Пасажыр на новай пасадачнай платформе з перонам на Беларускім вакзале Масквы

Беларусаў пусцяць на цягнікі ў Расію толькі з ПЦР-тэстам

47
(абноўлена 22:49 05.02.2021)
Чыгуначныя зносіны паміж Беларуссю і Расіяй былі прыпынены больш чым на 10 месяцаў, у лютым цягнікі пачнуць хадзіць у Маскву, Санкт-Пецярбург і Калінінград.

МІНСК, 6 лют – Sputnik. Галоўная ўмова праезду на пасажырскіх цягніках па маршрутах Мінск - Масква - Мінск, Масква - Калінінград, Калінінград - Санкт-Пецярбург з прыпынкам у Мінску стане наяўнасць адмоўнага ПЦР-тэсту ў пасажыраў, паведамілі ў прэс-цэнтры БЧ.

Арыгінал або копію дакумента, які пацвярджае адмоўны вынік даследавання, трэба будзе мець пры сабе на папяровым або электронным носьбіце. ПЦР-тэст на каронавірус неабходна зрабіць не пазней трох сутак (72 гадзіны) да даты перасячэння дзяржаўнай мяжы.

"У медыцынскім дакуменце павінны быць указаны прозвiшча, iмя, iмя па бацьку (калі такое маецца) грамадзяніна, дата правядзення і вынік лабараторнага даследавання на інфекцыю COVID-19 - на беларускай, ці рускай, ці англійскай мове", - адзначылі ў Беларускай чыгунцы.

Там дадалі, што ўсе пасажыры ў цягніку абавязаны будуць знаходзіцца ў масках. Праехаць у цягніках па маршрутах Мінск - Масква - Мінск, Масква - Калінінград, Калінінград - Санкт-Пецярбург з прыпынкам цягнікоў у Мінску змогуць толькі грамадзяне Беларусі і Расіі.

Прэм'ер-міністр РФ Міхаіл Мішусцін падпісаў дакументы аб аднаўленні чыгуначных зносін з Беларуссю 3 лютага. Цягнікі на ўзаемнай аснове будуць хадзіць з 8 лютага 2021 года. Нагадаем, што пасажырскія чыгуначныя перавозкі паміж дзвюма краінамі былі прыпынены з-за пандэміі ў канцы сакавіка 2020 года.

Аднаўленне авіязносін

У студзені стала таксама вядома, што зняты абмежаванні па пералётах з Беларусі ў Расію - раней авіярэйсы прымаў толькі аэрапорт Дамадзедава. З 27 студзеня беларусам даступны 20 пунктаў паветранага пропуску РФ. Пры гэтым наяўнасць адмоўных тэстаў на каронавірус таксама абавязкова.

Вынікі павінны быць загружаны ў праграму "Падарожнічаю без COVID-19". Праграма знаходзіць бліжэйшыя медыцынскія ўстановы, у якіх можна здаць аналіз на каронавірус перад адлётам. Пасля таго, як чалавек здасць ПЦР-тэст, вынікі даследаванняў загружаюцца ў праграму ў выглядзе QR-кода. Пры перасячэнні мяжы неабходна яго прасканаваць.

Каб прадухіліць распаўсюджванне каронавіруснай інфекцыі, Расія прыпыніла міжнародныя авіязносіны з 27 сакавіка 2020 года. "Белавія" аднавіла пералёты ў РФ у верасні - рэйс лётаў адзін раз на тыдзень і квіткі на яго каштавалі нятанна.

Чытайце таксама:

47
Тэги:
Беларусь, Расія, "Белавія", Беларуская чыгунка
Вакцынацыя ад COVID-19

Расійскую вакцыну "Спутник V" зарэгістравалі ў Гватэмале

12
(абноўлена 18:00 25.02.2021)
Гватэмала стала 37-й па ліку краінай, дзе ўхвалена прымяненне расійскага прэпарата, які ўвайшоў у топ-3 сусветных вакцын супраць каронавіруса па колькасці атрыманых адабрэнняў.

МІНСК, 25 лют – Sputnik. Расійская вакцына "Спутник V" зарэгістравана ў Гватэмале, гэта ўжо трэцяя краіна Цэнтральнай Амерыкі, якая адобрыла прэпарат, перадае Расійскі фонд прамых інвестыцый (РФПІ).

"РФПІ аб'яўляе аб рэгістрацыі расійскай вакцыны супраць каронавіруса "Спутник V" міністэрствам аховы здароўя Рэспублікі Гватэмала", - распавялі ў фондзе.

Там адзначылі, што рэгістрацыя прэпарата была ажыццёўлена ў паскораным парадку.

"Бяспечная і эфектыўная расійская вакцына прызнана па ўсім свеце і з'яўляецца адным з ключавых інструментаў для барацьбы з пандэміяй", - паведаміў кіраўнік РФПІ Кірыл Дзмітрыеў.

На дадзены момант расійская вакцына "Спутник V" зарэгістравана ў Расіі, Беларусі, Аргентыне, Балівіі, Сербіі, Алжыры, Палестыне, Венесуэле, Парагваі, Туркменістане, Венгрыі, ААЭ, Іране, Рэспубліцы Гвінея, Тунісе, Арменіі, Мексіцы, Нікарагуа, Рэспубліцы Сербскай (энтытэт Босніі і Герцагавіны), Ліване, М'янме, Пакістане, Манголіі, Бахрэйне, Чарнагорыі, Сэнт-Вінсэнце і Грэнадынах, Казахстане, Узбекістане, Габоне, Сан-Марына, Гане, Сірыі, Кыргызстане, Гаяне, Егіпце і Гандурасе.

Чытайце таксама:

12
Тэги:
Гватэмала, Расія, вакцына, каронавірус
Тэмы:
Расійскія вакцыны ад каронавіруса
У ходзе круглага стала быў прадстаўлены трансмедыйны гістарычны праект РІА Навіны Нюрнберг. Начало мира

У агенцтве "Россия сегодня" прадставілі праект "Бессмертная память"

13
(абноўлена 18:11 25.02.2021)
У ходзе круглага стала быў прадстаўлены трансмедыйны гістарычны праект РІА Навіны "Нюрнберг. Начало мира", які стартаваў у год 75-годдзя галоўнага судовага працэсу ХХ стагоддзя.

МІНСК, 25 лют – Sputnik. Круглы стол на тэму "Нацистский геноцид: новые документы и материалы" з удзелам спікераў Асамблеі народаў Еўразіі і экспертаў мультымедыйнага праекта РІА Навіны "Нюрнберг. Начало мира" прайшоў у прэс-цэнтры медыягрупы "Россия сегодня" у Маскве. Круглы стол у фармаце тэлемоста аб'яднаў удзельнікаў з Расіі, Латвіі, Казахстана і Таджыкістана.

Ключавой тэмай абмеркавання стала прэзентацыя міжнароднага праекта Асамблеі "Бессмертная память", задача якога - выявіць і аблічбаваць ўвесь масіў дадзеных пра злачынствы нацыстаў супраць грамадзян СССР з замежных архіваў. У праект таксама ўвойдуць матэрыялы, апублікаваныя па завяршэнні Нюрнбергскага трыбунала, які першым у гісторыі прызнаў агрэсію найцяжэйшым крымінальным злачынствам і аддаў публічнай агалосцы злачынствы нацыстаў супраць свету і чалавечнасці.

Генеральны сакратар Асамблеі народаў Еўразіі Андрэй Бельянінаў у сваім выступленні адзначыў: "Да захавання гістарычнай памяці ўсё больш актыўна падключаецца грамадскасць - расійская і сусветная. Праца Міжнароднага арганізацыйнага камітэта праекта "Бессмертная память" па захаванні гістарычна каштоўнаснай спадчыны Вялікай Айчыннай і Другой сусветнай войнаў адначасова адказвае інтарэсам Расіі і ўсіх краін - пераможцаў і саюзнікаў.

Запатрабаванасць такой грамадскай структуры становіцца яшчэ больш відавочнай, калі ўлічыць беспрэцэдэнтную антырасійскую прапагандысцкую кампанію, разгорнутую ў апошнія гады. Па ўсім свеце стала нашмат складаней арганізоўваць і праводзіць мерапрыемствы, звязаныя з памятаннем нават такіх адназначных па сваім ідэалагічным змесце падзей, як разгром фашызму Савецкім Саюзам і краінамі антыгітлераўскай кааліцыі.

Найважнейшай задачай Міжнароднага арганізацыйнага камітэта праекта "Бессмертная память" з'яўляецца стварэнне агульнага электроннага банка дакументаў аб нацысцкіх злачынствах, а таксама стварэнне адзінай картатэкі нацыстаў і іх памагатых, якія ўчынілі злачынствы супраць міру і чалавечнасці. Гэтая дастойная навукова-арганізацыйная задача выпадае на долю нашага пакалення. Яе выкананне будзе спрыяць аднаўленню гістарычнай справядлівасці і стане надзейнай перашкодай тым, хто спрабуе перапісаць гісторыю, рэабілітаваць нацызм і ачарніць вялікую перамогу савецкага народа і ўсіх краін і народаў - пераможцаў нацызму".

В агентстве Россия сегодня презентовали проект Бессмертная память
© Sputnik / Владимир Трефилов
У агенцтве "Россия сегодня" прадставілі праект "Бессмертная память"

У ходзе круглага стала быў таксама прадстаўлены трансмедыйны гістарычны праект РІА Навіны "Нюрнберг. Начало мира" (http://nuremberg.media), які стартаваў у год 75-годдзя галоўнага судовага працэсу ХХ стагоддзя. У яго межах на партале nuremberg.media і ў сацсетках праекта штодня публікуюцца матэрыялы, прысвечаныя Нюрнбергскаму трыбуналу, на рускай, нямецкай, французскай і англійскай мовах.

Сваім чытачам на працягу года праект прэзентуе ўнікальныя архіўныя і музейныя сведчанні, фатаграфіі, малюнкі, кінахроніку, што дасць ім магчымасць перажыць працэс дзень за днём. У аснове праекта - сведчанні ад першай асобы, атрыманыя аўтарамі з расійскіх і замежных архіваў, якія вывучаюць спадчыну Нюрнберга. Дапоўняць іх выставы, падкасты, паблік-токі, перформансы. Часткай праекта стане і ўнікальная VR-рэканструкцыя па гісторыях галоўных адказчыкаў Трыбунала.

"Пытанне аб дакументах, якія раскрываюць злачынствы нацызму - адзін з ключавых для праекта. Мы праводзім шмат часу ў архівах, працуем з апублікаванымі матэрыяламі - фота, відэа, гук, машынапіс. У цэнтры нашых публікацый заўсёды дакумент. Гэтыя сведчанні такой сілы, што часам нават загартаваныя нашы калегі адчуваюць эмацыйныя цяжкасці ў працы над тэмай. Таму мы з вялікай увагай ставімся да гэтай найважнейшай працы па пошуку і аблічбоўцы дакументаў, звязаных з злачынствамі супраць мірнага насельніцтва СССР - гэты пласт гістарычнай памяці яшчэ трэба будзе вывучыць", - адзначыла ў ходзе круглага стала кіраўнік праекта "Нюрнберг. Начало мира", журналіст і пісьменнік Наталля Осіпава.

У ходзе круглага стала была дасягнута дамоўленасць аб публікацыі абраных матэрыялаў праекта "Бессмертная память" па факце злачынстваў нацыстаў супраць грамадзян СССР на партале nuremberg.media.

13
Тэги:
Россия сегодня