Каляскі ля ўвахода ў будынак

Шматдзетных сем'яў у Мінскай вобласці становіцца больш

13
(абноўлена 16:15 10.02.2021)
У апошні час фіксуецца станоўчая дынаміка ў нараджальнасці - колькасць шматдзетных сем'яў у Мінскім рэгіёне ўзрастае.

МІНСК, 10 лют – Sputnik. Колькасць шматдзетных сем'яў у Мінскай вобласці павялічваецца, - паведамілі ў аддзеле дзяржаўнай падтрымкі сям'і камітэта па працы, занятасцi i сацыяльнай абароне Мінаблвыканкама.

Калі ў 2020 годзе іх налічвалася 18 066, то ўжо па стане на 10 лютага бягучага года іх колькасць наблізілася да 19 587.

Большасць шматдзетных сем'яў маюць траіх непаўналетніх дзяцей - 15 810, чацвярых – 2 766, пяцярых - 734. А дзве сям'і з Салігорску і адна з Нясвіжа выхоўваюць 11 дзяцей.

Калі ў 2010 годзе ў Мінскім рэгіёне налічвалася 9 316 сем'яў з трыма і больш непаўналетнімі дзецьмі, то ў 2015 іх было ўжо 13 180.

У апошні час таксама фіксуецца станоўчая дынаміка: за перыяд з 1 студзеня 2020 года па 10 лютага 2021-га ў рэгіёне з'явілася 1 521 новая шматдзетная сям'я.

Большасць шматдзетных сем'яў жывуць у Мінскім, Барысаўскім, Салігорскім і Маладзечанскім раёнах, менш за ўсё - у Клецкім, Мядзельскім і Старадарожскім.

Чытайце таксама:

13
Тэги:
Мінская вобласць, дзеці, Сям'я
Пасяджэнне Еўрапейскага Савета ў Брусэлі

ЕС на год працягнуў санкцыі супраць Беларусі

6
(абноўлена 09:28 26.02.2021)
У Еўрасаюзе дадзенае рашэнне патлумачылі працягам рэпрэсій супраць мірных дэманстрантаў і прадстаўнікоў СМІ.

МІНСК, 26 лют - Sputnik. Еўрапейскі саюз да 28 лютага наступнага года працягнуў санкцыі, уведзеныя ў дачыненні да Беларусі, гаворыцца ў дакуменце, распаўсюджаным ЕС.

"Савет (Еўрасаюза - Sputnik) вырашыў падоўжыць да 28 лютага 2022 года абмежавальныя меры ў дачыненні да высокапастаўленых асоб за рэпрэсіі, запалохванне мірных дэманстрантаў, прадстаўнікоў апазіцыі і журналістаў Беларусі", - адзначаецца ў заяве.

Там таксама адзначаецца, што санкцыйныя меры будуць яшчэ год дзейнічаць супраць грамадзян рэспублікі, якія, на думку чыноўнікаў ЕС, датычныя да фальсіфікацыі прэзідэнцкіх выбараў, якія прайшлі ў Беларусі ў жніўні 2020 года.

Як раней паведамляў Sputnik, на гэтым тыдні Еўрапейскі саюз прыняў рашэнне пачаць працэс падрыхтоўкі новага - чацвёртага - пакета санкцый у дачыненні да рэспублікі.

Санкцыі

Раней Еўрасаюз двойчы публікаваў санкцыйныя спіскі па Беларусі 2 кастрычніка і 6 лістапада, трэці - 17 снежня. Прэзідэнта Аляксандра Лукашэнку ўнеслі ў "чорны спіс" у другім пакеце. Беларусь увяла люстраныя санкцыі супраць Еўрасаюза. У ліку мер - прыпыненне дзейнасці каардынацыйнай групы "Беларусь - ЕС" і паніжэнне ўзроўню ўдзелу краіны ва "Усходнім партнёрстве".

У МЗС рэспублікі з гэтай нагоды заявілі, што падрыхтавалі адказ на чарговыя абмежавальныя меры ЕС.

Акрамя Вялікабрытаніі, санкцыі ў дачыненні да некаторых беларускіх грамадзян увялі і ЗША. У амерыканскі санкцыйных спісак трапілі 43 беларускіх чыноўніка, сярод якіх высокапастаўленыя асобы са сферы юстыцыі, камандуючыя і радавыя супрацоўнікі праваахоўных органаў, якія "здзейснілі супрацьпраўныя дзеянні ў адносінах да мірных дэманстрантаў", асобныя суддзі, супрацоўнікі пракуратуры і работнікі адукацыйных устаноў.

Чытайце таксама:

6
Тэги:
СМІ, Еўрасаюз, Беларусь, ЕС, санкцыі
Кот каля новага дома ў падвале Эрмітажа

Каты Эрмітажа атрымаюць €3 тыс спадчыны ад французскага мецэната

7
(абноўлена 22:24 25.02.2021)
Сродкі плануецца пусціць на рамонт скляпоў, дзе жывуць хвастатыя ахоўнікі самага вядомага піцерскага музея.

МІНСК, 26 лют – Sputnik. Каты санкт-пецярбургскага музея Эрмітаж атрымаюць тры тысячы еўра, завешчаныя ім мецэнатам з Францыі, паведаміла прадстаўнік музея Марыя Халтунен.

У снежні дырэктар установы Міхаіл Піятроўскі распавёў пра француза, які згадаў музейных жывёл у сваім тэстаменце і пакінуў ім трохі грошай. Паводле яго слоў, сродкі плануецца пусціць на рамонт скляпоў, дзе жывуць каты.

"Цяпер завяршаецца этап атрымання спадчыны. Думаю, да канца вясны ўжо дакладна грошы будуць атрыманы", - сказала журналістам Халтунен.

Яна таксама ўдакладніла, што для атрымання спадчыны трэба ў Францыі выплаціць неабходныя падаткі і пакрыць кошт натарыяльных паслуг.

Да цяперашняга часу рашэнне аб выкарыстанні сродкаў не прынята, але ў Эрмітажы па-ранейшаму схіляюцца да таго, каб палепшыць умовы жыцця катоў, якіх цяпер у музеі каля паўсотні.

Эрмітажныя каты жывуць у Зімовым палацы з пачатку ХVIII стагоддзя, указам Кацярыны Вялікай ім быў нададзены статус ахоўнікаў каштоўных карцінных галерэй.

7
Тэги:
спадчына, Эрмітаж, кот