МІНСК, 18 лют – Sputnik. Пабочныя рэакцыі на прышчэпку расійскай вакцыны ад каронавіруса "Спутник V" у Беларусі не выяўлены, пра гэта ў эфіры тэлеканала АНТ расказаў намеснік міністра аховы здароўя - галоўны дзяржаўны санітарны ўрач Аляксандр Тарасенка.

"Сярод вакцынаваных на сённяшні дзень якіх-небудзь ўскладненняў не было. Так, рэакцыі былі (катаральныя, тэмпература, слабасць), але праяў у выглядзе ўскладненняў пакуль не адзначалася", - запэўніў урач.

Зараз сярод насельніцтва, адзначае Міністэрства аховы здароўя, становіцца ўсё больш жадаючых прышчапіцца ад каронавируса, прычым больш актыўна за ўсё цікавяцца людзі старэйшыя за 60 гадоў.

Нагадаем, на мінулым тыдні ў Беларусі вакцыну ад каронавіруса "Спутник V" адобрылі да ўжывання для людзей сталага ўзросту (раней вакцына была дазволена толькі для людзей ва ўзросце 18-60 гадоў). Пасля таго, як расійскі вытворца дазволіў пашырыць узроставую планку для людзей старэйшага ўзросту, адпаведнае рашэнне прыняла і беларускае Міністэрства аховы здароўя.

Андрэй Тарасенка запэўніў, што з паступленнем новай партыі расійскай вакцыны ад каронавіруса будуць прывіваць і ўзроставае насельніцтва краіны.

Ці будзе рост захворвання?

Галоўны дзяржаўны санітарны ўрач Беларусі адзначыў, што зараз у краіне назіраецца ўстойлівая тэндэнцыя да зніжэння захворвання на каронавірус. Аднак вясной, разам з традыцыйным ростам захворвання на ВРВІ, можа павялічыцца і колькасць новых выпадкаў каронавіруса.

Вакцынацыя ад каронавіруса

У Беларусі аб рэгістрацыі расійскай вакцыны "Спутник V" Міністэрства аховы здароўя паведаміла 21 снежня, а 29 снежня першыя сем прышчэпак атрымалі медыкі 5-й гарадской клінічнай паліклінікі Мінска. 19 студзеня ў краіне стартавала масавая вакцынацыя медработнікаў, якія знаходзяцца ў зоне рызыкі.

12 лютага ў Беларусі вакцына ад каронавіруса "Спутник V" была ўхвалена для ўжывання пажылым людзям старэйшым за 60 гадоў.

Чытайце таксама:

• Піневіч: прыступаем да вакцынацыі беларускіх настаўнікаў ад COVID
• Дзве расійскія вакцыны прызнаны эфектыўнымі супраць брытанскага "мутанта"
• Важнасць "Спутник V" для чалавецтва ацаніў галоўны інфекцыяніст ЗША

МІНСК, 25 лют – Sputnik. Круглы стол на тэму "Нацистский геноцид: новые документы и материалы" з удзелам спікераў Асамблеі народаў Еўразіі і экспертаў мультымедыйнага праекта РІА Навіны "Нюрнберг. Начало мира" прайшоў у прэс-цэнтры медыягрупы "Россия сегодня" у Маскве. Круглы стол у фармаце тэлемоста аб'яднаў удзельнікаў з Расіі, Латвіі, Казахстана і Таджыкістана.

Ключавой тэмай абмеркавання стала прэзентацыя міжнароднага праекта Асамблеі "Бессмертная память", задача якога - выявіць і аблічбаваць ўвесь масіў дадзеных пра злачынствы нацыстаў супраць грамадзян СССР з замежных архіваў. У праект таксама ўвойдуць матэрыялы, апублікаваныя па завяршэнні Нюрнбергскага трыбунала, які першым у гісторыі прызнаў агрэсію найцяжэйшым крымінальным злачынствам і аддаў публічнай агалосцы злачынствы нацыстаў супраць свету і чалавечнасці.

Генеральны сакратар Асамблеі народаў Еўразіі Андрэй Бельянінаў у сваім выступленні адзначыў: "Да захавання гістарычнай памяці ўсё больш актыўна падключаецца грамадскасць - расійская і сусветная. Праца Міжнароднага арганізацыйнага камітэта праекта "Бессмертная память" па захаванні гістарычна каштоўнаснай спадчыны Вялікай Айчыннай і Другой сусветнай войнаў адначасова адказвае інтарэсам Расіі і ўсіх краін - пераможцаў і саюзнікаў.

Запатрабаванасць такой грамадскай структуры становіцца яшчэ больш відавочнай, калі ўлічыць беспрэцэдэнтную антырасійскую прапагандысцкую кампанію, разгорнутую ў апошнія гады. Па ўсім свеце стала нашмат складаней арганізоўваць і праводзіць мерапрыемствы, звязаныя з памятаннем нават такіх адназначных па сваім ідэалагічным змесце падзей, як разгром фашызму Савецкім Саюзам і краінамі антыгітлераўскай кааліцыі.

Найважнейшай задачай Міжнароднага арганізацыйнага камітэта праекта "Бессмертная память" з'яўляецца стварэнне агульнага электроннага банка дакументаў аб нацысцкіх злачынствах, а таксама стварэнне адзінай картатэкі нацыстаў і іх памагатых, якія ўчынілі злачынствы супраць міру і чалавечнасці. Гэтая дастойная навукова-арганізацыйная задача выпадае на долю нашага пакалення. Яе выкананне будзе спрыяць аднаўленню гістарычнай справядлівасці і стане надзейнай перашкодай тым, хто спрабуе перапісаць гісторыю, рэабілітаваць нацызм і ачарніць вялікую перамогу савецкага народа і ўсіх краін і народаў - пераможцаў нацызму".

У ходзе круглага стала быў таксама прадстаўлены трансмедыйны гістарычны праект РІА Навіны "Нюрнберг. Начало мира" (http://nuremberg.media), які стартаваў у год 75-годдзя галоўнага судовага працэсу ХХ стагоддзя. У яго межах на партале nuremberg.media і ў сацсетках праекта штодня публікуюцца матэрыялы, прысвечаныя Нюрнбергскаму трыбуналу, на рускай, нямецкай, французскай і англійскай мовах.

Сваім чытачам на працягу года праект прэзентуе ўнікальныя архіўныя і музейныя сведчанні, фатаграфіі, малюнкі, кінахроніку, што дасць ім магчымасць перажыць працэс дзень за днём. У аснове праекта - сведчанні ад першай асобы, атрыманыя аўтарамі з расійскіх і замежных архіваў, якія вывучаюць спадчыну Нюрнберга. Дапоўняць іх выставы, падкасты, паблік-токі, перформансы. Часткай праекта стане і ўнікальная VR-рэканструкцыя па гісторыях галоўных адказчыкаў Трыбунала.

"Пытанне аб дакументах, якія раскрываюць злачынствы нацызму - адзін з ключавых для праекта. Мы праводзім шмат часу ў архівах, працуем з апублікаванымі матэрыяламі - фота, відэа, гук, машынапіс. У цэнтры нашых публікацый заўсёды дакумент. Гэтыя сведчанні такой сілы, што часам нават загартаваныя нашы калегі адчуваюць эмацыйныя цяжкасці ў працы над тэмай. Таму мы з вялікай увагай ставімся да гэтай найважнейшай працы па пошуку і аблічбоўцы дакументаў, звязаных з злачынствамі супраць мірнага насельніцтва СССР - гэты пласт гістарычнай памяці яшчэ трэба будзе вывучыць", - адзначыла ў ходзе круглага стала кіраўнік праекта "Нюрнберг. Начало мира", журналіст і пісьменнік Наталля Осіпава.

У ходзе круглага стала была дасягнута дамоўленасць аб публікацыі абраных матэрыялаў праекта "Бессмертная память" па факце злачынстваў нацыстаў супраць грамадзян СССР на партале nuremberg.media.