З Антарктыды з гарачай любоўю: беларускія палярнікі павіншавалі жанчын

© Photo : НАН БеларусиБеларускія палярнікі ў Антарктыдзе
Беларускія палярнікі ў Антарктыдзе - Sputnik Беларусь, 1920, 05.03.2021
Падпісацца
Суровыя мужчыны прызналіся прыгожай палове чалавецтва ў каханні і пажадалі, каб атмасфера свята была не толькі 8 сакавіка.

МІНСК, 5 сак – Sputnik. Беларускія палярнікі даслалі жанчынам краіны віншаванне з першым вясновым святам, паведамляе прэс-служба Нацыянальнай акадэміі навук.

"Вы дорыце нам любоў і радасць, ахінаеце клопатам, вы натхняеце мужчын на подзвігі і здзяйсненні. Для вас мужчыны складаюць песні і вершы, вам прысвячаюць перамогі, дораць кветкі і падарункі. Без вас наша жыццё было б чорна-белым сюжэтам", - гаворыцца ў віншаванні.

Удзельнікі Беларускай антарктычнай экспедыцыі пажадалі жанчынам моцнага здароўя, мірнага неба, шчасця, спакою і дабрабыту.

"Няхай мужчыны захоўваюць для вас атмасферу свята не толькі 8 сакавіка, а кожны дзень, круглы год!" - напісалі палярнікі.

Беларуская станцыя ў Антарктыдзе

У складзе 13-й Беларускай антарктычнай экспедыцый ажно 10 удзельнікаў. Пяцёра з іх - вопытныя ўдзельнікі, пяцёра - пачаткоўцы. Гэта - урачы і біёлагі, IT-спецыялісты і механікі. Кіруе імі палярны даследчык Аляксей Гайдашоў, для якога гэта ўжо 13-ая экспедыцыя.

Беларускія палярнікі ў Антарктыдзе павіншавалі навукоўцаў з Днём навукі - Sputnik Беларусь, 1920, 25.01.2019
Відэа
Беларускія палярнікі ў Антарктыдзе павіншавалі навукоўцаў з Днём навукі

У гэтым годзе запланавана канчатковае абсталяванне беларускай станцыі, на якой у сезоне 2021-22 гадоў трэба будзе наладзіць круглагадовае знаходжанне.

Навукоўцы праводзяць назіранне за азонавы слоем, вывучэнне аэразольнага і газавага саставу атмасферы, біялагічныя, мікрабіялагічныя і геафізічныя даследаванні, экалагічны маніторынг.

Беларускія палярнікі сочаць за ключавымі параметрамі паветра, снежнага покрыва, вады, глебавых адкладаў.

Вядзецца таксама пошук участкаў, перспектыўных з пункту гледжання наяўнасці карысных выкапняў, ацэньваюцца магчымасці выкарыстання біялагічных рэсурсаў Антарктыкі.

Чытайце таксама:

Стужка навiн
0