Рэзкае зніжэнне: у Беларусі за суткі на каронавірус захварэлі 699 чалавек
(абноўлена 17:41 02.02.2021)
Ад пачатку пандэміі ў краіне захварэлі на інфекцыю ўжо амаль 250 тысяч чалавек, больш за 10 тысяч яшчэ ў бальніцах.МІНСК, 2 лют – Sputnik. За мінулыя суткі ў Беларусі захварэлі на каронавірус 699 чалавек, такія дадзеныя ў аўторак прыводзіць Міністэрства аховы здароўя рэспублікі.
За мінулыя суткі з бальніц выпісаны 662 пацыенты, памерлі дзевяць. Усяго з пачатку пандэміі ў краіне зарэгістравана 249 тысяч 994 чалавекі са станоўчым тэстам на COVID. Ачунялі за гэты час 237 178 пацыентаў. Ад пачатку пандэміі ахвярамі віруса сталі 1 737 беларусаў.
За мінулыя суткі лабараторыі выканалі 6 522 тэсты, за ўвесь перыяд пандэміі правялі 4 488 821 тэст.
Усяго ў свеце захварэлі на каронавірус больш за 102 мільёны чалавек, памерлі ад яго больш за два мільёны пацыентаў.
У апошнія дні ў краіне намецілася тэндэнцыя да зніжэння захворвання. Новыя дадзеныя ў паўтара раза менш, чым у панядзелак (959 выпадкаў) і амаль у тры разы менш, чым у нядзелю (1766). Як паведамілі напярэдадні ў Міністэрстве аховы здароўя, эпідсітуацыя ў Беларусі дазваляе вяртаць бальніцы да звыклага рэжыму працы і паступова вызваляць іх ад функцый часовых інфекцыйных стацыянараў.
Тым часам, прышчэпачная кампанія працягваецца ў Беларусі, цяпер расійскай вакцынай "Спутник V" вакцынуюць медыкаў, якія знаходзяцца ў зоне рызыкі. Па планах, вырабляць расійскі прэпарат у нашай рэспубліцы пачнуць ужо ў лютым-сакавіку.
Нядаўна Акадэмія навук Беларусі паведаміла, што ў краіне стартавалі работы па распрацоўцы сваёй вакцыны. Спецыялісты лічаць, што беларуская вакцына супраць каронавіруса з'явіцца ўжо ў наступным годзе.
Чытайце таксама:
- Вынікі 3-й фазы даследаванняў "Спутник V" апублікаваны ў The Lancet
- Якой будзе беларуская вакцына ад каронавіруса? Запыталіся ў навукоўцаў
- Брытанскі вірус-мутант падбіраецца да межаў Беларусі: ён цяпер і ў Літве
Тэги:
Ціханоўскую не выключалі з міждзяржаўнай базы вышуку СНД
(абноўлена 17:24 16.06.2021)
У канцы траўня 2021 года была агучана інфармацыя аб тым, што экс-кандыдата ў прэзідэнты Беларусі не шукаюць на тэрыторыі Расіі, але яна працягвае заставацца ў базе асоб, абвешчаных Мінскам у вышук.МІНСК, 16 чэр – Sputnik. Апазіцыйнага палітыка і экс-кандыдата ў прэзідэнты Беларусі Святлану Ціханоўскую не выключылі з базы дадзеных асоб, якія абвешчаны ў міждзяржаўны вышук, паведамілі Sputnik інфармаваныя крыніцы ў беларускіх праваахоўных органах.
У канцы сакавіка 2021 года Генеральная пракуратура Беларусі распачала крымінальную справу за падрыхтоўку акта тэрарызму ў дачыненні да Святланы Ціханоўскай і ўдзельнікаў ініцыятывы BYPOL. Беларускія праваахоўныя органы аб'явілі Ціханоўскую ў міждзяржаўны вышук, яна была занесена ў адпаведную базу асоб.
"Па Ціханоўскай нічога не памянялася", - заявіла Sputnik крыніца ў праваахоўных органах, знаёмая з ходам расследавання справы, адказваючы на пытанне ці памяняўся яе працэсуальны статус і ці выкрэслілі яе прозвішча з базы дадзеных асоб, якiя адшукваюцца.
Пытанне з Ціханоўскай у спісках асоб, якiя адшукваюцца, паўстала на гэтым тыдні, калі з'явілася інфармацыя што па ініцыятыве беларускага боку яна была выключана з гэтай базы. Суразмоўца агенцтва растлумачыў, што "маглі паўстаць розначытанні".
У сувязі з гэтым ён нагадаў, што ў канцы траўня 2021 года была агучана інфармацыя, што Ціханоўскую больш не шукаюць на тэрыторыі Расіі. "Хто яе будзе шукаць у Расіі, калі ўсім вядома, што яна знаходзіцца на тэрыторыі Еўрасаюза", - сказаў суразмоўца агенцтва.
Крымінальная справа
Як раней паведамлялася са спасылкай на генеральнага пракурора Беларусі Андрэя Шведа, падставай для распачынання справы ў дачыненні да Ціханоўскай па артыкуле 289 Крымінальнага кодэкса сталі матэрыялы, прадастаўленыя КДБ і МУС Беларусі. Акрамя гэтага, Ціханоўская занесена КДБ Беларусі ў спіс асоб, маючых дачыненне да тэрарыстычнай дзейнасці.
©
Sputnik / Алексей Витвицкий
Акрамя гэтага, адзначыў кіраўнік галоўнага нагляднага ведамства, генпракуратура даручыла КДБ неадкладна арганізаваць міжнародны вышук фігурантаў справы і падрыхтаваць пакет дакументаў аб іх выдачы, які потым будзе накіраваны ў кампетэнтныя органы Літвы і Польшчы. Інфармацыі аб тым, што Ціханоўская па просьбе беларускага боку занесена ў міжнародны спіс асоб, якiя адшукваюцца, няма.
Таксама Ціханоўская праходзіць фігурантам па крымінальнай справе, узбуджанай у дачыненні да членаў Каардынацыйнага савета апазіцыі па частцы 1 артыкула 361 КК Беларусі - "за публічныя заклікі да захопу дзяржаўнай улады, гвалтоўнай змены канстытуцыйнага ладу рэспублікі або здзяйснення іншых дзеянняў, накіраваных на прычыненне шкоды нацыянальнай бяспецы краіны".
Чытайце таксама:
- "Подласць небывалая": Захарава пра заявы Ціханоўскай у Кангрэсе ЗША
- КДБ РБ унёс у спіс маючых дачыненне да тэрарызму Ціханоўскую і Латушку
- Генпракурор: у дачыненні да Ціханоўскай і BYPOL распачата справа за тэрарызм
Тэги:
Маскалькова абмяркуе з паслом Сямашкам лёс расіянкі Сапегі
(абноўлена 16:08 16.06.2021)
Расіянка, якой у Беларусі прад'яўлена абвінавачанне па крымінальным артыкуле, з траўня знаходзіцца ў СІЗА КДБ.МІНСК, 16 чэр – Sputnik. Упаўнаважаны па правах чалавека ў Расійскай Федэрацыі Таццяна Маскалькова абмяркуе з беларускім паслом Уладзімірам Сямашкам лёс затрыманай у Мінску расіянкі Сафіі Сапегі.
Сапега была знята з самалёта ірландскай кампаніі Ryanair, які экстранна сеў у Мінску 23 траўня. У Беларусі расіянка праходзіць па дзвюх крымінальных справах.
"Мы на сувязі з пасольствам (Беларусі), да мяне зваротаў не паступала… Я таксама планую асабіста звязацца з паслом Беларусі, вельмі важна, каб нашы грамадзяне адчувалі, што ім аказваецца дапамога, дзе б яны ні знаходзіліся", - заявіў амбудсмен Маскалькова ў сераду ў Маскве.
Як заявіў на прэс-канферэнцыі кіраўнік Следчага камітэта Беларусі Дзмітрый Гара, Сафія Сапега знаходзілася ў поле зроку беларускіх сілавікоў яшчэ з канца мінулага года як адміністратар прызнанага экстрэмісцкім Telegram-канала.
"Сафія Сапега была затрымана ў аэрапорце па падазрэнні ў здзяйсненні злачынства, прадугледжанага артыкулам 342, гэта ўдзел у масавых беспарадках, але практычна адразу яна была прыцягнута ў якасці абвінавачанай па іншай крымінальнай справе, якая расследуецца па частцы 3 артыкула 130 - гэта распальванне сацыяльнай варожасці і звады", - удакладніў ён.
Кіраўнік СК дадзеныя меры растлумачыў тым, што Сапега была адміністратарам прызнанага экстрэмісцкім Telegram-канала "Чорная кніга Беларусі", дзе выкладвалі дадзеныя сілавікоў і дзяржслужачых.
Чытайце таксама:
- СПЧ будзе дамагацца экстрадыцыі Сапегі ў Расію
- У ЕС узгаднілі новыя санкцыі супраць Беларусі
- СК Беларусі распавёў у чым абвінавачваюць расіянку Сапегу
- Суд у Мінску разгледзеў скаргу расіянкі Сапегі
- Расіянка Сафія Сапега даслала першыя лісты з СІЗА КДБ
- Мінск афіцыйна паведаміў РФ аб тэрміне арышту Сафіі Сапегі
- ЕГУ запатрабаваў вызваліць затрыманую разам з Пратасевічам студэнтку
Тэги:
Байдэн пагаварыў з Пуціным пра Беларусь
(абноўлена 21:43 16.06.2021)
Прэзідэнт ЗША Джо Байдэн сёння ўпершыню ў якасці кіраўніка дзяржавы сустрэўся са сваім расійскім калегам Уладзімірам Пуціным, па выніках саміту амерыканскі лідэр выступіў на прэс-канферэнцыі.МІНСК, 16 чэр – Sputnik. Прэзідэнт ЗША Джо Байдэн падчас сустрэчы з расійскім калегам Уладзімірам Пуціным абмеркаваў сітуацыю ў Беларусі.
Паводле яго слоў, ён паведаміў расійскаму калегу аб заклапочанасці ЗША з нагоды сітуацыі ў Беларусі
"Ён не не пагадзіўся са мной, ён задаў пытанне: "Што мы можам зрабіць з гэтай нагоды?" - сказаў Байдэн.
Падрабязнасці абмеркаванняў амерыканскі лідэр раскрываць не стаў.
Першая сустрэча прэзідэнтаў Расіі і ЗША пасля абрання Байдэна на высокую пасаду доўжылася суткі і складалася з трох частак: вузкай і двух пашыраных.
Раней прэс-сакратар прэзідэнта РФ Дзмітрый Пяскоў паведамляў, што Пуцін не плануе падымаць тэму Беларусі на сустрэчы з прэзідэнтам ЗША, але гатовы даць тлумачэнні, калі Вашынгтон сам яе закране.
А старэйшы дырэктар па Расіі і Цэнтральнай Азіі Савета нацыянальнай бяспекі пры Белым доме Эрык Грын адзначаў, што Джо Байдэн разлічвае абмеркаваць з расійскім калегам сітуацыю ў Беларусі і нормы грамадзянскай авіяцыі
"(...) мы будзем гаварыць пра Беларусь і неабходнасць захавання норм грамадзянскай авіяцыі, якія, як мы бачым, груба парушаліся ў апошнія тыдні", - заявіў Грын.
Чытайце таксама:
- Пуцін: Расія і ЗША дамовіліся вярнуць паслоў
- Прэс-канферэнцыя Пуціна на саміце Расія - ЗША ў Жэневе
- Як прайшла сустрэча Пуціна і Байдэна ў Жэневе
Тэги: