СМІ: у Каліфорніі скончыліся месцы ў моргах з-за COVID-19
(абноўлена 09:07 04.01.2021)
ЗША займаюць першае месца ў свеце па колькасці выпадкаў COVID-19: там заразіліся ўжо больш за 20,4 мільёнаў чалавек.МІНСК, 3 сту – Sputnik. У моргах амерыканскага штата Каліфорнія скончыліся месцы з-за ўспышкі каронавіруса, паведамляе CTV News.
Супрацоўнікам даводзіцца вывозіць цела па 30 разоў на дзень. Гэта ў шэсць разоў больш, чым раней.
"Я працую ў пахавальнай індустрыі 40 гадоў і ніколі ў жыцці не думала, што аднойчы мне давядзецца казаць сем'ям, што для іх памерлых сваякоў няма месца", – сказала журналістам уладальнік пахавальнага бюро ў Лос-Анджэлесе Магда Мальданада.
У сувязі са складанай сітуацыяй у штаце запаволіўся працэс пахавання. Калі раней крэмацыя займала адзін-два дні, то цяпер працэдура можа зацягнуцца на тыдзень, паведамілі ў Каліфарнійскай асацыяцыі пахавальных бюро.
Па дадзеных універсітэта Джона Хопкінса, ЗША займаюць першае месца ў свеце па колькасці заражаных каронавірусам. За час пандэміі ў краіне выяўлена 20 430 802 выпадкі заражэння. Больш за 350 тысяч чалавек памерлі.
На другім месцы – Індыя, дзе COVID-19 пацвердзіўся ў 10 323 965 мясцовых жыхароў. Трэці радок займае Бразілія – 7 716 405 выпадкаў заражэння.
Чытайце таксама:
- Медык растлумачыў, як каронавірус паўплываў на іншыя інфекцыйныя хваробы
- Першыя прышчэпкі: як пачалася масавая вакцынацыя ад COVID ў Беларусі
- Урач назваў тэрміны, калі вакцынацыя рэальна спыніць пандэмію каронавіруса
Тэги:
Дрэнная вада: забаронена купацца ў пяці вадаёмах Беларусі
(абноўлена 14:58 19.06.2021)
На працягу тыдня спецыялісты санэпідслужбы абследавалі 329 зон рэкрэацыі. Было ўзята 806 проб вады. Многія з іх не адпавядаюць нарматыўным паказчыкам.МІНСК, 19 чэр - Sputnik. Санітарна-эпідэміялагічная служба забараніла купанне ў пяці вадаёмах Беларусі, паведамляе Рэспубліканскі цэнтр гігіены, эпідэміялогіі і грамадскага здароўя.
На працягу тыдня спецыялісты санэпідслужбы абследавалі 329 зон рэкрэацыі. Было ўзята 806 проб вады. Як высветлілася, 20 проб не адпавядалі гігіенічным нарматывам па санітарна-хімічных паказчыках, 12 - па мікрабіялагічных паказчыках.
Па выніках праверак абмежавана купанне ў зонах адпачынку Брэсцкай вобласці: пляжы "Цэнтральны" правы і левы бераг ракі Мухавец і цэнтральны пляж возера Алтушскае, а таксама на пляжы Вільчыцкага вадасховішча Магілёўскага раёна.
На Гомельшчыне пляж на Дняпры ў парку культуры і адпачынку "Прыдняпроўскі" ў Жлобіне зачынены для купання, але даступны для заняткаў воднымі відамі спорту.
Забаронена купанне і заняткі воднымі відамі спорту на чатырох пляжах ў Магілёве і Магілёўскім раёне: пляж на Грэбенеўскім вадасховішчы Магілёва; гарадскі пляж на Дняпры ў Магілёве; пляж на Пячэрскім вадасховішчы Магілёва і пляж на Дняпры ў аграгарадку Палыкавічы Магілёўскага раёна.
Між тым забароны на наведванне грамадзянамі лясных угоддзяў уведзены ўжо ў 25 раёнах Беларусі, паведамляе міністэрства лясной гаспадаркі рэспублікі.
Увядзенне падобных забарон - гэта вымушаны крок, каб пазбегнуць пажараў у лясных угоддзях рэспублікі. Па меры стабілізацыі пажаранебяспечнай абстаноўкі абмежаванні на наведванне лясоў аператыўна здымаюцца.
Чытайце таксама:
- Сіноптыкі абяцаюць спякоту на выхадных: будзе да +33°С
- "Мальдывы" без ПЦР: куды паехаць у Беларусі на выхадныя
- Егіпет, Турцыя - што яшчэ? Куды паляцець на адпачынак беларусам
Тэги:
З 1 ліпеня ўезд у Расію з Беларусі будзе магчымы па мабільнай праграме
(абноўлена 19:28 18.06.2021)
Праграма "Падарожнічаю без COVID" можа стаць абавязковай для прыезджых у Расію з краін ЕАЭС, у тым ліку з Беларусі.МІНСК, 19 чэр – Sputnik. На пасяджэнні Эканамічнага савета Садружнасці Незалежных Дзяржаў напярэдадні было ўзнята пытанне аб тым, каб урэгуляваць усе перамяшчэнні ў перыяд пандэміі.
З 1 ліпеня выкарыстанне мабільнай праграмы "Падарожнічаю без COVID-19" стане абавязковым для людзей, якія прыязджаюць у Расію з краін-членаў ЕАЭС. З 1 верасня такім будзе патрабаванне для грамадзян СНД.
"Усім краінам настойліва рэкамендавалі далучыцца", - заявіў на пасяджэнні віцэ-прэм'ер Расіі Аляксей Авярчук.
Навошта гэта трэба
Выступаючы раней на Пецярбургскім міжнародным эканамічным форуме, Авярчук падкрэсліў, што амаль усе ўрады ў свеце такія абмежаванні на перамяшчэнні людзей для сябе ўвялі, за вельмі рэдкім выключэннем.
"Нас гэта прывяло да таго, што мы таксама пачалі знаходзіць тэхналагічныя рашэнні, каб зняць гэтыя абмежаванні. Нарадзілася праграма "Падарожнічаю без COVID", якую мы плануем з пачатку ліпеня зрабіць абавязковай для дзяржаў-членаў ЕАЭС, па меншай меры, для ўезду ў Расійскую Федэрацыю", - цытуе Авярчука РІА Навіны.
©
Sputnik / Алексей Сухоруков
Зараз у праграме ў акне "краіна адпраўлення" можна выбраць шэсць дзяржаў: Арменію, Беларусь, Казахстан, Кыргызстан, Расію і Таджыкістан. Іх жа можна паказаць у акне "краіна прыбыцця".
Беларусь далучылася да праекта ЕАЭС "Падарожнічаю без COVID-19" у сакавіку 2021 года. Перадаваць дадзеныя ў сістэму будзе Нацыянальны цэнтр электронных паслуг ва ўзаемадзеянні з беларускім Міністэрствам аховы здароўя.
Праграма "Падарожнічаю без COVID-19"
Гэтая мабільная платформа была створана Еўразійскім банкам развіцця, яна дазваляе хутка знайсці пералік верыфікаваных лабараторый, здаць тэст на каронавірус, вынікі якога патрапяць у агульную з ЕАЭС сістэму. Пасля гэтага грамадзянін, які атрымаў адмоўны тэст, зможа бесперашкодна перамяшчацца паветраным транспартам у межах ЕАЭС без лішняй папяровай цяганіны. Спампаваць праграму можна бясплатна на Google Play і App Store.
У красавіку ўрад Расійскай Федэрацыі зрабіў тэрмін уезду па праграме бестэрміновым.
Чытайце таксама:
- Беларусь далучаецца да праекта ЕАЭС "Падарожнічаю без COVID-19"
- Мінздароўя павялічыла колькасць лабараторый, якія могуць рабіць платныя ПЦР-тэсты
- Праграму "Падарожнічаю без COVID-19" зараз можна ўстанавіць на смартфон
Тэги: