МІНСК, 9 лют – Sputnik. Прэзідэнт Беларусі Аляксандр Лукашэнка сёння сустрэўся са старшынёй Мінскага гарвыканкама Уладзімірам Кухаравым і абмеркаваў, у тым ліку, праблему ўборкі горада ад снегу, паведаміў Telegram-канал "Пул Першага", блізкі да прэс-службы кіраўніка беларускай дзяржавы.

"Зімы заўсёды былі не зімамі, а ў гэтым годзе сапраўдная зіма. Асабліва сёння, калі тэмпература, хай, здавалася б, не вельмі нізкая - 10–15 градусаў (марозу), але моцны вецер і снег. Такога я ўжо даўно не памятаю" , - заявіў Лукашэнка.

Нечаканасцю для ўладаў стала тое, што людзі скардзяцца на непрыбраны снег, адзначыў ён.

"Скардзяцца, што мы не паспяваем расчышчаць завулкі, двары, ну і ці ледзь не падыход да дома і да пад'езда кожнага чалавека. Вядома, нас можна крытыкаваць, але ў такія надзвычайныя моманты трэба, каб людзі самі падключаліся да ўборцы", - упэўнены кіраўнік дзяржавы.

У вёсцы прасцей

У вёсках не трэба нікога арганізоўваць, лічыць Лукашэнка. Мясцовыя жыхары там самаарганізаваныя, гэта іх "звычайная работа", адзначыў прэзідэнт.

© Pixabay

Лукашэнка: ёсць прырода - ёсць жыццё

"У горадзе людзей трэба арганізаваць, калі трэба - дапамагчы інструментам і выразна людзям сказаць: паслухайце, сітуацыя такая - вось гэтая тэрыторыя за вамі, а гэта мы вам будзем чысціць", - сказаў Лукашэнка.

Пытанне ў арганізацыі справы, лічыць беларускі лідэр. "ЖКГ, ЖКК, ЖКА і кіраўнікі адміністрацый - у нас іх дзевяць - і апараты, усіх трэба вывесці для арганізацыі. І так па ўсіх напрамках", - рэзюмаваў Лукашэнка.

Чытайце таксама:

• Снежны апакаліпсіс: штармавое папярэджанне аб'яўлена на аўторак
• Моцныя снегапады ў еўрапейскіх краінах: у рэгіёнах паралізаваны рух транспарту
• Асцярожна, ледзяшы! За суткі ў Мінску ачысцілі ад лёду 200 дахаў

МІНСК, 25 лют – Sputnik. Круглы стол на тэму "Нацистский геноцид: новые документы и материалы" з удзелам спікераў Асамблеі народаў Еўразіі і экспертаў мультымедыйнага праекта РІА Навіны "Нюрнберг. Начало мира" прайшоў у прэс-цэнтры медыягрупы "Россия сегодня" у Маскве. Круглы стол у фармаце тэлемоста аб'яднаў удзельнікаў з Расіі, Латвіі, Казахстана і Таджыкістана.

Ключавой тэмай абмеркавання стала прэзентацыя міжнароднага праекта Асамблеі "Бессмертная память", задача якога - выявіць і аблічбаваць ўвесь масіў дадзеных пра злачынствы нацыстаў супраць грамадзян СССР з замежных архіваў. У праект таксама ўвойдуць матэрыялы, апублікаваныя па завяршэнні Нюрнбергскага трыбунала, які першым у гісторыі прызнаў агрэсію найцяжэйшым крымінальным злачынствам і аддаў публічнай агалосцы злачынствы нацыстаў супраць свету і чалавечнасці.

Генеральны сакратар Асамблеі народаў Еўразіі Андрэй Бельянінаў у сваім выступленні адзначыў: "Да захавання гістарычнай памяці ўсё больш актыўна падключаецца грамадскасць - расійская і сусветная. Праца Міжнароднага арганізацыйнага камітэта праекта "Бессмертная память" па захаванні гістарычна каштоўнаснай спадчыны Вялікай Айчыннай і Другой сусветнай войнаў адначасова адказвае інтарэсам Расіі і ўсіх краін - пераможцаў і саюзнікаў.

Запатрабаванасць такой грамадскай структуры становіцца яшчэ больш відавочнай, калі ўлічыць беспрэцэдэнтную антырасійскую прапагандысцкую кампанію, разгорнутую ў апошнія гады. Па ўсім свеце стала нашмат складаней арганізоўваць і праводзіць мерапрыемствы, звязаныя з памятаннем нават такіх адназначных па сваім ідэалагічным змесце падзей, як разгром фашызму Савецкім Саюзам і краінамі антыгітлераўскай кааліцыі.

Найважнейшай задачай Міжнароднага арганізацыйнага камітэта праекта "Бессмертная память" з'яўляецца стварэнне агульнага электроннага банка дакументаў аб нацысцкіх злачынствах, а таксама стварэнне адзінай картатэкі нацыстаў і іх памагатых, якія ўчынілі злачынствы супраць міру і чалавечнасці. Гэтая дастойная навукова-арганізацыйная задача выпадае на долю нашага пакалення. Яе выкананне будзе спрыяць аднаўленню гістарычнай справядлівасці і стане надзейнай перашкодай тым, хто спрабуе перапісаць гісторыю, рэабілітаваць нацызм і ачарніць вялікую перамогу савецкага народа і ўсіх краін і народаў - пераможцаў нацызму".

© Sputnik / Владимир Трефилов

У агенцтве "Россия сегодня" прадставілі праект "Бессмертная память"

У ходзе круглага стала быў таксама прадстаўлены трансмедыйны гістарычны праект РІА Навіны "Нюрнберг. Начало мира" (http://nuremberg.media), які стартаваў у год 75-годдзя галоўнага судовага працэсу ХХ стагоддзя. У яго межах на партале nuremberg.media і ў сацсетках праекта штодня публікуюцца матэрыялы, прысвечаныя Нюрнбергскаму трыбуналу, на рускай, нямецкай, французскай і англійскай мовах.

Сваім чытачам на працягу года праект прэзентуе ўнікальныя архіўныя і музейныя сведчанні, фатаграфіі, малюнкі, кінахроніку, што дасць ім магчымасць перажыць працэс дзень за днём. У аснове праекта - сведчанні ад першай асобы, атрыманыя аўтарамі з расійскіх і замежных архіваў, якія вывучаюць спадчыну Нюрнберга. Дапоўняць іх выставы, падкасты, паблік-токі, перформансы. Часткай праекта стане і ўнікальная VR-рэканструкцыя па гісторыях галоўных адказчыкаў Трыбунала.

Sputnik

Мемарыял над магілай беларускага афіцэра разбурылі ў Латвіі

"Пытанне аб дакументах, якія раскрываюць злачынствы нацызму - адзін з ключавых для праекта. Мы праводзім шмат часу ў архівах, працуем з апублікаванымі матэрыяламі - фота, відэа, гук, машынапіс. У цэнтры нашых публікацый заўсёды дакумент. Гэтыя сведчанні такой сілы, што часам нават загартаваныя нашы калегі адчуваюць эмацыйныя цяжкасці ў працы над тэмай. Таму мы з вялікай увагай ставімся да гэтай найважнейшай працы па пошуку і аблічбоўцы дакументаў, звязаных з злачынствамі супраць мірнага насельніцтва СССР - гэты пласт гістарычнай памяці яшчэ трэба будзе вывучыць", - адзначыла ў ходзе круглага стала кіраўнік праекта "Нюрнберг. Начало мира", журналіст і пісьменнік Наталля Осіпава.

У ходзе круглага стала была дасягнута дамоўленасць аб публікацыі абраных матэрыялаў праекта "Бессмертная память" па факце злачынстваў нацыстаў супраць грамадзян СССР на партале nuremberg.media.