Вучоны з мікраскопам

Дактары навук у Беларусі сталі маладзей

25
(абноўлена 17:01 04.03.2021)
Больш за ўсё ўладальнікаў вучоных ступеняў зафіксавана ў тэхнічных навуках, менш за ўсё запатрабавана фармацэўтыка і архітэктура.

МІНСК, 4 сак – Sputnik. Упершыню ў гісторыі Беларусі сярэдні ўзрост суіскальнікаў вучоных ступеняў сярод дактароў навук склаў ніжэй за 50 гадоў, пра гэта ў ходзе прэс-канферэнцыі ў Нацыянальным прэс-цэнтры распавёў намеснік старшыні Вышэйшай атэстацыйнай камісіі (ВАК) Рэспублікі Беларусь Кірыл Дабрэга.

"Доля ўладальнікаў ступеняў у тэхнічных навуках складае 19,9%, у медыцынскіх - 14,3%, фізмат - 10,9%. Сярэдні ўзрост суіскальнікаў вучоных ступеняў для кандыдатаў навук складае 35,5 гадоў. Сярэдні ўзрост дактароў навук - 49,8 гадоў. У справаздачным 2020 годзе гэты паказчык упершыню стаў ніжэй за 50 гадоў", - адзначыў Кірыл Дабрэга.

У 2020 годзе ВАК прысудзіў вучоную ступень 347 суіскальнікам. З іх 40 дактарам навук і 307 кандыдатам навук. Вучонае званне прафесара прысвоена 31 суіскальніку, дацэнта - 313 суіскальнікам.

Больш за ўсё ўладальнікаў вучоных ступеняў зафіксавана ў тэхнічных навуках, далей ідуць медыцынскія, фізіка-матэматычныя, эканамічныя, біялагічныя.

Найменшая колькасць уладальнікаў вучоных ступеняў назіраецца ў геолага-мінералагічнай сферы, а таксама архітэктуры і фармацэўтыцы.

Уладальнікамі вучоных ступеняў сталі 34 замежных грамадзяніна з 9 краін. Больш за ўсё навуковых прац было абаронена грамадзянамі Кітая (16 чалавек), Расіі і В'етнама (па 5).

Кантроль якасці навуковых работ адбываецца дзякуючы правядзенню спецыяльнай экспертызы, распавядае намеснік старшыні ВАК.

"Экспэртыза праводзіцца як экспертнымі саветамі, так і прэзідыумам ВАК. Пры неабходнасці прызначаюцца і дадатковыя экспертызы", - растлумачыў Дабрэга.

У 2020 годзе ВАК не зацвердзіў 27 дысертацый (менш за 8% ад усіх навуковых работ). Годам раней такіх было 47 (каля 12%). Больш за ўсё адмоўных ацэнак ВАК было зафіксавана па эканамічных галінах.

Чытайце таксама:

25
Тэги:
Вышэйшая атэстацыйная камісія, ВАК, архітэктура, вучоная ступень, Беларусь, навука, доктар
Цягнік БЧ

У Анапу і Мурманск: куды з Беларусі хутка пачнуць хадзіць цягнікі

21
(абноўлена 17:12 12.05.2021)
Цяпер у Расію "чыста беларускія" пасажырскія саставы ездзяць па чатырох кірунках, акрамя таго, запушчаны хуткасны цягнік паміж Мінскам і Масквой.

МІНСК, 12 тра - Sputnik. Цягнікі па сямі расійскіх напрамках адновяць курсіраванне з Беларусі да пачатку летняга сезона, заявіў у эксклюзіўным інтэрв'ю Sputnik першы намеснік Мінтранса рэспублікі Аляксей Ляхновіч.

"Сумесна з ААТ "РЖД" праводзіцца работа па аднаўленні да пачатку летняга сезона наступных цягнікоў фарміравання БЧ: Брэст - Масква, Гродна - Мінск - Масква, Полацк - Масква, Мінск - Анапа, Мінск - Екацерынбург, Мінск - Мурманск, Мінск - Архангельск", - распавёў першы намеснік міністра.

Ляхновіч нагадаў, што  чыгуначнае паведамленне ў поўным аб'ёме адноўлена з Масквы ў Мінск, з Брэста праз Мінск у Санкт-Пецярбург (штодзённае курсіраванне). З перыядычнасцю праз дзень - цягнікоў Брэст - Масква. Таксама аднавілася курсіраванне цягніка Мінск - Адлер. Уведзены ў штодзённы зварот хуткасны цягнік Масква - Мінск ( "Ласточка") са знаходжаннем ў дарозе менш за 7 гадзін.

Поўны тэкст інтэрв'ю з першым намеснікам міністра транспарту Беларусі Аляксеем Ляхновічам чытайце ў чацвер у 09:00 на сайце Sputnik Беларусь.

21
Тэги:
Масква, Мінск, Расія, цягнік, Беларусь, Мурманск
Вакцынацыя ад каронавірусу

Міністэрства аховы здароўя Беларусі аб'явіла флэшмоб - вакцынаваўся, а ты?"

10
(абноўлена 14:30 12.05.2021)
Каб далучыцца, трэба апублікаваць фота ў сацсетках з тэматычнымі хэштэгамі або даслаць здымкі на электронную пошту.

МІНСК, 12 тра - Sputnik. Флэш-моб "Я - вакцынаваўся, а ты?" стартаваў у Беларусі, паведамілі ў прэс-службе Міністэрства аховы здароўя.

Першымі яго падтрымалі супрацоўнікі Цэнтра экспертыз і выпрабаванняў у ахове здароўя, БелМАПА, холдынгу "Белфармпром", 2-й гарадской бальніцы Мінска, студэнты-медыкі.

У профільным ведамстве адзначаюць, што прышчэпка застаецца бяспечным і эфектыўным спосабам прадухілення хвароб і выратавання жыццяў. І зараз вакцынацыя стала яшчэ больш актуальнай. Лекары падкрэсліваюць, што яна дазваляе засцерагчы ад хвароб не толькі сябе, але і людзей вакол: чым больш тых, хто прышчапіўся ад каронавірусу, тым вышэй калектыўны імунітэт. Адпаведна, зніжаецца верагоднасць усплёску захворванняў.

Каб далучыцца да флэшмобу, досыць размясціць фота з хэштэгамі: #явакцинировался #общийиммунитет #защищенывместе #stopcovidbelarus. Можна адправіць здымкі на пошту: minzdravbelarus@yahoo.com або info@medvestnik.by.

Як у іншых?

Акцыі і флэшмобы, якія падахвочваюць людзей зрабіць прышчэпку ад каронавірусу, праводзяць у розных краінах. Ёсць і вельмі спецыфічныя.

Напрыклад, улады амерыканскага штата Нью-Джэрсі паабяцалі бясплатнае піва тым, хто зробіць прышчэпку ў траўні. Пасля паходу ў клініку трэба проста зайсці ў адзін з мясцовых пабаў (удзельнічаюць 13 устаноў) і паказаць даведку.

У Канэктыкуце пенны напой дастанецца кліенту, калі ён замовіць яшчэ і нешта з ежы.

А ў Арызоне і Мічыгане пасля вакцынавання можна атрымаць марыхуану. Такую ўзнагароду абяцалі мясцовыя крамы, у якіх ёсць ліцэнзія на яе продаж. Праўда, гэта тычыцца толькі паўналетніх (каму больш за 21 год).

У Індыі, дзе сітуацыя з каронавірусам пагаршаецца, супольнасць ювеліраў у красавіку раздавала жанчынам залатыя ўпрыгажэнні для пірсінгу, мужчынам - бытавую тэхніку. У адным з найбольш пакутуючых штатаў Утар-Прадэш арганізавалі латарэю сярод прышчэпленых. Праўда, якія падарункі будуць разыгрываць, не паведамлялася.

Сталіца Расіі сканцэнтравала ўвагу на самай неабароненай катэгорыі жыхароў - старэйшых за 60. Пра акцыю ў сваім блогу паведаміў мэр Масквы Сяргей Сабянін. Зрабіўшы першую з двух неабходных прышчэпак вакцынай "Спутник V", людзі ва ўзросце атрымаюць падарункавую карту наміналам у тысячу расійскіх рублёў, ёй можна скарыстацца ў крамах, аптэках і кафэ, якія ўдзельнічаюць у акцыі.

Канцэптуальны флэшмоб прыдумалі расійскія карыстальнікі сацсетак. Яны пачалі перарабляць вершы вядомых паэтаў, уяўляючы, як яны маглі б апісваць вакцынацыю.

Чытайце таксама:

10
Тэги:
пошта, фотаздымкі, Вакцынацыя, флэшмоб, Міністэрства аховы здароўя
Тэмы:
Каронавірус COVID-19
Які сёння дзень: 13 траўня

Які сёння дзень: 13 траўня 2021 года

0
(абноўлена 17:24 12.05.2021)
Гэты дзень з'яўляецца сто трыццаць чацвёртым па грыгарыянскім календары, да канца года засталося 232 дні.

Якія падзеі адбыліся 13 траўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 13 траўня

  • У 1986 годзе адкрыўся V з'езд Саюза кінематаграфістаў СССР, на якім першым сакратаром быў абраны рэжысёр Элем Клімаў. З "паліцы" былі знятыя раней забароненыя цэнзурай фільмы.

Хто нарадзіўся 13 траўня

  • 1879 год: Іван Серада, беларускі палітык і навуковец, першы старшыня Рады Беларускай Народнай Рэспублікі.
  • 1905 год: Стэфанія Станюта, беларуская актрыса.
  • 1933 год: Аляксандр Кішчанка, мастак, аўтар вядомага "Габелену стагоддзя".
  • 1949 год: Сяргей Краўчанка, беларускі акцёр.

Таксама сёння нарадзіліся амерыканскі пісьменнік-фантаст Роджэр Жалязны і французскі спявак Грэгары Лемаршаль.

13 траўня ў народным календары

Сёння праваслаўныя вернікі шануюць памяць апостала Іакава Завядзеева - аднаго з дванаццаці апосталаў, бліжэйшага вучня Ісуса Хрыста. У народзе яго называлі Якаў Цёплы, таму што да гэтага дня ўжо ўсталёўвалася добрае надвор'е. Жанчыны верылі, што дождж на Якава прадвяшчае шмат вяселляў увосень. 

13 траўня імкнуліся пазбягаць далёкіх вандровак. Лічылася, што ў гэты час вандруюць па свеце апошнія ліхаманкі, і каб зберагчы здароў'е, лепей было застацца дома.

Калі неба на захадзе яснае, лета будзе пагодлівае, калі ж сонейка сядае ў аблокі, будуць дажджы.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей