Уборка снегу ў Мінску

Урад Беларусі зацвердзіў план па гендэрнай роўнасці ў краіне

19
(абноўлена 12:33 06.01.2021)
Беларусь лічыцца краінай з высокім узроўнем гендэрнай роўнасці, але карціну псуе статыстыка па сямейным гвалце.

МІНСК, 6 сту – Sputnik. Савет міністраў Беларусі зацвердзіў Нацыянальны план дзеянняў па забеспячэнні гендэрнай роўнасці ў Беларусі на бліжэйшую пяцігодку. Згодна з дакументам, кожны год напачатку сакавіка ва ўрад будуць прадастаўляць дадзеныя па яго выкананню. Адпаведная пастанова Саўміна №793 размешчана на нацыянальным прававым партале ў сераду.

Беларусь у сусветным рэйтынгу лічыцца дзяржавай з дастаткова высокім узроўнем гендэрнай роўнасці, але эксперты прызнаюць, што сітуацыя ў сем'ях па адносінах да жанчын яшчэ з'яўляецца праблемай.

"Мэтай дзяржаўнай палітыкі ў галіне гендэрнай роўнасці з'яўляецца дасягненне і захаванне юрыдычнай і фактычнай роўнасці мужчын і жанчын, а таксама прадастаўленне роўных магчымасцей жанчынам і мужчынам для самарэалізацыі і развіцця ва ўсіх сферах грамадскіх адносін", - адзначаецца ў пастанове ўрада.

Каардынаваць і кантраляваць выкананне нацыянальнага плана будзе міністэрства працы і сацыяльнай абароны, а таксама прадастаўляць інфармацыю ва ўрад аб тым, як выконваюцца патрабаванні дакумента.

Роўнасць дасягнута?

Згодна з нацыянальнымі справаздачамі, працягласць жыцця жанчын у Беларусі амаль на 10 гадоў больш, чым у мужчын. Таксама высокі ўзровень эканамічнай актыўнасці жанчын і іх прадстаўленасці ў палітычнай сферы. У беларускім парламенце больш за 30% - жанчыны, пры тым, што сярэдні еўрапейскі паказчык - каля 24%.

У беларускіх жанчын узровень адукацыі вышэй, чым у мужчын, але, тым не менш, яны радзей займаюць кіруючыя пасады і ўзровень аплаты іх працы ніжэй.

Такім чынам, на рынку працы беларускія жанчыны, як і раней, знаходзяцца ў менш спрыяльным становішчы.

Акрамя таго, адной з найважнейшых сацыяльных і гендэрных праблем у Беларусі з'яўляецца гвалт у сям'і. Па статыстыцы МУС, кожная трэцяя беларуска сутыкалася з гвалтам дома.

Новы план

Як вынікае з новага пяцігадовага плана, развіццё гендэрнай палітыкі Беларусі будзе ажыццяўляцца па некалькіх напрамках:

  • выраўноўванне сацыяльна-эканамічных магчымасцей мужчын і жанчын,
  • садзейнічанне сумяшчэнню бацькоўскіх і прафесійных абавязкаў,
  • супрацьдзеянне гвалту ў сям'і і гандлю людзьмі.
19
Тэги:
Урад Беларусі, Беларусь, гендэрная роўнасць
Собака ў вадзе

Дрэнная вада: забаронена купацца ў пяці вадаёмах Беларусі

14
(абноўлена 14:58 19.06.2021)
На працягу тыдня спецыялісты санэпідслужбы абследавалі 329 зон рэкрэацыі. Было ўзята 806 проб вады. Многія з іх не адпавядаюць нарматыўным паказчыкам.

МІНСК, 19 чэр - Sputnik. Санітарна-эпідэміялагічная служба забараніла купанне ў пяці вадаёмах Беларусі, паведамляе Рэспубліканскі цэнтр гігіены, эпідэміялогіі і грамадскага здароўя.

На працягу тыдня спецыялісты санэпідслужбы абследавалі 329 зон рэкрэацыі. Было ўзята 806 проб вады. Як высветлілася, 20 проб не адпавядалі гігіенічным нарматывам па санітарна-хімічных паказчыках, 12 - па мікрабіялагічных паказчыках.

Па выніках праверак абмежавана купанне ў зонах адпачынку Брэсцкай вобласці: пляжы "Цэнтральны" правы і левы бераг ракі Мухавец і цэнтральны пляж возера Алтушскае, а таксама на пляжы Вільчыцкага вадасховішча Магілёўскага раёна.

На Гомельшчыне пляж на Дняпры ў парку культуры і адпачынку "Прыдняпроўскі" ў Жлобіне зачынены для купання, але даступны для заняткаў воднымі відамі спорту.

Бярозы ў блакітнай вадзе Новасібірскай ЦЭЦ-5
© Sputnik / Александр Кряжев

Забаронена купанне і заняткі воднымі відамі спорту на чатырох пляжах ў Магілёве і Магілёўскім раёне: пляж на Грэбенеўскім вадасховішчы Магілёва; гарадскі пляж на Дняпры ў Магілёве; пляж на Пячэрскім вадасховішчы Магілёва і пляж на Дняпры ў аграгарадку Палыкавічы Магілёўскага раёна.

Між тым забароны на наведванне грамадзянамі лясных угоддзяў уведзены ўжо ў 25 раёнах Беларусі, паведамляе міністэрства лясной гаспадаркі рэспублікі.

Увядзенне падобных забарон - гэта вымушаны крок, каб пазбегнуць пажараў у лясных угоддзях рэспублікі. Па меры стабілізацыі пажаранебяспечнай абстаноўкі абмежаванні на наведванне лясоў аператыўна здымаюцца.

Чытайце таксама:

14
Тэги:
Беларусь, вадаём, вада
Праграма Падарожнічаю без COVID-19

З 1 ліпеня ўезд у Расію з Беларусі будзе магчымы па мабільнай праграме

14
(абноўлена 19:28 18.06.2021)
Праграма "Падарожнічаю без COVID" можа стаць абавязковай для прыезджых у Расію з краін ЕАЭС, у тым ліку з Беларусі.

МІНСК, 19 чэр – Sputnik. На пасяджэнні Эканамічнага савета Садружнасці Незалежных Дзяржаў напярэдадні было ўзнята пытанне аб тым, каб урэгуляваць усе перамяшчэнні ў перыяд пандэміі.

З 1 ліпеня выкарыстанне мабільнай праграмы "Падарожнічаю без COVID-19" стане абавязковым для людзей, якія прыязджаюць у Расію з краін-членаў ЕАЭС. З 1 верасня такім будзе патрабаванне для грамадзян СНД.

"Усім краінам настойліва рэкамендавалі далучыцца", - заявіў на пасяджэнні віцэ-прэм'ер Расіі Аляксей Авярчук.

Навошта гэта трэба

Выступаючы раней на Пецярбургскім міжнародным эканамічным форуме, Авярчук падкрэсліў, што амаль усе ўрады ў свеце такія абмежаванні на перамяшчэнні людзей для сябе ўвялі, за вельмі рэдкім выключэннем.

"Нас гэта прывяло да таго, што мы таксама пачалі знаходзіць тэхналагічныя рашэнні, каб зняць гэтыя абмежаванні. Нарадзілася праграма "Падарожнічаю без COVID", якую мы плануем з пачатку ліпеня зрабіць абавязковай для дзяржаў-членаў ЕАЭС, па меншай меры, для ўезду ў Расійскую Федэрацыю", - цытуе Авярчука РІА Навіны.

У красавіку гэтага года на пасяджэнні міжурадкамісіі з удзелам кіраўнікоў урадаў Еўразійскага эканамічнага саюза ў Казані прэм'ер-міністр Расіі Міхаіл Мішусцін заявіў, што развіццё мабільнай праграмы "Падарожнічаю без COVID" дазволіць хутчэй аднавіць бяспечныя пасажырскія зносіны.

Зараз у праграме ў акне "краіна адпраўлення" можна выбраць шэсць дзяржаў: Арменію, Беларусь, Казахстан, Кыргызстан, Расію і Таджыкістан. Іх жа можна паказаць у акне "краіна прыбыцця".

Беларусь далучылася да праекта ЕАЭС "Падарожнічаю без COVID-19" у сакавіку 2021 года. Перадаваць дадзеныя ў сістэму будзе Нацыянальны цэнтр электронных паслуг ва ўзаемадзеянні з беларускім Міністэрствам аховы здароўя.

Праграма "Падарожнічаю без COVID-19"

Гэтая мабільная платформа была створана Еўразійскім банкам развіцця, яна дазваляе хутка знайсці пералік верыфікаваных лабараторый, здаць тэст на каронавірус, вынікі якога патрапяць у агульную з ЕАЭС сістэму. Пасля гэтага грамадзянін, які атрымаў адмоўны тэст, зможа бесперашкодна перамяшчацца паветраным транспартам у межах ЕАЭС без лішняй папяровай цяганіны. Спампаваць праграму можна бясплатна на Google Play і App Store.

У красавіку ўрад Расійскай Федэрацыі зрабіў тэрмін уезду па праграме бестэрміновым.

Чытайце таксама:

14
Тэги:
ЕАЭС, "Падарожнічаю без COVID-19", мабільная праграма, Беларусь, Расія, уезд