Мароз у Мінску

Лукашэнка раскрыў падрабязнасці сацыялагічнага даследавання ў Беларусі

20
(абноўлена 14:27 08.02.2021)
Грамадскія настроі ў рэспубліцы ўлады вырашылі вывучыць напярэдадні правядзення чарговага Усебеларускага народнага сходу.

МІНСК, 8 лют – Sputnik. Выступаць на Усебеларускім народным сходзе, не ведаючы глыбінных настрояў у грамадстве, вельмі складана, пра гэта сказаў кіраўнік дзяржавы ў Палацы Незалежнасці ў ходзе нарады аб падрыхтоўцы УНС.

Паводле яго слоў, беларускім уладам трэба будзе правесці шмат працы, якая падразумявае не толькі выступленні, заключэнні і рэзалюцыі ў ходзе VI УНС, але матэрыялы яго ўласнага дакладу.

Глыбокае вывучэнне настрояў

Аляксандр Лукашэнка нагадаў аб сацыялагічным даследаванні, якое прайшло ў Беларусі на працягу месяца ў некалькі этапаў. Усяго ў сацапытанні прыняло ўдзел каля 10 тысяч беларусаў.

"Гэта, можна сказаць, глыбокае вывучэнне настрояў у нашым грамадстве. Гэта ў 10 разоў больш, чым звычайна сацыёлагі даследуюць па тых ці іншых пытаннях групы людзей", - адзначыў ён.

Пасля чаго дадаў, што на першым этапе вывучаліся настроі гарадскіх жыхароў. У тым ліку "прадпрыемствы былі даследаваны сярэдняга ўзроўню (па настроях). Гэта значыць, не самыя адданыя ўладзе, але і не самыя апазіцыйныя - узялі сярэдзіну".

На другім этапе даследаванняў вывучалася грамадская думка насельніцтва ў цэлым, "пачынаючы ад сёл і вёсак, і заканчваючы горадам Мінскам".

Самая высокая аб'ектыўнасць даследаванняў

Беларускі лідэр звярнуў увагу, што цяпер вынікі праведзеных даследаванняў праходзяць стадыю абагульнення. У тым ліку гэта важна і для кіраўніка дзяржавы.

"Таму што выступаць на Усебеларускім народным сходзе, планаваць нешта, не ведаючы глыбінных настрояў у грамадстве, гэта вельмі складана. Таму было праведзена вывучэнне настрояў нашых людзей", - цытуе Аляксандра Лукашэнку БелТА.

Прычым ён выказаў упэўненасць, што ў сацыялагічных даследаваннях у рэспубліцы самая высокая аб'ектыўнасць. Сацапытанні таксама праводзілі і замежныя спецыялісты.

"Яны будуць, перш за ўсё, падводзіць вынікі. І нашы працавалі - і дзяржаўныя, і прыватныя сацыялагічныя арганізацыі", - запэўніў беларускі лідэр.

Пасля чаго падзякаваў усім, хто прыняў удзел у апытаннях ў якасці рэспандэнта. Самі даследаванні праходзілі на ўмовах ананімнасці.

"Гэта будзе мець вялікае значэнне для выпрацоўкі будучых праграм і будучыні руху нашай краіны ў тым ці іншым напрамку", - рэзюмаваў Аляксандр Лукашэнка.

Чытайце таксама:

20
Тэги:
Беларусь, Аляксандр Лукашэнка, Усебеларускі народны сход
Тэмы:
VI Усебеларускі народны сход (52)
Аўтамабілі ў пробцы, архіўны фотаздымак

Усё аб транспартным падатку: як налічваецца і як плаціць?

27
(абноўлена 16:58 26.02.2021)
У Беларусі замест дзяржпошліны за допуск аўтамабіля да ўдзелу ў дарожным руху ўведзены транспартны падатак. Міністэрства па падатках і зборах растлумачыла падрабязнасці.

МІНСК, 26 лют – Sputnik. Транспартны падатак уведзены з 1 студзеня 2021 года, вылічацца ён будзе з 1-га чысла месяца, наступнага за месяцам, у якім скончыўся тэрмін дзеяння дазволу на допуск транспартнага сродку да ўдзелу ў дарожным руху, за выдачу якога была выплачана дзяржаўная пошліна, паведамляе МПЗ.

Сітуацыю ведамства разабрала на канкрэтным прыкладзе: "Дапусцім, грамадзянін выплаціў дзяржаўную пошліну і атрымаў дазвол на допуск транспартнага сродку да ўдзелу ў дарожным руху ў чэрвені 2020 года. Тэрмін дзеяння дазволу мінае 30.06.2021. Адпаведна, транспартны сродак грамадзяніна будзе вызвалены ад транспартнага падатку на перыяд тэрміну дзеяння дазволу, а менавіта, з 1 студзеня па 30 чэрвеня 2021 года".

Колькі трэба будзе заплаціць?

Памер транспартнага падатку залежыць ад дазволенай максімальнай масы аўтамабіля. Менш за ўсіх будуць плаціць уладальнікі "легкавікоў", вага якіх да 1,5 тоны: на дадзены момант гэта 61 рубель. Калі аўто важыць ад 1,5 да 1,75 тоны, заплаціць трэба будзе 81 рубель, ад 1,75 да 2 тон - 102 рублі, ад 2 да 2,25 тоны - 122 рублі, ад 2,25 да 2,5 тоны - 142 рублі, ад 2,5 да 3 тон - 162 рублі, больш за 3 тоны - 223 рублі. За матацыкл плата складзе 41 рубель.

"Плаціць транспартны падатак трэба будзе адзін раз у год. Паведамленні з падатковай інспекцыі аўтаўладальнікі-фізічныя асобы будуць атрымліваць да 1 верасня. На выплату ўзносу даюць паўтара месяца - не пазней за 15 лістапада", - растлумачылі ў МПЗ.

Грамадзянам, якія не прайшлі тэхагляд да 1 студзеня 2021, неабходна будзе ўнесці авансавы плацёж - 1 базавую велічыню (з 1 студзеня - 29 рублёў) за кожны транспартны сродак. Зрабіць гэта трэба да 15 снежня бягучага года. Што тычыцца прычэпаў, матацыклаў, сума авансу складзе 20 рублёў. Даплату падатку неабходна будзе здейсніць да 15 лістапада 2022 года пасля атрымання паведамлення падатковага органа.

Што рабіць з аўтахламам?

Што тычыцца транспартных сродкаў, непрыдатных для эксплуатацыі, іх уладальнікам для атрымання вызвалення ад выплаты транспартнага падатку неабходна зняць "аўто" з уліку ў ДАІ МУС да 1 ліпеня 2021 года.

"Вылічэнне транспартнага падатку для такіх аўтаўладальнікаў будзе спыняцца з 1-га чысла месяца, наступнага за месяцам, у якім транспартны сродак быў зняты з уліку", - распавялі ў МПЗ.

Калі транспартны сродак прадалі, то для новага ўладальніка падатак будзе вылічацца з 1-га чысла месяца, наступнага за месяцам, у якім праведзена дзяржаўная рэгістрацыя аўтамабіля або матацыкла.

Хто вызвалены ад выплаты транспартнага падатку?

У Падатковым кодэксе прадугледжаны шырокі пералік катэгорый плацельшчыкаў, з якіх не будзе спаганяцца транспартны падатак. Так, плаціць не прыйдзецца кіроўцам, чые аўто выбылі з іх уласнасці ў выніку супрацьпраўных дзеянняў - згону або крадзяжу.

Такая ж сітуацыя з транспартнымі сродкамі, якія выкарыстоўваюцца для аказання медыцынскай дапамогі, у тым ліку "хуткімі".

Вызваляюцца ад выплаты дзяржорганы, суды, органы пракуратуры, войскі і воінскія фарміраванні, а таксама арганізацыі, уключаныя ў пералік тых, што выконваюць перавозкі транспартам агульнага карыстання.

"Аб'ектам падаткаабкладання транспартным падаткам не з'яўляюцца транспартныя сродкі, выпушчаныя да 1 студзеня 1992 года, а таксама тыя аўто, на якія няма звестак аб даце выпуску", - удакладнілі ў МПЗ.

Уладальнікам электрамабіляў таксама пакуль не трэба плаціць гэты від падатку.

Не будзе праводзіцца падлік і ў дачыненні да транспартных сродкаў, якія выкарыстоўваюць для аказання меддапамогі, сацабслугоўвання. Да прыкладу, да аўто з надпісам: "Сацыяльная служба" або машыны, спецыяльна абсталяванай для выкарыстання інвалідамі.

Ці прадугледжаны льготы?

Ветэраны, інваліды I або II групы, пенсіянеры атрымліваюць 50-працэнтную скідку ад поўнай падатковай стаўкі. На 25% менш заплацяць інваліды III групы. Зніжку дадуць пры наяўнасці ў плацельшчыка (льготніка) сапраўднага пасведчання кіроўцы адпаведнай катэгорыі.

За грамадзянамі захавана права звяртацца ў мясцовыя органы ўлады з просьбай знізіць падатак або вызваліць ад яго выплаты, калі яны знаходзяцца ў цяжкай жыццёвай сітуацыі.

Больш падрабязную інфармацыю па пытаннях падаткаабкладання можна атрымаць у тэлефоннай даведачнай сістэме падатковых органаў па тэлефоне (017) 229 79 79 або 189 (стацыянарная сетка).

Чытайце таксама:

27
Тэги:
Пошліна, аўтамабіль, Беларусь, Міністэрства па падатках і зборах РБ, Падаткі
Будаўніцтва драўлянага дома

Лукашэнка дазволіў будаваць дамы без ўзгаднення з нагляднымі органамі

14
(абноўлена 17:24 26.02.2021)
Прэзідэнт падпісаў указ, згодна з якім можна будзе ўзводзіць аднакватэрныя жылыя дамы і садовыя домікі без атрымання пагаднення аб тым, што яны адпавядаюць патрабаванням бяспекі.

МІНСК, 26 лют – Sputnik. У Беларусі спрасцілі некаторыя будаўнічыя нормы, адпаведны ўказ падпісаў прэзідэнт краіны Аляксандр Лукашэнка.

Указ № 58 "Аб ажыццяўленні будаўнічай дзейнасці" прыняты для стымулявання прадпрымальніцкай ініцыятывы, паведамляе прэс-служба прэзідэнта рэспублікі.

Згодна з дакументам, у Беларусі зараз будзе дазволена ўводзіць у эксплуатацыю некаторыя пабудовы без ўзгаднення з нагляднымі органамі. Такім чынам, іх пісьмовае заключэнне аб тым, што пабудова адпавядае ўсім патрабаванням і нормам бяспекі, не спатрэбіцца.

Указ распаўсюджваецца на аднакватэрныя і блакіраваныя жылыя дамы (да такіх можна аднесці таунхаусы) вышынёй да 7 м. Акрамя таго, не спатрэбіцца ўзгадненняў пры ўзвядзенні садовых домікаў, гаспадарчых пабудоў на прысядзібных, садовых і дачных участках, будынкаў і збудаванняў аграэкатурызму, дарог, ліній электразабеспячэння і сувязі.

У дакуменце таксама прапісаны нормы рэзервавання сродкаў для падрадчыкаў.

"Указ, у прыватнасці, прадугледжвае зніжэнне памеру рэзервавання сродкаў, якія прызначаны для выканання падрадчыкам сваіх абавязацельстваў па ліквідацыі недахопаў будаўнічых работ, выяўленых у перыяд гарантыйнага тэрміну эксплуатацыі аб'екта", - гаворыцца ў паведамленні. Цяпер рэзерваваць неабходна будзе не 1,5% сродкаў, а 0,5%.

Акрамя таго, падрадчыкі змогуць карыстацца паловай раней зарэзерваваных сродкаў, якія знаходзяцца на спецыяльным рахунку, на папаўненне абаротных сродкаў.

У дакуменце таксама адзначана, што ўстанаўленнем парадку паралельнага праектавання і будаўніцтва аб'ектаў будзе займацца Саўмін краіны.

Чытайце таксама:

14
Тэги:
Беларусь, дом, орган, Указ, Аляксандр Лукашэнка