перапыніць, аднак неўзабаве праваахоўнікі змаглі ўзяць сітуацыю пад кантроль. У дачыненні да ўдзельнікаў беспарадкаў заведзена больш за 170 спраў.
Інаўгурацыя новага прэзідэнта ЗША адбудзецца 20 студзеня.
Чытайце таксама:
- Інаўгурацыя Байдэна набліжаецца: ЗША запрасілі Расію, у сталіцы ўвялі НС
- Спікер палаты прадстаўнікоў ЗША падпісала артыкул пра імпічмент Трампу
- Антыамерыканская анархія: выбары ў ЗША не абышліся без разгону пратэстаў
Тэги: