Першымі беларусамі, якія атрымалі вакцыну ад COVID-19, сталі медыкі
(абноўлена 11:59 29.12.2020)
Сёння ў Беларусі пачалася масавая вакцынацыя ад каронавіруса расійскай вакцынай "Спутник V", першымі прышчэпку атрымліваюць тыя, хто часцей за ўсё кантактуе з людзьмі і знаходзіцца ў зоне рызыкі.МІНСК, 29 сне - Sputnik. Першыя прышчэпленыя ў рамках масавай вакцынацыі дзесяць чалавек - работнікі 5-й гарадской клінічнай паліклінікі. Сярод іх - галоўны ўрач Яраслаў Кузняцоў.
5-я паліклініка стала адной з чатырох клінічных баз, на якіх праводзіліся выпрабаванні вакцыны. Са ста добраахвотнікаў 20 было прышчэплена менавіта тут.
"Сёння, лічу, эпахальная падзея. Мы задаволены выпрабаваннямі вакцыны, пабочных рэакцый не было" - распавёў Кузняцоў.
Па словах галоўнага ўрача, вакцынацыя, дазволіць у сціснутыя тэрміны справіцца з пандэміяй COVID-19.
"Вакцына, зыходзячы з нашага сціплага асабістага вопыту, лічу, больш чым вартая. Спадзявацца на тое, што наш імунітэт дазволіць нам альбо не захварэць, альбо перанесці гэта ў лёгкай форме, не варта. Рэкамендую ў далейшым прышчапіцца ўсім", - дадаў галоўны ўрач.
У 5-ю паліклініку на дадзены момант даставілі 200 доз. Верагодней за ўсё, імі прышчэпяцца медыцынскія работнікі.
"Сёння асаблівы дзень у сістэме адносін Міністэрства аховы здароўя Расійскай Федэрацыі і Рэспублікі Беларусь. Але, напэўна, важна і справядліва сказаць, што гэта асаблівы дзень у сістэме нашых адносін. Тыя абавязацельствы, якія на сябе першапачаткова ініцыятыўна ўзяла Расійская Федэрацыя, расійскае кіраўніцтва, прэзідэнт Уладзімір Уладзіміравіч Пуцін, яны пацверджаныя і выконваюцца. Сёння пачынаецца масавая вакцынацыя грамадзян Беларусі, гэта першая краіна, дзе пачынаецца масавая вакцынацыя сьледам за Расійскай Федэрацыяй", - адзначыў пасол Расіі ў Беларусі Дзмітрый Мезенцаў.
"Спутник V" у Беларусі
21 снежня Міністэрства аховы здароўя Беларусі паведаміла аб рэгістрацыі ў краіне расійскай вакцыны "Спутник V". Беларусь стала першай замежнай дзяржавай, якая зарэгістравала ў сябе прэпарат.
Па словах міністра аховы здароўя Дзмітрыя Піневіча, вакцынацыя ахопіць больш за 5,5 мільёнаў чалавек і будзе праводзіцца на добраахвотнай аснове. Пры гэтым першапачаткова Міністэрства аховы здароўя заяўляла, што масава прышчапляць беларусаў ад COVID-19 пачнуць у студзені.
Спачатку вакцынаваць будуць медработнікаў, настаўнікаў, работнікаў гандлю і тых, хто па абавязку прафесіі кантактуе з вялікай колькасцю людзей.
Што важна, вакцыну яны атрымаюць бясплатна. Дзмітрый Піневіч паведаміў, што на першым этапе плануецца прышчапіць 200 тысяч чалавек. Па планах, у першым квартале вакцыну атрымаюць 1,2 мільёна беларусаў, а ў наступстве яшчэ больш за 3 мільёны.
Аляксандр Лукашэнка, наведваючы 14 снежня 4-ю бальніцу, заявіў, што ў Беларусі магчымыя тры варыянты вакцынацыі: пачатак ўласнай вытворчасці, размяшчэнне у сябе вытворчасці на аснове расійскіх распрацовак і закупка вакцыны для груп рызыкі.
Пачаць выпускаць расійскую вакцыну на беларускіх магутнасцях плануюць ва II квартале 2021 года.
Тэги:
Парагвай зарэгістраваў расійскую вакцыну "Спутник V"
(абноўлена 17:48 15.01.2021)
У Паўднёвай Амерыцы прэпаратам ад каронавіруса ўжо прышчапляюць насельніцтва Аргенціны, Балівіі, Венесуэлы і Бразіліі.МІНСК, 15 сту – Sputnik. Міністэрства аховы здароўя Парагвая зарэгістравала вакцыну супраць COVID-19 "Спутник V", паведаміў у пятніцу Расійскі фонд прамых інвестыцый (РФПІ).
Вакцыну зарэгістравалі ў рамках паскоранай працэдуры, без правядзення дадатковых клінічных даследаванняў на тэрыторыі дзяржавы. Аналагічным чынам прэпарат быў зарэгістраваны раней у Аргенціне, Балівіі, Сербіі, Алжыры, Палестыне і Венесуэле.
Пастаўкі ў Парагвай забяспечаць дзякуючы міжнародным партнёрам РФПІ ў Індыі, Кітаі, Паўднёвай Карэі і іншых краінах.
Паводле слоў гендырэктара фонду Кірыла Дзмітрыева, многія краіны Лацінскай Амерыкі зацікаўлены ў расійскай вакцыне. Ён спадзяецца, што ў бліжэйшы час "Спутник V" атрымае адабрэнне ў шэрагу іншых дзяржаў рэгіёна.
Міністэрства аховы здароўя Расіі ў жніўні зарэгістравала першую ў свеце вакцыну для прафілактыкі COVID-19, распрацаваную цэнтрам імя Гамалеі, яна атрымала назву "Спутник V". Дырэктар цэнтра Аляксандр Гінцбург раней сказаў, што бяспека вакцыны цалкам даказаная, а эфектыўнасць "Спутник V" склала 91,4%.
Чытайце таксама:
- Амерыканскі карэспандэнт назваў "Спутник V" дасягненнем расійскіх навукоўцаў
- Пасол РФ: у лютым-сакавіку расійскую вакцыну пачнуць вырабляць у Беларусі
- У Расіі абверглі заяву аб тым, што вакцына "Спутник V" неправераная
Тэги:
Сутачная статыстыка Міністэрства аховы здароўя: на каронавірус захварэлі 1 941 чалавек
(абноўлена 17:25 15.01.2021)
З пачатку пандэміі інфекцыяй ў краіне заразіліся больш за 220 тысяч чалавек, тэсты на COVID-19 правялі амаль палове насельніцтва Беларусі.МІНСК, 15 сту – Sputnik. За мінулыя суткі ў краіне зарэгістраваны 1 941 пацыент з станоўчым тэстам на каронавірус, паведаміла ў пятніцу прэс-служба Міністэрства аховы здароўя.
Выпісалася пры гэтым пацыентаў больш - 2 054. Смяротная статыстыка таксама абнавілася - за мінулыя суткі памерлі 10 чалавек.
Усяго з пачатку распаўсюджвання каронавіруснай інфекцыі ў Беларусі захварэлі 221 604 чалавекі, а ачунялі 204 500 пацыентаў. Памерлі за гэты час ўжо 1 564 беларусы.
Айчынныя лабараторыі за мінулыя 24 гадзіны выканалі 24 888 тэстаў, а ўсяго ў краіне правялі 4 216 095 тэстаў на каронавірус.
Нагадаем, сутачны рэкорд па колькасці выпадкаў захворвання у Беларусі быў зарэгістраваны 12 снежня 2020 года – тады на COVID-19 захварэлі 1 975 чалавек.
Масавая вакцынацыя ад каронавіруса праходзіць у Беларусі з 29 снежня. Першымі прышчапляюць людзей з групы рызыкі: медыкаў, педагогаў і іншых. На наступным тыдні ў краіне завершыцца кантроль якасці чарговай партыі расійскай вакцыны "Спутник V", пасля чаго вакцынацыя медыкаў працягнецца.
Усяго на добраахвотнай аснове плануецца прышчапіць больш за 5,5 мільёна чалавек.
Чытайце таксама:
- Беларусы змогуць браць адпачынак для самаізаляцыі з-за COVID
- Антыбіётыкі "для прафілактыкі": піць ці не піць, раіць доктар Камароўскі
- СААЗ: другі год пандэміі можа апынуцца цяжэй папярэдняга
Тэги:
Тэмы:
Відэафакт: ракета Falcon 9 з турэцкім спадарожнікам стартавала ў Фларыдзе
(абноўлена 13:01 15.01.2021)
Ракета-носьбіт Falcon 9 з камунікацыйным спадарожнікам стартавала з касмадрома на мысе Канаверал у ЗША. Глядзіце на відэа, як прайшоў пуск.Першы старт у гэтым годзе звязаны з адпраўкай турэцкага тэлекамунікацыйнага спадарожніка Turksat 5A, які будзе забяспечваць перадачу сігналу для грамадзянскіх і ваенных патрэб.
У запуску была выкарыстана першая ступень ракеты Falcon, якая ўжо тройчы лятала - падчас адпраўкі на арбіту спадарожніка GPS і двух "Старлікаў".
На гэты раз першая ступень пасля завяршэння сваёй місіі села на плывучую платформу ў Атлантычным акіяне.
Пакуль першая ступень ракеты вярталася пасля адстыкоўкі, другая ступень працягнула палёт на арбіту.
Тэги: