Дыплом магістра

Саўмін абнавіў палажэнне аб размеркаванні выпускнікоў

15
(абноўлена 11:33 22.12.2020)
Першачарговае права выбару месца працы атрымаюць тыя, хто прайшоў тэрміновую службу, а таксама мае высокія паказчыкі ў вучобе і грамадскай дзейнасці.

МІНСК, 22 сне - Sputnik. Зменена палажэнне аб парадку размеркавання, пераразмеркавання, а таксама накіравання на працу выпускнікоў, якія атрымалі вышэйшую, сярэднюю, спецыяльную або прафесійна-тэхнічную адукацыю, адпаведная пастанова Савета міністраў №737 ад 17 снежня апублікавана сёння на Нацыянальным прававым інтэрнэт-партале.

Кіраўнікі ўстаноў адукацыі цяпер будуць абавязаны не пазней, чым за два месяцы да пачатку работы камiсii, скласці адпаведныя спісы выпускнікоў, у тым ліку тых, якія атрымліваюць сярэднюю спецыяльную або вышэйшую адукацыю I ступені, адвучыліся не менш за палову тэрміну і фінансаваліся за кошт сродкаў рэспубліканскага або мясцовых бюджэтаў на дзённай форме.

Таксама кіраўнікі адукацыйных устаноў павінны не пазней, чым за месяц да пачатку работы камiсii арганiзаваць работу па азнаямленні выпускнiкоў з становішчам, з парадкам работы камiсiй, з планамі размеркавання.

Першачарговае права выбару

Першачарговым правам выбару на размеркаванні месцаў працы карыстаюцца выпускнікі, якія ўключаны ў банк дадзеных адоранай і таленавітай моладзі. Таксама змогуць выбіраць тыя, хто прайшоў тэрміновую ваенную службу або службу ў рэзерве, маюць рэкамендацыі воінскіх часцей, органаў памежнай службы на навучанне ва ўстановах адукацыі, якія дасягнулі высокіх вынікаў у вучобе і высокіх паказчыкаў у грамадскай рабоце.

Да тых, хто дасягнуў высокіх вынікаў у вучобе, адносяцца студэнты, якія за перыяд навучання маюць не менш за 50% адзнак 8 балаў і вышэй, а астатнія адзнакі - не ніжэй за 6 балаў.

Да тых, якія маюць высокі паказчык у грамадскай рабоце, адносяцца студэнты, якія ўдзельнічаюць у рабоце органаў самакіравання, моладзевых грамадскіх аб'яднаннях, у спартыўных спаборніцтвах, выставах, валанцёрскім і студатрадаўскім руху і шэрагу іншых.

Высокі вынік у навукова-даследчай дзейнасці прызнаецца ў выпускнікоў, якія ўдзельнічалі ў конкурсах навуковых прац ці конкурсаў тэхнічнай творчасці, алімпіядах па спецыяльнасці і іншых.

Пераразмеркаваннем выпускнікоў, маладых спецыялістаў і рабочых займаецца ўстанова адукацыі на працягу ўстаноўленых тэрмінаў абавязковай работы па размеркаванні.

Выпускнікі, якія не адпрацавалi абавязковы тэрмін па размеркаванні пасля атрымання адукацыі, у выпадку адлічэння з установы адукацыі, абавязаны ў пяцідзённы тэрмін пасля выдання загаду аб адлічэнні звярнуцца ў адміністрацыю ўстановы, дзе яны вучыліся.

15
Тэги:
Савет міністраў РБ
Собака ў вадзе

Дрэнная вада: забаронена купацца ў пяці вадаёмах Беларусі

13
(абноўлена 14:58 19.06.2021)
На працягу тыдня спецыялісты санэпідслужбы абследавалі 329 зон рэкрэацыі. Было ўзята 806 проб вады. Многія з іх не адпавядаюць нарматыўным паказчыкам.

МІНСК, 19 чэр - Sputnik. Санітарна-эпідэміялагічная служба забараніла купанне ў пяці вадаёмах Беларусі, паведамляе Рэспубліканскі цэнтр гігіены, эпідэміялогіі і грамадскага здароўя.

На працягу тыдня спецыялісты санэпідслужбы абследавалі 329 зон рэкрэацыі. Было ўзята 806 проб вады. Як высветлілася, 20 проб не адпавядалі гігіенічным нарматывам па санітарна-хімічных паказчыках, 12 - па мікрабіялагічных паказчыках.

Па выніках праверак абмежавана купанне ў зонах адпачынку Брэсцкай вобласці: пляжы "Цэнтральны" правы і левы бераг ракі Мухавец і цэнтральны пляж возера Алтушскае, а таксама на пляжы Вільчыцкага вадасховішча Магілёўскага раёна.

На Гомельшчыне пляж на Дняпры ў парку культуры і адпачынку "Прыдняпроўскі" ў Жлобіне зачынены для купання, але даступны для заняткаў воднымі відамі спорту.

Бярозы ў блакітнай вадзе Новасібірскай ЦЭЦ-5
© Sputnik / Александр Кряжев

Забаронена купанне і заняткі воднымі відамі спорту на чатырох пляжах ў Магілёве і Магілёўскім раёне: пляж на Грэбенеўскім вадасховішчы Магілёва; гарадскі пляж на Дняпры ў Магілёве; пляж на Пячэрскім вадасховішчы Магілёва і пляж на Дняпры ў аграгарадку Палыкавічы Магілёўскага раёна.

Між тым забароны на наведванне грамадзянамі лясных угоддзяў уведзены ўжо ў 25 раёнах Беларусі, паведамляе міністэрства лясной гаспадаркі рэспублікі.

Увядзенне падобных забарон - гэта вымушаны крок, каб пазбегнуць пажараў у лясных угоддзях рэспублікі. Па меры стабілізацыі пажаранебяспечнай абстаноўкі абмежаванні на наведванне лясоў аператыўна здымаюцца.

Чытайце таксама:

13
Тэги:
Беларусь, вадаём, вада
Праграма Падарожнічаю без COVID-19

З 1 ліпеня ўезд у Расію з Беларусі будзе магчымы па мабільнай праграме

12
(абноўлена 19:28 18.06.2021)
Праграма "Падарожнічаю без COVID" можа стаць абавязковай для прыезджых у Расію з краін ЕАЭС, у тым ліку з Беларусі.

МІНСК, 19 чэр – Sputnik. На пасяджэнні Эканамічнага савета Садружнасці Незалежных Дзяржаў напярэдадні было ўзнята пытанне аб тым, каб урэгуляваць усе перамяшчэнні ў перыяд пандэміі.

З 1 ліпеня выкарыстанне мабільнай праграмы "Падарожнічаю без COVID-19" стане абавязковым для людзей, якія прыязджаюць у Расію з краін-членаў ЕАЭС. З 1 верасня такім будзе патрабаванне для грамадзян СНД.

"Усім краінам настойліва рэкамендавалі далучыцца", - заявіў на пасяджэнні віцэ-прэм'ер Расіі Аляксей Авярчук.

Навошта гэта трэба

Выступаючы раней на Пецярбургскім міжнародным эканамічным форуме, Авярчук падкрэсліў, што амаль усе ўрады ў свеце такія абмежаванні на перамяшчэнні людзей для сябе ўвялі, за вельмі рэдкім выключэннем.

"Нас гэта прывяло да таго, што мы таксама пачалі знаходзіць тэхналагічныя рашэнні, каб зняць гэтыя абмежаванні. Нарадзілася праграма "Падарожнічаю без COVID", якую мы плануем з пачатку ліпеня зрабіць абавязковай для дзяржаў-членаў ЕАЭС, па меншай меры, для ўезду ў Расійскую Федэрацыю", - цытуе Авярчука РІА Навіны.

У красавіку гэтага года на пасяджэнні міжурадкамісіі з удзелам кіраўнікоў урадаў Еўразійскага эканамічнага саюза ў Казані прэм'ер-міністр Расіі Міхаіл Мішусцін заявіў, што развіццё мабільнай праграмы "Падарожнічаю без COVID" дазволіць хутчэй аднавіць бяспечныя пасажырскія зносіны.

Зараз у праграме ў акне "краіна адпраўлення" можна выбраць шэсць дзяржаў: Арменію, Беларусь, Казахстан, Кыргызстан, Расію і Таджыкістан. Іх жа можна паказаць у акне "краіна прыбыцця".

Беларусь далучылася да праекта ЕАЭС "Падарожнічаю без COVID-19" у сакавіку 2021 года. Перадаваць дадзеныя ў сістэму будзе Нацыянальны цэнтр электронных паслуг ва ўзаемадзеянні з беларускім Міністэрствам аховы здароўя.

Праграма "Падарожнічаю без COVID-19"

Гэтая мабільная платформа была створана Еўразійскім банкам развіцця, яна дазваляе хутка знайсці пералік верыфікаваных лабараторый, здаць тэст на каронавірус, вынікі якога патрапяць у агульную з ЕАЭС сістэму. Пасля гэтага грамадзянін, які атрымаў адмоўны тэст, зможа бесперашкодна перамяшчацца паветраным транспартам у межах ЕАЭС без лішняй папяровай цяганіны. Спампаваць праграму можна бясплатна на Google Play і App Store.

У красавіку ўрад Расійскай Федэрацыі зрабіў тэрмін уезду па праграме бестэрміновым.

Чытайце таксама:

12
Тэги:
ЕАЭС, "Падарожнічаю без COVID-19", мабільная праграма, Беларусь, Расія, уезд